完整藏文原文 · 德格版页 当前仅加载第 13 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རྒྱལ་པོས་མུ་སྟེགས་ཅན་ཀུན་དུ་རྒྱུ་བ་དག་ལ་ཨེ་མའོ་མུ་སྟེགས་ཅན་ཀུན་དུ་རྒྱུ་བ་འཇབ་བུར་རྐུ་བ་རྐུན་མ་ཡིན་ན། ཁྱེད་ཅག་ནི་རྐུན་པོ་ཆེན་པོ་ཡིན་ནོ་ཞེས་སྨྲས་པ་དང་། དེ་དག་ལན་མེད་ནས་ཅང་མི་ཟེར་བར་འཁོད་དོ། །རྒྱལ་པོས་སྨྲས་པ། ཀྱེ་འཕགས་
D7a.013.0130a01.01པ་ཁྱེད་ཅག་གིས་ད་ཕན་ཆད་ཆོས་གོས་ལ་མངོན་མཚན་བྱ་བའི་རིགས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྒྱལ་པོ་དེ་སྐད་ཟེར་བ་ཡུས་ཏེ། དེ་བས་ན་ཆོས་གོས་དག་མངོན་
D7a.013.0130a02.01མཚན་ཐོབ་ཤིག །ཁ་ཆག་དང་འོར་ཐབས་སུ་དྲུབས་ཤིག །སྒྲོ་གུ་ཡང་ཐོགས་ཤིག །བཅོམ་ལྡན་འདས་ཀྱིས་མངོན་མཚན་ཐོབ་ཤིག་ཅེས་གསུངས་ན། དགེ་སློང་དག་གིས་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཆོས་གོས་ཀྱི་མཐར་སྣག་ཚའི་
D7a.013.0130a03.01ཐིག་ལེ་བྱོས་ཤིག །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་ཁྱིམ་བདག་གཞན་ཞིག་གིས་དེའི་རིགས་མཉམ་པ་ཞིག་ལས་ཆུང་མ་ཞིག་བླངས་ནས། དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་པ་ལས་དེ་
D7a.013.0130a04.01དུས་ཕྱི་ཞིག་ན་ཆུང་མ་སེམས་ཅན་དང་ལྡན་པར་གྱུར་ནས། དེ་ཟླ་བ་བརྒྱད་དམ་དགུ་འདས་པ་དང་། བུ་ཁྱེའུ་ཞིག་བཙས་ཏེ་ཞག་བདུན་གསུམ་ཉི་ཤུ་གཅིག་གི་བར་དུ་བཙས་པའི་བཙས་སྟོན་ཆེན་པོ་བྱས་སོ། །དེ་རིགས་དང་མཐུན་པར་མིང་ཡང་བཏགས་ནས་དེ་བསྲིངས་
D7a.013.0130a05.01བསྐྱེད་དེ་ཆེར་གྱུར་པ་དང་། དུས་ཕྱི་ཞིག་ན་དེའི་མ་དུས་ལས་འདས་སོ། །ཁྱིམ་བདག་དེས་ཀྱང་ཆུང་མ་ཞིག་བླངས་ནས་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །རྩེ་དགའ་ཡོངས་སུ་སྤྱད་པ་ལས་དུས་ཕྱི་ཞིག་བུ་ཕོ་གསུམ་ཞིག་བཙས་ཏེ། དེ་དག་ཀྱང་རིགས་དང་མཐུན་
D7a.013.0130a06.01པར་མིང་བཏགས་སོ། །འདི་ལྟར་དགྲའི་ནང་ན་ཆེན་ཆུན་འཐབ་པ་གཅུགས་ཆེ་སྟེ། མོས་མ་ཤི་བའི་བུ་ཁྱེའུ་ཆེན་པོ་དེ་ལ་རྟག་པར་གཙེས་པ་དང་། དེ་མ་དྲན་ནས་ཡི་ཆད་དེ་ཡུལ་གཞན་དུ་སོང་བ་ལས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ་། །དེ་ནས་དུས་
D7a.013.0130a07.01