完整藏文原文 · 德格版页 当前仅加载第 13 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
ལེན་བགྱི། ཨུ་པཱ་ལི་དེ་ནི་དགེ་བསྙེན་དད་པ་ལས་སོ། །རྐྱང་པའི་སྒོ་དང་པོའི་ཚིགས་སུ་བཅད་པ་བཅུ་པ་སྟེ། སྒོ་དང་པོ་རྫོགས་སོ།། །།མདོར་བསྡུས་པར་ན། སྣོད་དང་ཆོས་གོས་གཉི་ག་དང་། །ཀོ་ས་ལ་དང་སར་པ་དེ་བཞིན་ཏེ། །བསྒྲགས་དང་
D7a.013.0163a01.01ཆོས་གོས་སྣ་ཚོགས་དང་། །ལྷན་ཅིག་པ་ཡང་དགེ་སློང་མ་རྣམས་ནི། །ཐ་མར་བྱས་ཏེ་བསྡུས་པའི་མདོར་གསུངས་སོ། །མདོར་ན། སྣོད་དང་ཡོ་བྱད་གཙུག་ལག་ཁང་། །འགྲོན་པ་མང་བཅོམ་གོས་རྣམས་དང་། །གོས་དང་གདུགས་དང་དེ་བཞིན་ཤིང་། །དུར་ཁྲོད་པ་དང་དེ་བཞིན་
D7a.013.0163a02.01སྤངས། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཁྱིམ་བདག་གཞན་ཞིག་གིས་རི་བྲགས་ཀྱི་གྲོང་གཞན་ཞིག་ཏུ་ཡོ་བྱད་ཐམས་ཅད་དང་ལྡན་པའི་གཙུག་ལག་ཁང་ཞིག་བརྩིགས་ནས་ཕྱོགས་བཞིའི་
D7a.013.0163a03.01དགེ་འདུན་ལ་ཕུལ་ལོ། །དེ་ན་མལ་སྟན་དང་། སྣོད་སྤྱད་མང་དུ་གྱུར། དགེ་སློང་ནི་ཉུང་ངུ་གནས་ཏེ། དེའི་ནང་ནས་ཁ་ཅིག་གིས་ཚེ་དང་ལྡན་པ་དག་མལ་སྟན་དང་སྣོད་སྤྱད་དང་། ཡོ་བྱད་མ་སྤྱད་ན་དེ་དག་ཆུད་ཟོས་པར་འགྱུར་གྱིས། དེ་དག་ལས་བདག་ཅག་ལ་སྤྱད་པར་ཅི་ཙམ་དགོས་
D7a.013.0163a04.01པ་དེ་ཙམ་ཞིག་བཅངས་ལ། དེའི་ལྷག་མ་རྣམས་ནི་གཙུག་ལག་ཁང་གཞན་དུ་དབུལ་ལོ་ཞེས་སྨྲས་ནས། དེ་དག་གིས་དེ་བཞིན་བྱས་སོ། །ཇི་ཙམ་ཞིག་ན་བསོད་སྙོམས་པ་གཞན་ཞིག་གཞོངས་སྤྱད་པ་སྤྱོད་ཅིང་གཙུག་ལག་ཁང་དེར་འོངས་པ་དང་། དགེ་སློང་དེ་དག་གིས་ངལ་
D7a.013.0163a05.01བསོར་བཅུག་ནས་དེ་ཡང་དགེ་འདུན་དེ་དག་གི་ནང་ན་རྒན་པ་ཞིག་སྟེ། གཙུག་ལག་ཁང་དུ་ལམ་གྱི་ངལ་བསོ་ནས་དེས་དེ་དག་ལ་ཚེ་དང་ལྡན་པ་མལ་སྟན་མཆིས་སམ་ཞེས་སྨྲས་ན། མེད་དོ་ཞེས་སྨྲས་པ་དང་། དགེ་སློང་དག་གིས་ཇི་ལྟར་ཡིན་པ་དེ་ལ་ཞིབ་ཏུ་སྨྲས་སོ། །དེ་གདིང་བ་མེད་
D7a.013.0163a06.01པར་ས་ལ་དེ་བཞིན་དུ་ཉལ་ནས་ནང་པར་སྔར་ལངས་ཏེ། ལྡེ་མིག་ཀྱོག་པོ་དང་། ལྡེ་མིག་ཁྱེར་ནས་ཁྱིམ་བདག་དེའི་ཁྱིམ་དུ་སོང་བ་དང་། དེ་ནས་ཁྱིམ་བདག་དེས་དེ་ལ་བདེ་བར་བྱོན་ཏམ་ཞེས་པའི་ཚིག་བརྗོད་ནས་སྟན་ཁྱེར་ཏེ་ཕྱིར་བྱུང་བ་དང་། བསོད་སྙོམས་པ་དེ་སྤྱོད་ལམ་ཞི་བའི་
D7a.013.0163a07.01