完整藏文原文 · 德格版页 当前仅加载第 13 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་དེ་ན་འདུག་པའི་རིགས་སོ། །དེས་དེ་ཁྱེར་དེ་འོངས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ནི་མཚན་མ་ཐོབ་ཤིག །དགེ་སློང་དག་གིས་ཇི་ལྟར་མཚན་མ་གདབ་པ་མི་ཤེས་ནས་
D7a.013.0195b01.01བཅོམ་ལྡན་འདས་ཀྱིས་བཀའ་སྩལ་པ། དགེ་སློང་འདི་ཞེས་བྱ་བས་ཕུལ་བའོ་ཞེས་ཡི་གེར་བྲིས་ཤིག །དགེ་སློང་གིས་དགེ་འདུན་གྱི་དང་། གང་ཟག་གི་གཉི་ག་དེ་བཞིན་དུ་བྲིས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་
D7a.013.0195b02.01ཀྱིས་བཀའ་སྩལ་པ། གང་ཟག་གི་ནི་མངོན་མཚན་ཐོབ་ཤིག །གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་དགེ་འདུན་གྱིའམ། གང་ཟག་གི་ཡང་རུང་སྟེ། རི་མོ་ཅན་ནི་གདིང་བ་མེད་ཀྱི་བར་དུ་མ་སྤྱོད་ཅིག་ཅེས་བཀའ་སྩལ་པ། དགེ་སློང་དག་གང་ཟག་གི་
D7a.013.0195b03.01པར་ཏང་སྟན་བྱེད་པ་ལ་ཞུགས་པ་དང་། དེའི་ནང་ནས་ཁ་ཅིག་གིས་སྨྲས་པ། བཅོམ་ལྡན་འདས་ཀྱིས་ནི་རི་མོ་ཅན་ལས་རྙེད་པ་ནི་གནང་གི །བདག་ཉིད་ཀྱིས་བྱས་པ་ནི་མ་ཡིན་ནོ་ཞེས་གསུངས་སོ། །གཞན་ཞིག་གིས་ཡང་བྱས་པའི་དངོས་པོ་སྤོངས་ཤིག་ཅེས་སྨྲས་པ་དང་། དེ་ལྟར་
D7a.013.0195b04.01གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་བས་ན་དགེ་འདུན་གྱི་ནི་པར་ཏང་རི་མོ་ཅན་རྙེད་དམ་བྱས་ན་ཡང་རུང་ངོ་། །གང་ཟག་གིས་ནི་གཞན་གྱིས་བྱིན་ན་ཡོན་བདག་ཉིད་ལ་བསྔོས་ན་འཆང་བར་གནང་གི །རང་
D7a.013.0195b05.01བྱེད་དུ་ནི་མི་གནང་ངོ་། །བཅོམ་ལྡན་འདས་ཀྱིས་དགེ་འདུན་ལ་ནི་པར་ཏང་རི་མོ་ཅན་རྙེད་པའམ། བྱས་པའང་འཆང་དུ་གནང་གི །གང་ཟག་ལ་ནི་གཞན་གྱིས་བྱིན་པ་དེ་ཉིད་ལ་བསྔོས་ན་འཆང་དུ་གནང་ངོ་ཞེས་བཀའ་སྩལ་ནས། དགེ་སློང་གཞན་ཞིག་གིས་ཁྲིའུ་རྐང་པ་རི་མོ་ཅན་ཞིག་
D7a.013.0195b06.01བདག་གིས་ནི་མ་བྱས་གཞན་གྱིས་བྱིན་པ་འཆང་ངོ་། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངས་རི་མོ་ཅན་ནི་དགོངས་ཏེ་གསུངས་ཀྱི། ཁྲིའུ་རྐང་པ་རི་མོ་ཅན་ལ་མ་ཡིན་གྱིས། དེ་བས་ན་
D7a.013.0195b07.01