完整藏文原文 · 德格版页 当前仅加载第 13 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
མ་རྫོགས་པར་མཁན་པོ་བགྱིས་ཏེ། དགེ་སློང་དག་གིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། ཨུ་པཱ་ལི་བསྙེན་པར་ནི་རྫོགས་མོད་ཀྱི་བསྙེན་པར་རྫོགས་པར་བྱེད་པ་ནི་འདས་པ་དང་
D7a.013.0071a01.01བཅས་པར་འགྱུར་རོ། །བཙུན་པ་བར་ཆད་ཀྱི་ཆོས་དང་ལྡན་ལ་བདག་བར་ཆད་ཀྱི་ཆོས་དང་ལྡན་ནོ་ཞེས་མཆི་བཞིན་དུ་དགེ་སློང་དག་གིས་བསྙེན་པར་རྫོགས་པར་བགྱིས་ན་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། ཨུ་པཱ་ལི་བསྙེན་པར་ཡང་
D7a.013.0071a02.01མ་རྫོགས་ལ་བསྙེན་པར་རྫོགས་པར་བྱེད་པ་ཡང་འདས་པ་དང་བཅས་པར་འགྱུར་རོ། །བཙུན་པ་བར་ཆད་ཀྱི་ཆོས་དང་མི་ལྡན་ལ་བདག་བར་ཆད་ཀྱི་ཆོས་དང་ལྡན་ནོ་ཞེས་མཆི་བ་ཞིག་དགེ་སློང་དག་གིས་བསྙེན་པར་རྫོགས་པར་བགྱིས་ན་དེ་བསྙེན་པར་རྫོགས་པ་ཞེས་བགྱིའམ།
D7a.013.0071a03.01བསྙེན་པར་མ་རྫོགས་པ་ཞེས་བགྱི། ཨུ་པཱ་ལི་བསྙེན་པར་ནི་རྫོགས་མོད་ཀྱི་བསྙེན་པར་རྫོགས་པར་བྱེད་པ་དེ་དག་ནི་འདས་པ་དང་བཅས་པར་འགྱུར་རོ། །བཙུན་པ་བར་ཆད་ཀྱི་ཆོས་དང་ཡང་མི་ལྡན་ལ་བདག་བར་ཆད་ཀྱི་ཆོས་དང་མི་ལྡན་ནོ་ཞེས་མཆི་བ་ཞིག་དགེ་སློང་དག་
D7a.013.0071a04.01གིས་བསྙེན་པར་རྫོགས་པར་བགྱིས་ན་དེ་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། ཨུ་པཱ་ལི་བསྙེན་པར་ཡང་རྫོགས་ལ་བསྙེན་པར་རྫོགས་པར་བྱེད་པ་ལ་ཡང་འདས་པ་དང་བཅས་པར་མི་འགྱུར་རོ། །བཙུན་པ་མཁན་པོ་མ་མཆིས་
D7a.013.0071a05.01བཞིན་དུ་དགེ་སློང་དག་གིས་བསྙེན་པར་རྫོགས་པར་བགྱིས་ན་དེ་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། ཨུ་པཱ་ལི་བསྙེན་པར་ནི་རྫོགས་མོད་ཀྱི་བསྙེན་པར་རྫོགས་པར་བྱེད་པ་དག་ནི་འདས་པ་དང་བཅས་པར་འགྱུར་རོ། །བཙུན་པ་མཁན་
D7a.013.0071a06.01པོ་དང་ལྡན་པར་དགེ་སློང་དག་གིས་བསྙེན་པར་རྫོགས་པར་བགྱིས་ན་དེ་བསྙེན་པར་རྫོགས་པ་ཞེས་བགྱིའམ། བསྙེན་པར་མ་རྫོགས་པ་ཞེས་བགྱི། ཨུ་པཱ་ལི་བསྙེན་པར་ཡང་རྫོགས་ལ་བསྙེན་པར་རྫོགས་པར་བྱེད་པ་ལ་ཡང་འདས་པ་དང་བཅས་པར་མི་འགྱུར་རོ། །
D7a.013.0071a07.01