完整藏文原文 · 德格版页 当前仅加载第 13 函德格 204b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་འདི་སྐད་ཅེས་སྨྲའོ། །དེ་ནི་བདེན་ཏེ་དགེ་སློང་འདི་ནི་དབྱུང་བར་གསོལ། སྤུ་སྙོལ་བར་བྱེད། ཐལ་མོ་སྦྱར་ཏེ་ཕྱག་འཚལ་བར་སྟོན་ནས་ཕྱུང་ངོ་། །གང་དུ་མཚམས་ཀྱི་ཕྱི་རོལ་དུའོ་ཞེས་སྨྲ་བ་ནི་ཉེས་པ་བྱུང་བའོ། །འདི་ལྟར་ཡང་དགེ་སློང་རྣམས་ཀྱིས་དགེ་སློང་མ་མཐོང་ངོ་
D7a.013.0204b01.01ཞེས་ནས་སྤངས་པ་དང་། སླར་མི་བྱེད་པ་དང་། སྡིག་པ་ལ་ལྟ་བ་སླར་མི་གཏོང་ནས་སྤངས་ཏེ། དགེ་སློང་རྣམས་ལ་དབྱུང་བར་གསོལ། སྤུ་སྙོལ་བར་བྱེད། ཐལ་མོ་སྦྱར་ཏེ་ཕྱག་འཚལ་བར་སྟོན་ནས་མཚམས་ཀྱི་ནང་དུ་ཕྱུང་སྟེ། དེ་ལ་དགེ་སློང་རྣམས་དེ་དང་འདུས་པར་བྱེད།
D7a.013.0204b02.01ལྷན་ཅིག་ཏུ་གནས། གནས་ཁང་གཅིག་ན་ལྷན་ཅིག་ཏུ་ཉལ་བར་བྱེད་པ་དང་། དགེ་སློང་གཞན་དག་གིས་སྨྲས་པ། ཀྱེ་ཚེ་དང་ལྡན་པ་དག་དགེ་སློང་འདི་ནི་དགེ་འདུན་འདུས་པས་ཆོས་བཞིན་མ་མཐོང་ངོ་ཞེས་སྤངས་ན། དགེ་སློང་རྣམས་དགེ་སློང་དེའི་རྗེས་སུ་འཇུག་གམ་ཞེས་
D7a.013.0204b03.01སྨྲས་པ་དང་། དེ་དག་འདི་སྐད་སྨྲའོ། །དེ་ནི་བདེན་ཏེ་དགེ་སློང་འདི་དབྱུང་བར་གསོལ། སྤུ་སྙོལ་བར་བྱེད། དེ་ཐལ་མོ་སྦྱར་ཅིང་ཕྱག་འཚལ་བར་སྟོན་ནས་ཕྱུང་ངོ་། །གང་དུ་མཚམས་ཀྱི་ནང་དུའོ་ཞེས་ཟེར་ན་ཉེས་པ་མེད་པའོ། །དེ་ལྟར་ན་ལས་ཤེས་ལ་ཉེས་པར་འགྱུར་བ་དང་།
D7a.013.0204b04.01ལས་དེ་ཉིད་ཤེས་ལ་ཉེས་པར་མི་འགྱུར་བའོ། །བདག་གི་ཡི་དམ་ལས་ནོངས་པ་དང་གཞན་གྱི་ཡི་དམ་ལས་ནོངས་པར་འགྱུར་བ་མཆིས་སམ། གསུངས་པ། བདག་གི་ཡི་དམ་ལས་ཉེས་པ་དང་། གཞན་གྱི་ཡི་དམ་ལས་ཉེས་པར་འགྱུར་བ་ཡོད་དོ། །ཇི་ལྟར་ན་བདག་གི་ཡི་
D7a.013.0204b05.01དམ་ལས་ནོངས་པ་ལགས། དེ་འདི་ལྟར་དགེ་སློང་གིས་ཉེས་པའི་ཕུང་པོ་ལྔའི་ནང་ནས་གང་ཡང་རུང་བའི་ཉེས་པ་བྱུང་ནས་རང་ཉིད་ཀྱིས་ཤེས་པ་ནི་ཉེས་པའོ། །གཞན་གྱི་ཡི་དམ་ལས་ནོངས་པ་གང་ལགས། ཇི་ལྟར་ཡང་དགེ་སློང་གིས་ཉེས་པའི་ཕུང་པོ་ལྔའི་ནང་ནས་གང་ཡང་རུང་
D7a.013.0204b06.01བའི་ཉེས་པ་བྱུང་བ་ལས། དད་པའི་དགེ་བསྙེན་གྱི་ཚིག་བཞིན་ཉེས་པ་དེ་ཆོས་བཞིན་དུ་བྱེད་པའོ། །དེ་ལྟར་ན་རང་གི་ཡི་དམ་ལས་ཉེས་པ་དང་། གཞན་གྱི་ཡི་དམ་ལས་ཉེས་པའོ། །དྲན་པ་ལས་ནོངས་པར་འགྱུར་བ་དང་། མི་དྲན་པ་ལས་ནོངས་པར་འགྱུར་བ་མཆིས་སམ།
D7a.013.0204b07.01