完整藏文原文 · 德格版页 当前仅加载第 13 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་སྤྱད་པར་བྱའོ། །དེ་ལ་སྦྱར་མ་ཡང་སྦྱར་མའི་སྤྱད་པ་བཞིན་སྤྱད་པར་བྱའོ། །སྟོད་གཡོགས་ཀྱང་སྟོད་གཡོགས་ཀྱི་སྤྱད་པ་བཞིན་སྤྱད་པར་བྱ། མཐང་གོས་ཀྱང་མཐང་གོས་ཀྱི་སྤྱད་པ་བཞིན་སྤྱད་པར་བྱའོ། །དེ་ལ་སྦྱར་མས་མི་སྤྱད་པ་ནི་འདི་རྣམས་ཏེ། དགེ་སློང་
D7a.013.0284b01.01རྣམས་སྦྱར་མ་གོན་བཞིན་གཙུག་ལག་ཁང་དུ་ཆག་ཆག་གདབ་པར་མི་བྱ། ས་ཕྱག་པར་མི་བྱ། ཕྱག་དར་དོར་བར་མི་བྱ། ལྕི་བས་ཞལ་ཞལ་འཇམ་པོར་བྱུག་པར་མི་བྱ། ཆུའི་སྣོད་དགང་བར་མི་བྱ། སྤྱད་པའི་བུམ་པར་མ་ཡིན། གཙང་བའི་རིལ་བར་མ་ཡིན། བཤང་
D7a.013.0284b02.01བའི་རིལ་བར་མ་ཡིན། རྐང་པ་བཀྲུ་བའི་སར་མ་ཡིན། སྣོད་བགེད་པར་མ་ཡིན། གཙུག་ལག་ཁང་སྐྱོང་དུ་མ་ཡིན། ལྷུང་བཟེད་ཀྱི་ལས་སུ་མ་ཡིན། ཆོས་གོས་ཀྱི་ལས་སུ་མ་ཡིན། ཁྲུས་མི་བྱ། སྦྱར་མ་བགོས་ནས་རྩྭའམ། ཤིང་ངམ། ལྕི་བའམ་སའང་
D7a.013.0284b03.01རུང་བཀུར་བར་མི་བྱ། སྦྱར་མ་བགོས་ནས་བཤང་སར་མི་འཇུག་གཅི་སར་མི་འཇུག །དུགས་ཁང་དུ་མ་ཡིན། རྐང་པ་བཀྲུ་བའི་སར་མ་ཡིན་ཏེ། ཅི་ནས་སྦྱར་མ་བགོས་ལ་མི་གཙང་བའི་ས་ཐམས་ཅད་དུ་འགྲོ་བར་མི་བྱ། མཐང་ལ་བགོ་བར་མི་བྱ། གདིང་བར་མི་བྱ།
D7a.013.0284b04.01དེ་རྒྱུན་དུ་བགོ་བར་མི་བྱ། སྦྱར་མ་ལ་འཇུག་པར་མི་བྱ། ཉལ་བར་མི་བྱ་སྟེ། འདི་ནི་སྦྱར་མ་དེ་ལྟ་བུར་མི་སྤྱོད་པའོ། །སྦྱར་མ་འདི་ལྟར་སྤྱད་པར་བྱ་སྟེ། དགེ་སློང་མ་སྦྱར་མ་བགོས་ནས་བསོད་སྙོམས་ལ་འཇུག་པར་བྱ། གྲོང་དུ་འཇུག་པར་བྱ། སྤྱོད་ཡུལ་དུ་འཇུག་པར་བྱ།
D7a.013.0284b05.01ཟས་ལ་འཇུག་པར་བྱ། སྐྱོ་མ་དང་ཐུག་པ་ལ་འཇུག་པར་བྱ། འདི་ལྟར་ཡང་སྦྱར་མ་ནི་རྣམ་པ་གཉིས་སུ་སྤྱད་པ་བཞིན་སྤྱད་པར་བྱ་སྟེ། ཡང་ན་སྟེང་དུ་བགོ་བར་བྱ། ཡང་ན་སྔས་སུ་གཞུག་པར་བྱའོ། །སྟོད་གཡོགས་སྤྱད་པ་ཡང་འདི་ལྟར་སྤྱད་དེ། དགེ་སློང་རྣམས་
D7a.013.0284b06.01སྟོད་གཡོགས་བགོས་ནས། གཙུག་ལག་ཁང་དུ་ཆག་ཆག་གདབ་པར་མི་བྱ། ས་ཕྱག་པར་མི་བྱ། ཕྱག་དར་དོར་བར་མི་བྱ། ལྕི་བས་ཞལ་ཞལ་འཇམ་པོར་བྱུག་པར་མི་བྱ། ལྷུང་བཟེད་ཀྱི་ལས་མི་བྱ། ཆོས་གོས་ཀྱི་ལས་མི་བྱ། བཀྲུ་བར་མི་བྱ། སྟོད་གཡོགས་
D7a.013.0284b07.01