完整藏文原文 · 德格版页 当前仅加载第 13 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་ཞེ་ན། ཚིག་འདི་ཆེར་སྟོན་པ་སྟེ། ཆེར་སྟོན་པས་བསྟན་པའོ། །དེ་དག་ནི་འཕགས་པ་ལྟར་ཡང་སྟོན་པ་སྟེ། དེའི་ཕྱིར་ན་ཆེར་སྟོན་པ་ཞེས་བྱའོ། །ཅིའི་ཕྱིར་ན་དེ་དག་སྨྲས་ཞེ་ན། ཆོས་མ་ཡིན་པ་ཚར་གཅད་པ་དང་། ཆོས་བསྡུ་བ་དང་། དམ་པའི་ཆོས་ཀྱི་
D7a.013.0253b01.01གཟུགས་བརྙན་སོ་སོར་བསལ་བའི་ཕྱིར་མི་འཇིགས་པས་བདག་ནི་ཉན་ཐོས་སུ་འགྱུར་བ་སྟེ། འདི་ལྟ་སྟེ་ཆོས་མ་ཡིན་པ་ཚར་གཅད་པ་དང་། ཆོས་བསྡུ་བའི་ཕྱིར་འདི་ནི་ཆེར་སྟོན་པ་ཞེས་བྱའོ། །དེ་ལ་དགེ་སློང་རྣམས་གང་འདི་སྔ་མའི་ནག་པོར་སྟོན་པ་བཞི་པོ་རྣམས་ནི་དགེ་
D7a.013.0253b02.01སློང་རྣམས་ཀྱིས་ལེགས་པར་ཤིན་ཏུ་ཡང་དག་པའི་རྗེས་སུ་སྦྱོར། ཡང་དག་པའི་རྗེས་སུ་བསྟན་ཏེ། འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་པས་བསྟན་པ་མ་ཡིན་པའོ་ཞེས་ཤེས་པར་བྱས་ཏེ། དོར་བར་བྱའོ། །དེ་ལ་གང་འདི་ཕྱི་མའི་ཆེར་
D7a.013.0253b03.01སྟོན་པ་བཞི་པོ་ནི་དགེ་སློང་རྣམས་ཀྱིས་ལེགས་པར་ཤིན་ཏུ་ཡང་དག་པའི་རྗེས་སུ་སྦྱོར། ཡང་དག་པའི་རྗེས་སུ་བསྟན་ཏེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་ཤེས་པར་བྱ་སྟེ་བཅང་བར་བྱའོ། །འདྲེས་པ་གང་ཞེ་ན། གང་རྩ་བ་དང་
D7a.013.0253b04.01སྡོང་བུ་དང་། ལོ་མ་དང་། མེ་ཏོག་དང་། འབྲས་བུའི་སྨན་རྣམས་སུ་སོ་སོར་རྣམ་པར་བཞག་པའི་རྒྱུ་ལས་འདྲེས་པར་གྱུར་པ་ནི་འདྲེས་པ་ཞེས་བྱའོ། །ཤིན་ཏུ་འདྲེས་པ་གང་ཞེ་ན། དེ་ནས་བླངས་ནས་སྔ་དྲོའི་དང་། དེ་ནས་བླངས་ནས་ཕྱི་དྲོའི་དང་། ཞག་བདུན་གྱི་དང་།
D7a.013.0253b05.01ནམ་འཚོའི་བར་གྱི་སྟེ། ཕན་ཚུན་དུ་འདྲེས་ཏེ་སྔ་དྲོ་བཟའ་བར་བྱའོ། །སྔ་དྲོ་བར་གཏོགས་པ་ལས་སྔ་དྲོ་འདས་ན་བཟའ་བར་མི་བྱའོ། །དེ་ནས་བླངས་ནས་ཕྱི་དྲོའི་དང་། དེ་ནས་བླངས་ནས་ཞག་བདུན་པའི་དང་། ནམ་འཚོའི་བར་དུ་ཕན་ཚུན་འདྲེས་ན་ཕྱི་དྲོ་བཟའ་སྟེ། ཕྱི་དྲོ་
D7a.013.0253b06.01ལས་འདས་ན་བཟའ་བར་མི་བྱའོ། །དེ་ནས་བླངས་ནས་ཞག་བདུན་པའི་དང་། དེ་ནས་བླངས་ནས་ནམ་འཚོའི་བར་དུ་ཕན་ཚུན་དུ་འདྲེས་ནས་ཞག་བདུན་པར་བཟའ་བར་བྱའོ། །ཞག་བདུན་པ་ལས་ཞག་བདུན་འདས་ན་བཟའ་བར་མི་བྱའོ། །ནམ་འཚོའི་བར་དུ་ནི་ནམ་འཚོའི་བར་དུ་
D7a.013.0253b07.01