完整藏文原文 · 德格版页 当前仅加载第 13 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཀུན་དགའ་བོས་རྒྱལ་པོ་ཆེན་པོ་ཁྱོད་ལ་བྲེལ་བ་མེད་ཀྱང་བདག་ལ་བྲེལ་བ་ཡོད་དོ་ཞེས་སྨྲས་པ་དང་། འཕགས་པ་ཀུན་དགའ་བོ་ཅི་ཞིག་བྲེལ་ཅེས་སྨྲས་པ་དང་། ཁང་སྐྱོང་བྱ་དགོས་སོ་ཞེས་སྨྲས་པ་དང་། འཕགས་པ་ཀུན་དགའ་བོ་ཡང་ལས་ཀྱི་རེས་མཛད་དམ།
D7a.013.0151b01.01ལྷ་བདག་ནི་དགེ་འདུན་གྱི་ནང་དུ་གཏོགས་པས་ན་ལས་བགྱི་འཚལ་ལོ་ཞེས་སྨྲས་པ་དང་། རྒྱལ་པོས་འདི་བདག་གིས་བྱ་བ་ཡིན་ནོ་སྙམ་དུ་བསམས་ནས། དེ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་
D7a.013.0151b02.01འདི་སྐད་ཅེས་གསོལ་ཏོ། །བཙུན་པ་བདག་ནི་རྒྱལ་པོ་རྒྱལ་ཐབས་སྤྱི་བོ་ནས་དབང་བསྐུར་བ་སྟེ། གང་བདག་གིས་བགྱི་བའི་ལས་ནི་བདག་བགྱིད་དོ། །གང་ནང་གི་བཙུན་མོས་བགྱི་བའི་རིགས་པ་ཡང་ནང་གི་བཙུན་མོས་བགྱིད་དོ། །གང་གཞོན་ནུས་བགྱི་བའི་རིགས་པ་
D7a.013.0151b03.01ཡང་གཞོན་ནུས་སོ། །གང་བློན་པོའམ། བློན་པོ་ཆེན་པོའམ། དམག་དཔོན་ནམ། གྲོང་མི་འམ། གཞོངས་པ་ཡང་རུང་སྟེ་གཞོངས་པ་ཉིད་ཀྱིས་ལས་བགྱིད་དོ། །བཅོམ་ལྡན་འདས་ཀྱང་བླ་ན་མེད་པའི་ཆོས་ཀྱི་རྒྱལ་པོ་སྟེ། ཨེ་མའོ་བཅོམ་ལྡན་འདས་བརྩེ་བ་ཅན་
D7a.013.0151b04.01གྱིས་ཀྱང་གཞག་པར་འོས་པ་གཞག་ལ་ལས་ཀྱི་རེས་མི་བསྐོ་བར་ཅི་གནང་ཞེས་གསོལ་པ་དང་། རྒྱལ་པོ་གསལ་རྒྱལ་གྱིས་གསོལ་པ་བཞིན་བཅོམ་ལྡན་འདས་ཀྱིས་ཅང་མི་གསུང་བས་ཞལ་གྱིས་བཞེས་སོ། །རྒྱལ་པོ་གསལ་རྒྱལ་གྱིས་ཀྱང་ཅང་མི་གསུང་བས་ཞལ་
D7a.013.0151b05.01གྱིས་བཞེས་པར་རིག་ནས་རྒྱལ་པོ་གསལ་རྒྱལ་བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་བཅོམ་ལྡན་འདས་ཀྱི་དྲུང་ནས་སོང་ངོ་། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་མཉན་དུ་ཡོད་པ་ན་གནས་ཤིང་
D7a.013.0151b06.01འཁོད་པའི་དགེ་སློང་ཐམས་ཅད་འདུན་ཁང་དུ་སྡུས་ཤིག་ཅེས་གསུངས་པ་དང་། བཙུན་པ་བཀའ་བཞིན་འཚལ་ཞེས་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ཏེ་མཉན་དུ་ཡོད་པ་ན་དགེ་སློང་ཇི་སྙེད་གནས་པ་དེ་ཐམས་ཅད་འདུན་ཁང་དུ་བསྡུས་
D7a.013.0151b07.01