完整藏文原文 · 德格版页 当前仅加载第 13 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏེ། དགེ་སློང་དག་གིས་དེ་ལྟ་བུར་མི་སྦྱོར་བ་དང་། སྐར་མ་རྩི་བ་ལ་མཁས་པ་དག་དགེ་སློང་དག་ལ་འཕྱ་ནས་དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་
D7a.013.0074a01.01སྐར་མ་རྩི་བ་དག་འཕྱ་བ་ནི་ཡུས་ཏེ། དེ་ལྟ་བས་ན་སྐར་མ་རྩི་བའི་རྗེས་སུ་ཡང་འཇུག་པར་ཡང་བྱོས་ཤིག །གླེང་གཞིའི་ནང་ནས་སྒོ་དང་པོའི་ཚིགས་སུ་བཅད་པ་གཉིས་པའོ།། །།མདོར་ན། ཡོངས་སུ་དག་པ་གཉིས་བྱ་དང་། །མཚམས་ཀྱང་རྣམ་
D7a.013.0074a02.01པ་བཞིར་བྱ་སྟེ། །དེ་བཞིན་དད་པ་ནམ་མཁའ་ལས། །མ་བཀྲོལ་བ་ཡང་སྔ་མ་བཞིན། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་
D7a.013.0074a03.01ཞུས་པ། བཙུན་པ་མཚམས་ཀྱི་ནང་ན་མཆིས་པས་མཚམས་ཀྱི་སླད་རོལ་ན་མཆིས་པ་རྣམས་ལ། ཡོངས་སུ་དག་པ་སྩལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་མཚམས་ཀྱི་སླད་རོལ་ན་མཆིས་པས་མཚམས་ཀྱི་ནང་ན་མཆིས་པ་ལ་ཡོངས་སུ་དག་པ་
D7a.013.0074a04.01སྩལ་དུ་རུང་ངམ། ཨུ་པཱ་ལི་མི་རུང་ངོ་། །བཙུན་པ་མཚམས་ཀྱི་ནང་ན་མཆིས་པས་མཚམས་ཀྱི་སླད་རོལ་ན་མཆིས་པའི་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་མཚམས་ཀྱི་སླད་རོལ་ན་མཆིས་པས་མཚམས་ཀྱི་ནང་ན་མཆིས་པའི་ལས་བགྱིར་
D7a.013.0074a05.01རུང་ངམ། ཨུ་པཱ་ལི་མི་རུང་ངོ་། །བཙུན་པ་ལས་བགྱིད་པ་མཚམས་ཀྱི་ནང་ན་མཆིས་བཞིན་དུ་མཚམས་ཀྱི་སླད་རོལ་ན་མཆིས་པ་རྣམས་ལ་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །བཙུན་པ་ལས་བགྱིད་པ་མཚམས་ཀྱི་སླད་རོལ་ན་མཆིས་བཞིན་དུ་མཚམས་ཀྱི་
D7a.013.0074a06.01ནང་ན་མཆིས་པ་རྣམས་ལ་ལས་བགྱིར་རུང་ངམ། ཨུ་པཱ་ལི་མི་རུང་ངོ་། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དད་པ་ལེན་པའི་དགེ་སློང་གིས་དད་པ་བླངས་ནས་ནམ་མཁའ་ལ་མཆིས་ན་དད་པ་བླངས་པ་ཞེས་བགྱིའམ། མ་
D7a.013.0074a07.01