完整藏文原文 · 德格版页 当前仅加载第 13 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡང་རུང་བའི་གནས་སུ་གཞན་དང་གཞན་གྱི་ལས་མ་ཟིན་པར་དགེ་འདུན་གྱི་སྟན་གྱི་སྟེང་ན་འདུག་པ་དང་། རྒན་རིམས་བཞིན་བྱའོ་ཞེས་ཟེར་ནས་བསླང་སྟེ་བཏང་ནས་དེ་དག་འཕྱ་བར་གྱུར་ཏོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་
D7a.013.0128b01.01ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དག་གིས་གང་ཡང་རུང་བའི་གནས་སུ་གཞན་དང་གཞན་གྱི་ལས་མ་ཟིན་པར་དགེ་འདུན་གྱི་སྟན་གྱི་སྟེང་དུ་འདུག་པ་ལ་རྒན་རིམས་སུ་བྱའོ་ཞེས་མ་བསླང་ཤིག །དགེ་སློང་དག་གིས་དགེ་སློང་དག་གང་ཡང་རུང་བའི་གནས་
D7a.013.0128b02.01སུ་གཞན་དང་གཞན་གྱི་ལས་མ་ཟིན་བཞིན་དུ་དགེ་འདུན་གྱི་སྟན་གྱི་སྟེང་ན་འདུག་པ་ལ་རྒན་རིམས་སུ་བྱའོ་ཞེས་བསླང་སྟེ་བཏང་ན་འདས་པ་དང་བཅས་པར་འགྱུར་རོ། །གླེང་གཞིའི་ནང་ནས་སྒོ་བཞི་པའི་མདོའི་ཚིགས་སུ་བཅད་པ་དྲུག་པའོ།། །།མདོར་ན། མུ་སྟེགས་ཀུན་ཏུ་རྒྱུ་བ་
D7a.013.0128b03.01དང་། །མངོན་མཚན་བདག་ཤི་བྱིན་པ་མེད། །ཡིད་ཆེས་པར་ནི་གཟུང་བ་ལྔ། །གཉེར་ཕྱིར་ཉེ་སྤྱོད་དགེ་སློང་མའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་ཏེ། བཅོམ་ལྡན་འདས་ཀྱིས་གང་གི་ཚེ་ཡུལ་མཉམ་དཀའི་རྒྱལ་
D7a.013.0128b04.01པོ་གཟུགས་ཅན་སྙིང་པོ་མཁས་པ་ཅན་ལྷ་སྟོང་ཕྲག་བརྒྱད་བཅུ་དང་། ཡུལ་མཉམ་དཀའི་བྲམ་ཟེ་དང་། ཁྱིམ་བདག་བརྒྱ་ཕྲག་སྟོང་དང་བཅས་ཏེ་བཅོམ་ལྡན་འདས་ཀྱིས་བདེན་པ་ལ་བཀོད་པ་དེའི་ཚེ་ན་རྒྱལ་པོའི་ཁབ་ཏུ་འདི་ལྟར་ཀྱེ་ཁྱེད་ཅག་རྒྱལ་པོའི་ཁབ་ན་གནས་པ་དང་། ཡུལ་
D7a.013.0128b05.01སོ་སོ་ནས་ལྷགས་པའི་སྐྱེ་བོ་མང་པོ་དག་ཉོན་ཅིག །རྒྱལ་པོ་ངའི་ཡུལ་ན་སུ་ཡང་རྐུན་པོ་མ་བྱེད་ཅིག །གང་གིས་བྱས་པ་དེ་ངས་ཡུལ་དང་ཕྲལ་ཏེ་གཏང་ངོ་། །ནོར་བདག་ལ་ནི་ང་ཉིད་ཀྱི་མཛོད་དང་བང་བ་ནས་སྦྱིན་ནོ་ཞེས་དྲིལ་ཆེན་བསྒྲགས་སོ། །གང་གི་ཚེ་བཅོམ་ལྡན་འདས་ཀྱིས་
D7a.013.0128b06.01ཡུལ་ཀོ་ས་ལའི་རྒྱལ་པོ་གསལ་རྒྱལ་དར་ལ་བབ་པ་ལྟ་བུའི་མདོ་སྡེས་བཏུལ་བ་དེའི་ཚེ་ན་དེས་ཀྱང་མཉན་དུ་ཡོད་པར་འདི་ལྟར་རྒྱལ་པོ་ངའི་ཡུལ་ན་སུ་ཡང་རྐུན་པོ་མ་བྱེད་ཅིག །གང་གིས་ངའི་ཡུལ་དུ་རྐུན་པོ་བྱས་པ་དེ་ཆད་པ་གསད་པས་བཅད་ལ། ནོར་བདག་ལ་ནི་ང་ཉིད་ཀྱི་བང་བ་དང་
D7a.013.0128b07.01