完整藏文原文 · 德格版页 当前仅加载第 13 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
ས་ཕྱོགས་གང་ན་ཤེས་རབ་ཅན། །མཁས་པ་ཚུལ་ཁྲིམས་ལྡན་འཁོད་པ། །བཤོས་གསོལ་སྦྱིན་རབས་བསྒྲག་པར་བྱ། །དེ་དག་རྔེད་པས་རྗེད་པར་འགྱུར། །མཆོད་པ་བྱས་པས་མཆོད་པར་འགྱུར། །དེ་ནས་འདི་ལ་སྙིང་བརྩེ་བ། །མ་ཡིས་ཇི་ལྟར་བུ་
D7a.013.0098a01.01ལ་བཞིན། །ལྷས་རྗེས་བརྩེ་བའི་མི་རྣམས་ཀྱིས། །བདེ་ཞིང་བཟང་པོ་མཐོང་བར་འགྱུར། །བཅོམ་ལྡན་འདས་ཀྱིས་སྐྱེས་བུ་གང་ཟག་དད་པས་ལྷ་རྣམས་ལ་མཆོད་ན་སྟོན་པའི་བཀའ་བཞིན་བྱས་པ་ཡིན་ཏེ། སངས་རྒྱས་དག་གིས་ཀྱང་བསྔགས་སོ་ཞེས་གསུངས་པ་
D7a.013.0098a02.01དང་། དྲུག་སྡེ་དག་གིས་ར་བའི་ལྷ་དང་། ནགས་ཀྱི་ལྷ་དང་། བཞི་མདོའི་ལྷ་དང་། སུམ་མདོའི་ལྷ་དང་། འཇིག་རྟེན་གྱི་ལྷ་དག་ལ་སོགས་ཏེ། ཐམས་ཅད་མཆོད་པ་བྱེད་པ་དང་། དད་པའི་བྲམ་ཟེ་དང་ཁྱིམ་བདག་དད་པ་རྣམས་འཕགས་པ་འདི་དག་དགེ་བར་གསུངས་
D7a.013.0098a03.01པའི་ཆོས་འདུལ་བ་ལ་རབ་ཏུ་བྱུང་ན་འདི་ལྟར་གནོད་པ་ཤ་དང་ཁྲག་དང་། རྐང་དང་། ཚིལ་དག་ཟ་ཞིང་གཞན་གྱི་སྲོག་འཕྲོག་པ་དག་ལ་མཆོད་དེ། བདག་ཅག་དགེ་བསྙེན་གྱིས་ཀྱང་རིང་དུ་སྤངས་ན། འདི་དག་ནི་མཆོད་པ་བྱེད་དོ་ཞེས་ཉེས་པ་ངོར་བརྗོད་དཔྱས་འདོགས་ཤིང་མི་
D7a.013.0098a04.01སྙན་པར་ཟེར་ནས་དེ་དག་དགེ་སློང་དག་གིས་ཟློག་པ་དང་། ཅིའི་ཕྱིར་ཚེ་དང་ལྡན་པ་དག་བཅོམ་ལྡན་འདས་ཀྱིས་ནི་གང་སྐྱེས་བུ་གང་ཟག་དད་པ་དག་གིས་ལྷ་དག་ལ་མཆོད་པར་བྱས་ན་སྟོན་པའི་བཀའ་བཞིན་དུ་བྱས་པ་ཡིན་ཏེ། སངས་རྒྱས་དག་གིས་ཀྱང་བསྔགས་སོ་ཞེས་མ་
D7a.013.0098a05.01གསུངས་སམ། ཅི་ངེད་ཅག་དད་པ་མ་ཡིན་ནམ། ཅིའི་ཕྱིར་ན་མི་མཆོད་ཅེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངས་ཁྱིམ་པ་ལ་དགོངས་ཏེ་གསུངས་ཀྱིས་
D7a.013.0098a06.01དགེ་སློང་དག་ལ་མ་ཡིན་གྱིས་དེ་ལྟ་བས་ན་དགེ་སློང་དག་གིས་ལྷ་རྣམས་ལ་མཆོད་པར་མ་བྱེད་ཅིག །བཅོམ་ལྡན་འདས་ཀྱིས་དགེ་སློང་དག་ལྷ་རྣམས་ལ་མཆོད་པར་མ་བྱེད་ཅིག་ཅེས་གསུངས་པ་དང་། དྲུག་སྡེ་དག་གིས་དེ་དག་ལ་གནོད་པར་བྱེད་པ་ལ་ཞུགས་པ་དང་། དགེ་
D7a.013.0098a07.01