完整藏文原文 · 德格版页 当前仅加载第 13 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ཇི་ལྟར་བསྒོ་བ་བཞིན་དུ་དེ་དག་གིས་བསྒྲུབ་པར་བྱའོ། །འོན་ཏེ་རྣམ་གྲངས་གཞན་ཞིག་ཏུ་འགོད་པར་གྱུར་ན་ཡང་ཇི་ལྟར་ནད་པས་བསྒོ་བ་དེ་ལྟར་བྱོས་ཤིག །དགེ་སློང་ནད་པ་ཞིག་ཡོད་དེ། དེ་ལ་ལྷུང་བཟེད་དང་ཆོས་གོས་མང་དུ་ཡོད་པ་དང་། (དས་,དེས་)ནད་གཡོག་རྣམས་ལ་དགེ་
D7a.013.0006b01.01སློང་རྣམས་བོས་ཤིག་མཆོད་རྟེན་ལ་འབུལ་ལོ། །དགེ་འདུན་ལ་འབུལ་ལོ། །གང་ཟག་ལ་འབུལ་ལོ་ཞེས་སྨྲས་པ་དེ་ཡང་དེ་བཞིན་དུ་རྒྱས་པར་བརྗོད་པར་བྱའོ། །མདོར་ན། ཙན་ད་ལ་ཀ་སོ་ད་ཡི། །སྦྱར་མ་དང་ནི་བརྙ་བ་དང་། །སུ་ཤི་མ་དང་བཟང་སྦྱིན་དང་། །
D7a.013.0006b02.01རང་གིར་འདུ་ཤེས་ལྷུང་བཟེད་བླངས་པ་དང་། །ཨ་ཛི་ཏ་དང་ཤ་ཤི་གུབ་ཏ་དང་། །རང་གི་གོས་རྣམས་བརྐུས་པའོ། །མདོ་ཚིགས་སུ་བཅད་པ་འདི་ནི་ཇི་ལྟར་རྣམ་པར་འབྱེད་པ་ལས་འབྱུང་བ་བཞིན་ནོ། །མདོར་ན། དགེ་སློང་མ་ཡང་གཉིས་ལྡན་དང་། །མཽད་གལ་བུ་དང་
D7a.013.0006b03.01གཞན་ཡང་གཉིས། །པི་ལིན་ད་ཡི་གཉིས་པོ་དང་། །ཉེ་དགའ་བོ་དང་སྤོང་བ་པོའོ། །དགེ་སློང་མ་གཉིས་དང་ལྡན་པ་ན་ཇི་ལྟར་འདུལ་བ་བཞིན་ནོ། །མཉན་དུ་ཡོད་པའི་ཚོང་པ་དག་ཅིག་གྲུ་ཆེན་པོར་ཞུགས་ནས་རྒྱ་མཚོ་མཆིང་རྣམ་རྒལ་ཏེ་དེ་དག་རྒྱ་མཚོ་མཆིང་རྣམ་གྱི་ནང་ནས་དོང་བ་དང་གྲུ་བོ་ཆེ་
D7a.013.0006b04.01ཀླུས་བཟུང་ནས་ལྷ་བྲན་རྣམས་ལ་གསོལ་ཀྱང་མ་བཏང་བ་དང་། དེ་ན་ཚེ་དང་ལྡན་པ་མཽད་གལ་གྱི་བུ་ཆེན་པོ་གྲོང་དུ་ཉེ་བར་འགྲོ་བའི་དགེ་བསྙེན་ཞིག་ཡོད་དེ། དེས་འདི་སྙམ་དུ་དེ་སྟེ་འཕགས་པ་མཽད་གལ་གྱི་བུ་ཆེན་པོས་དགོངས་ན་ནི་བཀྲ་ཤིས་པར་གྱུར་ཅིག་ཅེས་བསམས་པ་དང་། གནས་བརྟན་གྱིས་
D7a.013.0006b05.01ཀྱང་དགོངས་ཏེ་ཇི་ལྟར་སེམས་སྙོམས་པར་ཞུགས་པས་བྱའི་རྒྱལ་པོ་ནམ་མཁའ་ལྡིང་དུ་གྱུར་ནས། གྲུའི་དངོར་འདུག་པར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་པ་དང་། ཀླུ་དེ་དག་སྐྲག་སྟེ། གྲུ་བོ་ཆེ་དེ་བཏང་ནས་ཚོང་པ་རྣམས་བདེ་བར་མཉན་དུ་ཡོད་པར་ཕྱིན་ཏེ།
D7a.013.0006b06.01ཐམས་ཅད་ནི་འཕགས་པ་མཽད་གལ་གྱི་བུའི་མཐུའོ་ཞེས་བརྗོད་ནས། དགེ་སློང་དག་གིས་འདི་ཇི་ལྟ་ཞེས་དྲིས་པ་དང་། དེ་ལྟར་གྱུར་པ་རྒྱས་པར་སྨྲས་ཏེ། དེ་ནས་དགེ་སློང་དེ་དག་གིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་ནི་ཕས་ཕམ་པའི་ཉེས་པ་བྱུང་ངོ་། །དངོས་པོ་གང་
D7a.013.0006b07.01