完整藏文原文 · 德格版页 当前仅加载第 13 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
རྒོལ་བའི་དགེ་སློང་ལྡང་བར་བྱེད་དུ་གཞུག །ལན་གློན་པའི་དགེ་སློང་ལྡང་བར་བྱེད་དུ་གཞུག་གོ། །ཆོས་བཅུ་དང་ལྡན་ན་འདུལ་བ་འཛིན་པ་ཉེས་པ་རྣམ་པར་སྟོན་ནུས་ཏེ། བཅུ་གང་ཞེ་ན། ཉེས་པ་ལྕི་བ་ཤེས། ཡང་བ་ཤེས། ལྷག་མ་དང་བཅས་པ་
D7a.013.0047a01.01ཤེས། ལྷག་མ་མེད་པ་ཤེས། གནས་ངན་ལེན་ཤེས། གནས་ངན་ལེན་མ་ཡིན་པ་ཤེས། བཅས་པ་ཤེས། མ་བཅས་པ་ཤེས། བཤགས་པ་ཤེས། བསྡམ་པར་བྱ་བ་ཤེས་པའོ། །ཆོས་བཅུ་དང་ལྡན་པའི་འདུལ་བ་འཛིན་པ་ནི་ལས་བྱེད་ནུས་པ་ཡིན་ཏེ།
D7a.013.0047a02.01བཅུ་གང་ཞེ་ན། མངོན་དུ་གྱུར་པའི་ལས་ཤེས། མངོན་དུ་མ་གྱུར་པའི་ལས་ཤེས། སྐབས་མ་བྱེ་བའི་ལས་ཤེས། སྐབས་བྱེ་བའི་ལས་ཤེས། གླེང་བར་རིགས་པ་ཤེས། མི་གླེང་བར་རིགས་པ་ཤེས། དྲན་པར་བྱ་བར་རིགས་པ་ཤེས། མི་དྲན་པར་བྱ་བར་རིགས་
D7a.013.0047a03.01པ་ཤེས། གཏན་ཚིགས་སུ་རིགས་པར་ཤེས། གཏན་ཚིགས་སུ་མི་རིགས་པར་ཤེས་པའོ། །ཆོས་བཅུ་དང་ལྡན་པའི་འདུལ་བ་འཛིན་པས་རྩོད་པ་ཞི་བར་བྱེད་ནུས་པ་ཡིན་ཏེ། བཅུ་གང་ཞེ་ན། བྱུང་བ་མ་ནོར་བར་བྱེད་པ་ཡིན། བཅས་པ་མ་ནོར་བར་བྱེད་པ་ཡིན།
D7a.013.0047a04.01རྗེས་སུ་བཅས་པ་མ་ནོར་བར་བྱེད་པ་ཡིན། མ་གནང་བ་མ་ནོར་བར་བྱེད་པ་ཡིན། རྗེས་སུ་གནང་བ་མ་ནོར་བར་བྱེད་པ་ཡིན། དགེ་སློང་མི་གཙང་བའི་ཉེས་པ་མི་འཆད་པར་བྱེད་པ་ཡིན། རྒོལ་བ་དང་ལན་གློན་པའི་དགེ་སློང་ལ་ཡི་དམ་བཅའ་བར་བྱེད་པ་ཡིན། མདོ་སྡེའི་
D7a.013.0047a05.01ཚིག་ཉེ་བར་སྟོན་པར་བྱེད་པ་ཡིན། རྗེས་སུ་བཅས་པ་ཉམས་པར་མི་བྱེད་པ་ཡིན། འདུལ་བ་ལ་མཐུན་པ་ཡིན། ཆོས་བཞིན་རྩོད་པ་ཞི་བར་བྱེད་པ་ཡིན་ནོ། །ཆོས་བཅུ་དང་ལྡན་ན་འདུལ་བ་འཛིན་པས་ཆད་པའི་ལས་ཀྱིས་གཅོད་ནུས་པ་ཡིན་ཏེ། བཅུ་གང་ཞེ་ན། ཚངས་
D7a.013.0047a06.01པའི་ཆད་པ་ཤེས། མི་དགའ་བར་འགྱུར་བའི་ལས་ཤེས། མི་སྤྱོད་པར་འགྱུར་བའི་ལས་ཤེས། མ་རུང་བར་བྱ་བའི་ལས་ཤེས། དེའི་ངོ་བོ་ཉིད་ཚོལ་དུ་གཞུག་པའི་ལས་ཤེས། བཟློག་པའི་ལས་ཤེས། སྤང་བའི་ལས་ཤེས། རྣམ་པར་དག་པའི་ལས་ཤེས། བྱིན་
D7a.013.0047a07.01