完整藏文原文 · 德格版页 当前仅加载第 13 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
མདོར་ན། རབ་ཏུ་བྱུང་དང་བཞི་པོ་སྟེ། །རྣམ་པར་གྲོལ་དང་ཕུན་སུམ་དང་། །ཡོན་ཏན་དེ་བཞིན་སྦྱིན་པ་དང་། །གསོ་སྦྱིན་རྣམས་ཀྱི་གཞག་པའོ། །ཆོས་བཅུ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ་སྟེ།
D7a.013.0044a01.01བསྙེན་པར་རྫོགས་ནས་ལོ་བཅུ་བཅུ་ལོན་ནམ་དེ་ལས་ལྷག་པ་ཡང་རུང་བ་དང་། ལྷན་ཅིག་སྤྱོད་པ་དང་ཉེ་གནས་རྣམས་ཀྱང་རུང་སྟེ། ནད་གཡོག་བྱེད་དུ་འཇུག་པར་ནུས་པ་དང་། ལྷན་ཅིག་སྤྱོད་པ་དང་ཉེ་གནས་ལ་འགྱོད་པ་སྐྱེས་ན་སླར་སེལ་བའམ་སེལ་བར་བྱེད་དུ་འཇུག་པར་
D7a.013.0044a02.01ནུས་པ་དང་། ལྷན་ཅིག་སྤྱོད་པ་དང་ཉེ་གནས་རྣམས་སྡིག་པ་དང་ལྡན་པའི་རྣམ་པ་ཞིག་བྱུང་ན་སླར་གཏོང་ངམ་སླར་གཏོང་དུ་འཇུག་ནུས་པ་དང་། ལྷན་ཅིག་སྤྱོད་པ་དང་ཉེ་གནས་ཡུལ་དེར་གནས་པར་མི་དགའ་ན་ཡུལ་གཞན་དུ་གཏང་བར་ནུས་པ་དང་། ཚུལ་ཁྲིམས་དང་ལྡན་པ་དང་།
D7a.013.0044a03.01མང་དུ་ཐོས་པ་དང་། བརྩོན་འགྲུས་བརྩམས་པ་དང་། དྲན་པ་ཉེ་བར་གནས་པ་དང་། ཤེས་རབ་དང་ལྡན་པའོ། །གཞན་ཡང་ཆོས་བཅུ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ་སྟེ། བཅུ་གང་ཞེ་ན། ཉེས་པ་ཤེས་པ་དང་།
D7a.013.0044a04.01ཉེས་པ་མེད་པར་ཤེས་པ་དང་། ལྕི་བ་ཤེས་པ་དང་། ཡང་བ་ཤེས་པ་དང་། དེས་སོ་སོར་ཐར་པའི་མདོ་ཁ་ཏོན་དུ་སློབ་པར་གྱུར་པ་དང་། སློབ་པའི་ཚུལ་ཁྲིམས་ཀྱི་ཕུང་པོ་དང་། ཏིང་ངེ་འཛིན་གྱི་ཕུང་པོ་དང་། ཤེས་རབ་ཀྱི་ཕུང་པོ་དང་། རྣམ་པར་གྲོལ་བའི་ཕུང་པོ་དང་།
D7a.013.0044a05.01རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་དང་ལྡན་པར་གྱུར་པའོ། །གཞན་ཡང་ཆོས་བཅུ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ་སྟེ། བྱུང་བ་ཤེས། བཅས་པ་ཤེས། རྗེས་སུ་བཅས་པ་ཤེས། མ་གནང་བ་ཤེས།
D7a.013.0044a06.01རྗེས་སུ་གནང་བ་ཤེས། བར་ཆད་དུ་འགྱུར་བ་ཤེས། བར་ཆད་དུ་མི་འགྱུར་བ་ཤེས། ལུང་བསྒོ་བ་ཡིན། རྗེས་སུ་སྟོན་པ་ཡིན། གནས་བཅུར་འཇུག་ནུས་པ་ཡིན་ནོ། །གཞན་ཡང་ཆོས་བཅུ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་
D7a.013.0044a07.01