完整藏文原文 · 德格版页 当前仅加载第 13 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱར་ཚུལ་ན་གནས་པའི་བྱ་བ་གང་ཞེ་ན། དབྱར་ཚུལ་ན་གནས་པའི་དགེ་སློང་རྣམས་ཀྱིས་ལས་རྣམ་པ་གསུམ་བྱ་སྟེ། དབྱར་གང་དུ་གནས་པའི་གནས་ཁང་དེ་དག་གས་པ་དང་ཞིག་པའི་རྣམས་བཅོས་སུ་གཞུག་པར་བྱ། མཚན་རྟོག་པར་བྱ། མཚན་
D7a.013.0299a01.01རྟོག་པར་བྱེད་དུ་གཞུག །གནས་དེར་གོས་གང་རྙེད་པའི་གོས་དེ་གཏན་པར་གདིང་བར་བྱ། ཡང་ན་གདིང་དུ་གཞུག་པར་བྱ་བ་འདི་ནི་དབྱར་ཚུལ་ན་གནས་པའི་བྱ་བ་ཞེས་བྱའོ། །འཁོར་གྱི་བྱ་བ་གང་ཞེ་ན། འཁོར་གྱི་གཙོ་བོ་དེས་དུས་དུས་སུ་འཁོར་རྣམས་ལ་གང་ལེགས་
D7a.013.0299a02.01པར་སྤྱོད། གང་ལེགས་པར་མི་སྤྱོད་པ་དང་། གང་མཛེས་པར་སྒྲུབ་གང་མི་མཛེས་པར་སྒྲུབ་བརྟགས་ཏེ་གང་ལེགས་པར་སྤྱོད་ཅིང་མཛེས་པར་སྒྲུབ་པ་དེ་ལ་ནི་ཡོངས་སུ་བསྐྱང་བར་བྱ་སྟེ། ཚེ་དང་ལྡན་པ་ལེགས་སོ་ལེགས་སོ། །ཇི་ལྟར་ཁྱོད་སྤྱོད་པ་དེ་ལྟ་བུར་སྤྱད་པར་
D7a.013.0299a03.01བྱའོ་ཞེས་སྤྲོ་བ་བསྐྱེད་པར་བྱ། ཡང་དག་པར་དགའ་བར་བྱ། དེ་དུས་དུས་སུ་ཕྱི་ཕྱིར་བསྟན་པར་བྱ། བསླབ་པར་བྱའོ། །གང་ལེགས་པར་མི་སྤྱོད་དམ་མཛེས་པར་མི་སྒྲུབ་པ་དེ་ལ་གང་ལ་ཇི་ལྟ་བུར་འོས་པ་དེ་ལྟ་བུར་ཆད་པས་གཅད་པར་བྱ་བ་ནི་འཁོར་གྱི་བྱ་བ་ཞེས་བྱའོ། །
D7a.013.0299a04.01འཁོར་གྱི་ནང་དུ་བྱ་བ་གང་ཞེ་ན། དགེ་སློང་འཁོར་གྱི་ནང་དུ་དྲན་པ་ཉེ་བར་བཞག་ནས་འཁོར་གྱི་ནང་དུ་འགྲོ་བར་བྱ་སྟེ། འདི་ནི་རྒྱལ་རིགས་ཀྱི་འཁོར་ཏོ། །འདི་ནི་བྲམ་ཟེའི་འཁོར་ཏོ། །འདི་ནི་ཁྱིམ་བདག་གི་འཁོར་ཏོ། །འདི་ནི་དགེ་སྦྱོང་གི་འཁོར་ཡིན་ཏེ། དེར་བདག་འདི་
D7a.013.0299a05.01ལྟ་བུར་འགྲོ་བར་བྱ། འདི་ལྟ་བུར་འགྲེང་བར་བྱ། འདི་ལྟ་བུར་འདུག་པར་བྱ་སྟེ། འདི་ལྟ་བུར་སྨྲ་བར་བྱ། འདི་ལྟ་བུར་སྨྲ་བར་མི་བྱའོ་ཞེས་བྱ་བ་དེ་ནི་འཁོར་གྱི་ནང་དུ་འགྲོ་བའི་བྱ་བ་ཞེས་བྱའོ། །འཁོར་གྱི་ནང་དུ་ཞུགས་པའི་བྱ་བ་གང་ཞེ་ན། དགེ་སློང་འཁོར་གྱི་ནང་དུ་ཞུགས་
D7a.013.0299a06.01ན་དེས་གཏམ་སྣ་ཚོགས་མི་བྱ། གཏམ་མི་རིགས་པའི་རྣམས་མི་བྱ། འཁོར་རྣམས་རིགས་པར་བྱས་ལ་དེ་དག་དང་མཐུན་པའི་གཏམ་བྱ་བར་བྱ། གཏམ་བྱས་ནས་སྟན་ལས་ལྡང་བར་བྱ་བ་དེ་ནི་འཁོར་གྱི་ནང་དུ་ཞུགས་པའི་བྱ་བ་ཞེས་བྱའོ། །འཁོར་གྱི་ནང་དུ་ཞུགས་པའི་གནས་
D7a.013.0299a07.01