完整藏文原文 · 德格版页 当前仅加载第 13 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་ནས་དེས་བསམས་པ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་འདི་ལྟར་དུས་སུ་སྦྱིན་པ་ནི་རྣམ་པ་ལྔ་སྟེ། ལྔ་གང་ཞེ་ན། གློ་བུར་དུ་འོངས་པ་དང་། འདོད་པ་རྣམས་ལ་སྦྱིན་པ་བྱིན་པ་འདི་ནི་སྦྱིན་པའི་དུས་དང་པོའོ། །ནད་པ་དང་ནད་གཡོག་ལ་སྦྱིན་པ་
D7a.013.0139b01.01བྱིན་པ་འདི་ནི་སྦྱིན་པའི་དུས་གཉིས་པའོ། །ལོ་ཉེས་ཤིང་ཕོངས་བྲེལ་བ་ལ་སྦྱིན་པ་བྱིན་པ་འདི་ནི་སྦྱིན་པའི་དུས་གསུམ་པའོ། །གང་སུ་ལ་ཡང་རུང་སྟེ་ལོ་ཐོག་གསར་པ་དང་། འབྲས་བུ་གསར་པ་དང་། གསར་ཐོག་དེ་དག་དེས་ཐོག་མར་ཚུལ་ཁྲིམས་དང་ལྡན་པ་ཡོན་ཏན་དང་ལྡན་པ་
D7a.013.0139b02.01ལ་བྱིན་ཞིང་། དེའི་འོག་ཏུ་བདག་ཟ་བ་འདི་ནི་སྦྱིན་པའི་དུས་བཞི་པའོ། །གང་སུ་ཡང་རུང་སྟེ། རླུང་ལྡང་བའམ། ཡུལ་རྨུགས་པའམ། ཆར་འབབ་པའམ། གྲང་བ་ལ་སོགས་པ་དེ་ལྟ་བུའི་རྣམ་པས་རླུང་ལྡང་བ་དང་། ཡུལ་རྨུགས་པ་དང་། ཆར་འབབ་པ་དང་། གྲང་བ་ལ་ཟན་
D7a.013.0139b03.01ནམ། སྐྱོ་མའམ། ཐུག་པའམ། སྐོམ་ལ་སོགས་པ་དེ་དག་ཕྱིར་བྱུང་སྟེ། དགེ་འདུན་ལ་འབུལ་ཞིང་འཕགས་པ་འདི་ཟོས་ན་ལུས་ཀྱང་མི་གཤེར། ཆོས་གོས་ལ་ཡང་ཆར་གྱིས་མི་ཕོག་སྟེ་བདེ་བ་ལ་རེག་ཅིང་གནས་པར་འགྱུར་རོ་ཞེས་སྦྱིན་པ་འདི་ནི་སྦྱིན་པའི་དུས་ལྔ་པའོ། །
D7a.013.0139b04.01དེ་ལྟར་ན་འདི་ནི་ཡུལ་སོ་སོ་ན་གནས་པའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལ་སོགས་པ་ལམ་གྱི་ངལ་བ་རྣམས་ལ་དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་དེ་དག་འདུས་པའི་ཟས་སྦྱར་རོ་སྙམ་དུ་བསམས་ཏེ། བཅོམ་ལྡན་འདས་
D7a.013.0139b05.01ག་ལ་བ་དེར་སོང་སྟེ་དྲུང་དུ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གློ་བུར་དུ་མཆི་བ་ཡུལ་སོ་སོ་ན་གནས་
D7a.013.0139b06.01པ་ལ་སྦྱིན་པ་བྱིན་པ་འདི་ནི་སྦྱིན་པའི་དུས་དང་པོ་ཞེས་བྱ་བ་ནས། སྔ་མ་ལྟར་བདེ་བ་ལ་རེག་པར་གནས་པར་བྱ་བ་འདི་ནི་དུས་ཀྱི་སྦྱིན་པ་ལྔ་པའོ་ཞེས་བྱ་བའི་བར་དུ་སྦྱིན་པའི་དུས་ལྔར་གསུངས་ན། ད་འདིར་བྱང་ཆུབ་སེམས་དཔའི་མཆོད་པ་ཆེན་པོ་ལ་ཡུལ་སོ་སོ་ནས་མཆིས་པའི་དགེ་
D7a.013.0139b07.01