完整藏文原文 · 德格版页 当前仅加载第 13 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
བྱོན་ནས་མེའི་དོང་གི་སྟེང་དུ་ཞབས་བཞག་པ་དང་། དེ་ནས་མེའི་དོང་གི་སྟེང་དུ་ཞབས་བཞག་མ་ཐག་ཏུ་དེ་ཐམས་ཅད་ཀྱང་མཚེའུ་པད་མོ་ཅན་དུ་གྱུར་ཏེ། ཨུད་པ་ལ་དང་། པད་མོ་དང་། ཀུ་མུ་ད་དང་། པུཎྜ་རཱི་ཀ་དག་གིས་ནི་ཁེབས། བྱ་ངང་པ་དང་། ཀཱར་ཎྜ་དང་།
D7a.013.0172a01.01ངུར་བ་ལ་སོགས་པ་ཆུ་ན་སྤྱོད་པའི་བྱ་རྣམས་ཀྱིས་བརྒྱན་ཏེ། བྱ་དེ་དག་ཀྱང་སྐད་སྣ་ཚོགས་འབྱིན་པ་ནི་ཇི་ལྟར་ལྷའི་རྫིང་མན་ད་ཀ་བཞིན་ནོ། །ནམ་མཁའ་ལ་གནས་པའི་ལྷ་དག་གིས་ཀྱང་ལྷའི་མེ་ཏོག་ཀུ་མུ་ད་དང་། ལྷའི་མེ་ཏོག་ཁ་དོག་དང་ལྡན་པས་སྟེང་ནས་གཏོར་ཏོ། །
D7a.013.0172a02.01དེ་ནས་བཅོམ་ལྡན་འདས་པད་མའི་སྙིང་པོའི་སྟེང་དག་ཏུ་ཞབས་བཞག་སྟེ་དཔལ་སྦེད་ཀྱི་ཁྱིམ་དུ་བྱོན་པ་དང་། ཁྱིམ་བདག་དཔལ་སྦེད་ངོ་མཚར་ཆེ་བའི་མིག་གིས་བགྲད་དེ་བལྟས་ནས། བཙུན་པ་གང་པོ་བཅོམ་ལྡན་འདས་ཀྱི་རྫུ་འཕྲུལ་དང་ཆོ་འཕྲུལ་ལ་ལྟོས་ཤིག་ཅེས་སྨྲས་
D7a.013.0172a03.01པ་དང་། གང་པོ་མི་དགའ་བའི་བཞིན་དུ་བསྒྱུར་ནས། ཁྱིམ་བདག་དགེ་སྦྱོང་གཽ་ཏ་མ་ལ་དད་དམ་དེའི་སྒྱུ་མ་ལ་དད་དམ་ཞེས་སྨྲས་པ་དང་། དཔལ་སྦེད་ཀྱིས་སྨྲས་པ། བཙུན་པ་གང་པོ་དེ་ལྟར་འདི་ལྟ་བུས་བསྒྲུབ་དུ་རུང་ན་ནི་ཁྱོད་ཀྱང་ཐམས་ཅད་མཁྱེན་པ་ན་སྒྱུ་མ་དེ་ལྟ་བུ་བྱོས་
D7a.013.0172a04.01ལ་སྟོན་ཅིག །དེ་ལྟ་བུས་ང་དང་ངའི་མཛའ་བོ་དང་ཕུ་ནུ་དག་ཀྱང་བསྒྲུབ་པར་གྱིས་ཤིག །གང་པོས་བསམས་པ་དགོས་པ་མ་གྲུབ་པར་གྱུར་ཏེ། སླར་འགྲོའོ་སྙམ་ནས་དེས་དེ་ལ་སྤྱོས་ཏེ་ཁང་པའི་སྟེང་ནས་བབས་ཏེ་སྐྱེངས་ནས་བཅོམ་ལྡན་འདས་ལ་མངོན་དུ་འབྱུང་བར་མ་
D7a.013.0172a05.01ནུས་ཏེ། དེ་ནས་འགྲོས་དལ་ཞིང་བགས་ཀྱིས་སོང་ནས་གདོང་ཡང་ས་ལ་བལྟས་ཏེ་དཔལ་སྦེད་ཀྱི་ཁྱིམ་ནས་བྱུང་སྟེ་བྲོས་ཏེ་སོང་ངོ་། །དེ་ནས་ཁྱིམ་བདག་དཔལ་སྦེད་ཁྱིམ་བདག་མེ་སྐྱེས་ཀྱི་སྲིང་མོ་གང་ན་བ་དེར་སོང་སྟེ་ཕྱིན་ནས། སྒོ་ལྕགས་ཕྱེ་སྟེ་བཟང་མོ་ཚུར་ཤོག །དེ་
D7a.013.0172a06.01བཞིན་གཤེགས་པའི་ཞབས་ལ་ཕྱག་འཚོལ་ཅིག་ཅེས་སྨྲས་པ་དང་། དེས་བསམས་པ། འདི་བདག་ལ་སླུ་བར་བྱེད་དོ་སྙམ་ནས་སྙིང་རྗེ་བའི་ཚིག་གིས་དལ་ནས་སྨྲས་པ། སྡིག་པའི་གྲོགས་པོས་བསླུས་ཏེ་བསད་ན་བདག་ལ་བགམ་དུ་ཅི་ཞིག་ཡོད་ཅེས་སྨྲས་པ་དང་། དེས་
D7a.013.0172a07.01