完整藏文原文 · 德格版页 当前仅加载第 13 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བཀའ་སྩལ་པ། ལྔ་བརྒྱ་ཕྲེང་དུ་གྱིས་ལ་ཁ་ཟས་ནི་རྒན་རིམས་ཀྱི་མདུན་དུ་ཞོག་ཤིག །དགེ་སློང་དག་གིས་དེ་བཞིན་དུ་བྱས་པ་དང་ཁྱིམ་བདག་ནི་བཟའ་བ་འབྲིམ་པ་ལ་རྐུའོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་
D7a.013.0179a01.01འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འབྲིམ་པའི་སྤྱན་པ་དགེ་སློང་སྐོས་ཤིག །དེ་དག་ཀྱང་ཁ་ཟས་ཀྱི་བར་ཆད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་སྔར་ཟན་བྱིན་ལ་ཕྱིས་ཞལ་ཏ་བྱེད་དུ་ཆུག་ཤིག །རྐྱང་པའི་
D7a.013.0179a02.01སྒོ་གཉིས་པའི་མདོའི་ཚིགས་སུ་བཅད་པ་དགུ་པའོ།། །།མདོར་ན། དགེ་སློང་མ་ནི་མང་དུ་གྱུར། །དགེ་སློང་དང་པོ་ཡི་རང་དང་། །གཅིག་དང་གཉིས་དང་མང་པོ་དང་། །བུ་ཆུང་རབ་ཏུ་དགར་གྱུར་པའོ། །སངས་རྒྱས་བཅོམ་ལྡན་འདས་ཛེ་ཏའི་ཚལ་མགོན་མེད་ཟས་སྦྱིན་གྱི་
D7a.013.0179a03.01ཀུན་དགའ་ར་བ་ན་བཞུགས་ཏེ། རི་བྲགས་ཀྱི་གྲོང་གཞན་ཞིག་ན་ཁྱིམ་བདག་ཞིག་གནས་པ་དེས་དགེ་སློང་མ་མང་ཞིག་བཤོས་ལ་སྤྱན་དྲངས་ནས་ཇི་ཙམ་ཞིག་ན་དགེ་སློང་གཅིག་ཅིག་འགྲོན་པ་མང་པོ་དང་ལྷན་ཅིག་ཏུ་ལྗོངས་རྒྱུ་བ་སྤྱོད་ཅིང་རི་བྲགས་ཀྱི་གྲོང་དེར་ཕྱིན་པ་དང་། དེ་དེར་
D7a.013.0179a04.01བསོད་སྙོམས་ལ་ཞུགས་ན་དེ་ན་གཞན་ཞིག་གིས་དེ་ལ་འཕགས་པ་ཁྱིམ་འདི་ན་དགེ་སློང་མ་དག་བཤོས་གསོལ་ཞིང་འཁོད་ཀྱིས་དེར་བཞུད་ཅིག་ཅེས་སྨྲས་པ་དང་། དེ་ཡང་དེར་སོང་ནས་དགེ་འདུན་མའི་གནས་བརྟན་སྦོམ་མོ་དགའ་ལྡན་འདུག་སྟེ། དེས་འཕགས་པ་དེ་སྟེ་སྦྱིན་
D7a.013.0179a05.01པའི་ཡོན་ཏན་བརྗོད་ནུས་ན་ནི་རྒན་རིམས་སུ་བཞུགས་ཤིག །དེ་སྟེ་མི་ནུས་ན་ཕྱོགས་གཅིག་ཏུ་བཤོས་བསྣོམས་ལ་བཞུད་ཅིག་ཅེས་སྨྲས་པ་དང་། དེ་སྐྱེངས་ནས་དེས་བསམས་པ་དེ་སྟེ་བདག་གིས་སྦྱིན་པའི་ཡོན་ཏན་བརྗོད་ཀྱི་བར་དུ་འདུག་ན་ནི་འགྲོན་པ་མང་པོ་དག་ཀྱང་དོང་བར་
D7a.013.0179a06.01འགྱུར་གྱིས་ཕྱོགས་གཅིག་ཏུ་ཟན་ཟོས་ཏེ་འགྲོའོ་སྙམ་ནས་ཕྱོགས་གཅིག་ཏུ་ཟན་ཟོས་ཏེ་སོང་ངོ་། །རིམ་བཞིན་དུ་མཉན་དུ་ཡོད་པར་ཕྱིན་པ་དང་། དགེ་སློང་དག་གིས་ཚེ་དང་ལྡན་པ་བདེ་བར་འོངས་སམ། ཅི་བདེ་བར་སྤྱད་དམ་ཞེས་སྨྲས་པ་དང་། དེས་སྨྲས་པ། ག་ལ་ཞིག་
D7a.013.0179a07.01