完整藏文原文 · 德格版页 当前仅加载第 13 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
བྱིན་ན་རུང་སྟེ། དེ་སྟེ་ཤིང་ལ་གནས་པ་དག་གིས་གྲངས་སུ་བསྐངས་ལ་ས་ལ་གནས་པ་རྣམས་ལས་དད་པ་ཡང་བླངས་པར་གྱུར་པའོ། །བཙུན་པ་ཤིང་ལ་གནས་པ་དག་གིས་རྩིག་པ་ལ་མཆིས་པ་དག་དང་ལྷན་ཅིག་ཏུ་ལས་བགྱིར་རུང་ངམ། ཨུ་
D7a.013.0078a01.01པཱ་ལི་མི་རུང་ངོ་། །དེ་སྟེ་ཤིང་ལ་གནས་པ་དག་གིས་གྲངས་སུ་བསྐངས་ལ་ས་ལ་གནས་པའི་རྣམས་ལས་དད་པ་ཡང་བླངས་པར་གྱུར་ནའོ། །བཙུན་པ་ཤིང་ལ་མཆིས་པ་དག་གིས་ནམ་མཁའ་ལ་མཆིས་པ་དག་དང་ལྷན་ཅིག་ཏུ་ལས་བགྱིར་རུང་ངམ།
D7a.013.0078a02.01ཨུ་པཱ་ལི་མི་རུང་ངོ་། །བཙུན་པ་ནམ་མཁའ་ལ་མཆིས་པ་དག་གིས་ནམ་མཁའ་ལ་མཆིས་པ་དག་དང་ལྷན་ཅིག་ཏུ་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་ནམ་མཁའ་ལ་མཆིས་པ་དག་གིས་ས་ལ་མཆིས་པ་དག་དང་ལྷན་ཅིག་ཏུ་ལས་
D7a.013.0078a03.01བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་ནམ་མཁའ་ལ་མཆིས་པ་དག་གིས་རྩིག་པ་ལ་མཆིས་པ་དག་དང་ལྷན་ཅིག་ཏུ་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་ནམ་མཁའ་ལ་མཆིས་པ་དག་གིས་ཤིང་ལ་མཆིས་པ་དག་དང་
D7a.013.0078a04.01ལྷན་ཅིག་ཏུ་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་འདུལ་བ་འདིའི་དཀྱིལ་འཁོར་ལས་ལས་བརྒྱ་རྩ་གཅིག་ཏུ་གསུངས་པ། བཙུན་པ་ལས་
D7a.013.0078a05.01བརྒྱ་རྩ་གཅིག་པ་དེའི་ནང་ནས་ལས་དུས་ན་དད་པ་དང་བཅས་པར་འགྱུར། དུས་ན་དད་པ་མ་མཆིས་པར་འགྱུར། ཨུ་པཱ་ལི་ཐམས་ཅད་ཀྱང་དད་པ་དང་བཅས་པ་སྟེ། མཚམས་བཅད་པ་ནི་མ་གཏོགས་སོ། །བཙུན་པ་རྫུ་འཕྲུལ་ལམ་སྒྱུ་མས་མཚམས་
D7a.013.0078a06.01དགུམ་དུ་རུང་ངམ། ཨུ་པཱ་ལི་མི་རུང་སྟེ། དེ་ཅིའི་ཕྱིར་ཞེ་ན། ཨུ་པཱ་ལི་རྫུ་འཕྲུལ་དང་སྒྱུ་མ་ལ་ནི་ཐ་སྙད་དུ་གདགས་པ་མེད་དོ། །བཙུན་པ་གཟའ་དང་། འོད་ཟེར་དང་། ཉི་མ་དང་། ཟླ་བ་དང་། སྐར་མ་རྣམས་ཀྱིས་མཚམས་དགུམ་དུ་རུང་ངམ།
D7a.013.0078a07.01