完整藏文原文 · 德格版页 当前仅加载第 13 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བྱས་པ་དང་། བསྐྲད་པའི་ལས་བྱས་པ་དང་། སླར་བསྡུ་བའི་ལས་བྱས་པ་ལའང་རྒྱས་པར་ཏེ། རྣམ་པ་བཞིར་བསྐོར་བར་བརྗོད་པར་བྱའོ། །སྤངས་པ་ལ་བསྡིགས་པའི་ལས་བགྱིད་ན་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ཏེ།
D7a.013.0233a01.01དེ་ནི་མཚུངས་པར་སྤྱོད་པ་མ་ཡིན་པའི་ཕྱིར་རོ། །དེ་བཞིན་དུ་སྨད་པ་དང་བསྐྲད་པ་དང་། སླར་བསྡུ་བའི་ལས་བགྱིད་པ་དེ་དག་བགྱིས་པ་ཞེས་བགྱིའམ། ཨུ་པཱ་ལི་མ་ཡིན་ཏེ། ད་ནི་མཚུངས་པར་སྤྱད་པ་མ་ཡིན་པའི་ཕྱིར་རོ། །དགེ་སློང་དག་མ་གཏོགས་པར་གཞན་ལ་
D7a.013.0233a02.01དབྱེན་བྱས་པ་ནི་ཉེས་བྱས་སུ་འགྱུར་རོ། །བསྡིགས་པ་ཞེས་བགྱི་བའི་དོན་ཇི་ལྟ་བུ། ཨུ་པཱ་ལི་དེ་ནི་མིང་ཙམ་མོད་ཀྱི། དགེ་སློང་གང་ཐབ་མོ་ཅན་དུ་གྱུར་པ་དེ་ལ་ཁྱོད་ནམ་ཐབ་མོ་དེ་ལས་སླར་ལོག་པར་མ་གྱུར་པ་དེའི་བར་དུ་ཁྱོད་ལ་དགེ་འདུན་གྱིས་ཕྱི་ཕྱིར་ཉེ་བར་རྟོག་གོ་ཞེས་
D7a.013.0233a03.01བསྒོ་བའོ། །སྨད་པ་ཞེས་བྱ་བའི་དོན་ཅི་ལགས། ཨུ་པཱ་ལི་སྨད་པ་ཞེས་པ་དེ་ནི་མིང་ཙམ་མོད་ཀྱི། དགེ་སློང་གང་ཕྱི་ཕྱིར་དགེ་འདུན་གྱི་ལྷག་མའི་ལྟུང་བར་གྱུར་པ་ལ་ཁྱོད་ཀྱིས་ནམ་ཕྱི་ཕྱིར་ལྟུང་བ་དེ་ལས་སླར་མ་ལོག་པ་དེའི་བར་དུ་གནས་འཆའ་ཞིང་འདུག་ཤིག་
D7a.013.0233a04.01ཅེས་བསྒོ་བའོ། །བསྐྲད་དོ་ཞེས་བགྱི་བའི་དོན་ཅི་ལགས། ཨུ་པཱ་ལི་བསྐྲད་དོ་ཞེས་བྱ་བ་ནི་མིང་ཙམ་མོད་ཀྱི། དགེ་སློང་གང་གིས་རིགས་སུན་པར་གྱུར་པ་སྟེ། དེ་གནས་དེ་ན་མ་འདུག་ཤིག་ཅེས་བསྒོ་བའོ། །སླར་བསྡུ་བ་ཞེས་བགྱི་བའི་དོན་ཅི་ལགས། ཨུ་པཱ་
D7a.013.0233a05.01ལི་དེ་ནི་མིང་ཙམ་མོད་ཀྱི་དགེ་སློང་གང་ཁྱིམ་པ་ལ་དཔྱས་པ་དེ་ལ་ཁྱོད་ཁྱིམ་བདག་དེ་ལ་བཟོད་པར་གསོལ་ཅིག་ཅེས་བསྒོ་བའོ། །ཁྱོད་ལ་དགེ་འདུན་གྱིས་ཕྱི་ཕྱིར་ཉེ་བར་རྟོག་པར་འགྱུར་རོ་ཞེས་གསུངས་ན་གསུངས་པ་དེའི་དོན་ཅི་ལགས། གསུངས་པ། ཁྱོད་ཀྱི་ལྟུང་བ་
D7a.013.0233a06.01གང་བྱུང་བ་དེ་ལ་དགེ་འདུན་གྱིས་ཆོས་བཞིན་དུ་ལས་བྱེད་དུ་འཇུག་གོ་ཞེས་བྱ་བའོ། །ཁྱོད་ཀྱིས་གཞན་ལ་གནས་ཤིང་འདུག་ཤིག་ཅེས་གསུངས་ན་དེའི་དོན་ཅི་ལགས། གསུངས་པ། གང་ཟག་གང་ལ་མཛའ་བའམ། བླ་མར་བྱེད་པའམ། ངོ་ཚ་བའམ།
D7a.013.0233a07.01