完整藏文原文 · 德格版页 当前仅加载第 13 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་འཆའ་བཞིན་དུ་བསྙེན་པར་མ་རྫོགས་ན་ཡང་བསྙེན་པར་རྫོགས་པར་མི་བགྱི་བ་དང་། བསྙེན་པར་རྫོགས་ན་ཡང་སླར་དབྱུང་བ་དང་། བསྙེན་པར་མ་རྫོགས་པ་ན་ཡང་བསྙེན་པར་རྫོགས་པར་བགྱི་བ་དང་། བསྙེན་པར་རྫོགས་ན་ཡང་མི་དབྱུང་བར་མཆིས་སམ། བཅོམ་
D7a.013.0209b01.01ལྡན་འདས་ཀྱིས་བཀའ་སྩལ་པ། ཡོད་དེ། མི་ཚངས་པར་སྤྱོད་པ་དག་གིས་དགེ་སློང་མ་སུན་ཕྱུང་བར་གྱུར་པ་དེ་ནི་བསྙེན་པར་མ་རྫོགས་ན་ཡང་བསྙེན་པར་རྫོགས་པར་མི་བྱ། བསྙེན་པར་རྫོགས་ན་ཡང་སླར་དབྱུང་བར་བྱ། གང་གིས་ལུས་ཀྱིས་རེག་པས་དགེ་སློང་མ་སུན་ཕྱུང་བ་དེ་ནི་
D7a.013.0209b02.01བསྙེན་པར་མ་རྫོགས་ན་ཡང་བསྙེན་པར་རྫོགས་པར་བྱ། བསྙེན་པར་རྫོགས་ན་ཡང་སླར་མི་དབྱུང་བར་བྱའོ། །དགེ་འདུན་གྱི་དབྱེན་བྱས་པར་ཡི་དམ་འཆའ་བཞིན་བསྙེན་པར་མ་རྫོགས་ན་ཡང་བསྙེན་པར་རྫོགས་པར་མི་བགྱིད་བསྙེན་པར་རྫོགས་ན་ཡང་སླར་དབྱུང་བ་དང་། བསྙེན་
D7a.013.0209b03.01པར་མ་རྫོགས་ན་ཡང་བསྙེན་པར་རྫོགས་པར་བགྱི་བ་དང་། བསྙེན་པར་རྫོགས་ན་ཡང་སླར་མི་དབྱུང་བར་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། ཡོད་དེ། གང་ཆོས་མ་ཡིན་པ་ལ་ཆོས་མ་ཡིན་པར་འདུ་ཤེས་པ་དང་། དབྱེན་ཀྱང་ཆོས་མ་ཡིན་པར་མཐོང་
D7a.013.0209b04.01བཞིན་དགེ་འདུན་ཕྱེ་བར་གྱུར་པ་དང་། ཆོས་མ་ཡིན་པ་ལ་ཆོས་སུ་འདུ་ཤེས་ཤིང་དབྱེན་ཆོས་མ་ཡིན་པར་མཐོང་བཞིན་དགེ་འདུན་ཕྱེ་བར་གྱུར་པ་དང་། ཆོས་མ་ཡིན་པ་ལ་ཐེ་ཚོམ་དུ་གྱུར་ཅིང་དབྱེན་ཡང་ཆོས་མ་ཡིན་པར་མཐོང་བཞིན་དགེ་འདུན་ཕྱེ་བར་གྱུར་པ་དེ་བསྙེན་པར་མ་
D7a.013.0209b05.01རྫོགས་ན་བསྙེན་པར་རྫོགས་པར་མི་བྱ། བསྙེན་པར་རྫོགས་ན་ཡང་སླར་དབྱུང་བར་བྱ། གང་གིས་ཆོས་མ་ཡིན་པ་ལ་ཆོས་སུ་འདུ་ཤེས་བཞིན་དགེ་འདུན་གྱི་དབྱེན་དུ་གྱུར་ཅིང་དབྱེན་ལའང་ཆོས་བཞིན་མཐོང་ན་དེ་བསྙེན་པར་མ་རྫོགས་ན་ཡང་བསྙེན་པར་རྫོགས་པར་བྱ། བསྙེན་
D7a.013.0209b06.01པར་རྫོགས་ན་ཡང་མི་དབྱུང་བར་བྱའོ། །མ་བསད་པར་ཁས་ལེན་བཞིན་དུ་བསྙེན་པར་མ་རྫོགས་ན་ཡང་བསྙེན་པར་རྫོགས་པར་མི་བགྱི་བ་དང་། བསྙེན་པར་རྫོགས་ན་ཡང་སླར་དབྱུང་བར་བགྱི་བ་དང་། བསྙེན་པར་མ་རྫོགས་ན་ཡང་བསྙེན་པར་རྫོགས་པར་བགྱི་བ་དང་།
D7a.013.0209b07.01