完整藏文原文 · 德格版页 当前仅加载第 13 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་མདོའི་ཚིགས་སུ་བཅད་པ་བདུན་པའོ།། །།མདོར་ན། སྤུ་གྲིའི་བདར་དང་སེན་མོ་བཅད། །སྨང་ཚེར་རྐང་པའི་རྟེན་དང་ནི། །བཤང་བར་བྱ་དང་གཅི་བའི་གནས། །བྱ་བ་བྱས་པ་མི་བཅང་ངོ་། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་
D7a.013.0186a01.01ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་འདུན་གྱི་ཕྱིར་སྤུ་གྲིའི་སྣོད་ཆོངས་ཤིག་ཅེས་བཀའ་སྩལ་པ་དང་། དྲུག་སྡེ་དག་གིས་དགེ་འདུན་གྱི་སྤུ་གྲི་ཁྱེར་ཏེ་བྱ་བ་བྱས་ཀྱང་སྤུ་གྲི་བླངས་ནས་ད་དུང་བྱ་བ་ཡོད་ཅེས་ཟེར་ནས་སྤུ་གྲི་མ་སྟེར་རོ། །དེ་ལྟར་
D7a.013.0186a02.01གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྤུ་གྲི་བྱ་བ་བྱས་ནས་མ་འཆང་ཤིག །བཅངས་ན་འདས་པ་དང་བཅས་པར་འགྱུར་རོ། །སྤུ་གྲི་ཇི་ལྟ་བ་དེ་བཞིན་དུ་བདར་དང་། སེན་མོ་བཅད་པ་དང་། སྨང་ཚེར་དང་། རྐང་པ་
D7a.013.0186a03.01བརྟེན་པ་རྣམས་སོ། །དྲུག་སྡེ་དེ་དག་གིས་གཅི་བའི་གནས་སུ་ཞུགས་ཏེ་བྱ་བ་བྱས་ཀྱང་ད་དུང་ཡང་སླར་འཇུག་གོ་ཞེས་སྨྲས་ནས། དགེ་སློང་ལྷགས་པའི་རྣམས་འཇུག་ཏུ་མི་སྟེར་ཏོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་
D7a.013.0186a04.01ཀྱིས་བཀའ་སྩལ་པ། དགེ་སློང་གིས་གཅི་བའི་གནས་སུ་ཞུགས་ཏེ་བྱ་བ་བྱས་ན་དགེ་སློང་དག་ལ་མ་བགགས་ཤིག་བགགས་ན་འདས་པ་དང་བཅས་པར་འགྱུར་རོ། །བཤང་བའི་སར་ཡང་དེ་བཞིན་ནོ། །རྐྱང་པའི་སྒོ་གསུམ་པའི་མདོའི་ཚིགས་སུ་བཅད་པ་བརྒྱད་པའོ།། །།མདོར་ན།
D7a.013.0186a05.01གཡོག་དང་དུས་སྟོན་ཆེན་པོ་དང་། །རྙོག་པ་ཅན་གྱི་ཆུ་དང་ནི། །ཕྱེ་ལས་བརྫིས་དང་སྐྱོ་མ་དང་། །སྡེར་བསྡུས་དེ་བཞིན་བསྒྲགས་པའོ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་
D7a.013.0186a06.01མེད་ཟས་སྦྱིན་གྱིས་བཅོམ་ལྡན་འདས་ཀྱིས་དེ་སྟེ་གནང་ན་བདག་གིས་སེན་མོ་དང་དབུ་སྐྲའི་མཆོད་རྟེན་ལ་དུས་སྟོན་ཆེན་པོ་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་ན་གནང་གིས་གྱིས་ཤིག །བཅོམ་ལྡན་འདས་ཀྱིས་དབུ་སྐྲ་དང་སེན་མོའི་མཆོད་
D7a.013.0186a07.01