完整藏文原文 · 德格版页 当前仅加载第 13 函德格 310b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི་ལུས་དང་ངག་དང་ཡིད་དོ། །མཚན་ཉིད་ནི་ལས་སོ། །གླེང་གཞི་ནི་བསྒྲགས་པའོ། །ངོ་བོ་ཉིད་ནི་ཉེས་པའོ། །འབྲས་བུ་ནི་མཐོ་རིས་དང་ཐར་པའོ། །འདུལ་བ་གཞུང་དམ་པ་རྫོགས་ཏེ། ཨུ་པཱ་ལིས་ཀུན་དྲིས་པ་རྫོགས་སོ།། །།ཐམས་ཅད་མཁྱེན་པ་
D7a.013.0310b01.01ལ་ཕྱག་འཚལ་ལོ། །འདུལ་བ་གཞུང་ནི་དམ་པ་འདི། །འཕགས་པ་ཉེ་བ་འཁོར་གྱིས་ནི། །མ་འོངས་པ་ཡི་གང་ཟག་གི། །མ་རྟོགས་ལ་སོགས་བསལ་བའི་ཕྱིར། །གཞི་དང་རྣམ་འབྱེད་ལ་སོགས་ཀྱི། །འགྲེལ་བཤད་ངེས་པ་དོན་གྱི་ལུང་། །ཞུས་ནས་རྒྱལ་
D7a.013.0310b02.01བས་བཀའ་སྩལ་ཏོ། །དེ་དག་རྣམས་ཀྱང་གང་ཞེ་ན། །སྤྱིའི་སྡོམ་ལ། ཞུ་བ་འདུལ་བྱེད་གཅིག་ལས་འཕྲོས། །ལྔ་ཚན་བཅུ་དྲུག་ཚན་དང་ནི། །གླེང་གཞི་རྐྱང་པ་གཏམ་གྱི་གཞི། །མ་ན་པི་ཀ་མ་མོ་དང་། །ལུས་སོགས་སྟོན་པ་ཐ་མ་སྟེ། །ལེའུ་དག་ཏུ་
D7a.013.0310b03.01ཡང་དག་འདོད། །ཐོག་མར་ཞུས་པ་དེ་ཡང་ནི། །རྣམ་འབྱེད་ལྟུང་བ་སྡེ་བཞི་དང་། །རང་བྱུང་ལ་སོགས་གཞི་རྣམས་ཀྱི། །གཏན་ལ་འབེབས་པ་དག་ཏུ་འདོད། །དེ་ཉིད་དྲིས་ལན་ཞེས་ཀྱང་བསྒྲགས། །དེ་ནས་འདུལ་བྱེད་དག་ཡིན་ཏེ། །ཕམ་པ་བཞི་དང་ལྷག་
D7a.013.0310b04.01མ་ཡི། །སྨྱན་གྱི་ལྟུང་བ་ཡན་ཆད་དག །གཏན་ལ་འབེབས་པར་བྱེད་པ་ཡིན། །དེ་ནས་གཅིག་ལས་འཕྲོས་པ་སྟེ། །གཅིག་ནས་བཅུ་ཡི་བར་དུ་ཡིན། །གཅིག་ལས་འཛེགས་པ་ཞེས་ཀྱང་བསྒྲགས། །དེ་ནས་འདུལ་བ་ལྔ་ཚན་ཏེ། །ལྔ་ལྔ་སྟོན་ཕྱིར་ལྔ་ཚན་ནོ། །བཅུ་
D7a.013.0310b05.01དྲུག་སྡེ་ཚན་སྟོན་པའི་ཕྱིར། །དེ་ནས་འདུལ་བ་བཅུ་དྲུག་ཚན། །གླེང་གཞི་ལ་ནི་སྒོ་ལྔ་ལས། །དང་པོ་བཞི་ལ་སྡོམ་གྱི་ནི། །ཚིགས་བཅད་བཅུ་བཅུའོ་ལྔ་པ་ལ། །སྡོམ་གྱི་ཚིགས་བཅད་དྲུག་ཡོད་དེ། །གླེང་གཞི་དག་ལ་བརྟེན་པའི་ཕྱིར། །གླེང་གཞི་ཞེས་ནི་བཏགས་པ་ཡིན། །
D7a.013.0310b06.01བྱང་བ་སྒོ་བཞི་རེ་རེ་ཡང་། །ཚིགས་བཅད་བཅུ་བཅུའོ་དེ་ཉིད་ལ། །སིལ་བུ་ཞེས་བྱ་བསླབ་པའི་གཞི། །རིགས་མི་མཐུན་པ་ཕྲ་མོ་རྣམས། །སྟོན་ཕྱིར་དོན་དང་ལྡན་པ་ཡིན། །འདུལ་བ་གཏམ་གྱི་དངོས་པོ་ནི། །ལྡེབས་ཀྱི་ཚུལ་དུ་བྱུང་བ་སྟེ། །སྡོམ་གྱི་ཚིག་གིས་བསྡུས་
D7a.013.0310b07.01