完整藏文原文 · 德格版页 当前仅加载第 13 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཤིང་རྟའི་སྟེང་དུ་འཛེགས་ལ་བརྗོད་ཅིག་ཅེས་བཀའ་སྩལ་པ་དང་། ཚ་བ་དང་ཆར་པ་དང་རླུང་རྣམས་བྱུང་བར་གྱུར་ནས། བཅོམ་ལྡན་འདས་ཀྱིས་ཁང་བུ་རྩེག་མ་བྱོས་ཤིག་ཅེས་བཀའ་སྩལ་ཏོ། །སྐྱེ་བོ་མང་པོ་དག་གིས་སྒོ་བསྒྲིབས་པས་ན།
D7a.013.0089a01.01བཅོམ་ལྡན་འདས་ཀྱིས་བཀའ་སྩལ་པ། སྒོ་བཞི་ཐོད་ལ་བརྗོད་པ་བཞི་ཞོག་ཤིག །དེ་ནས་ཁྱིམ་བདག་མགོན་མེད་ཟས་སྦྱིན་ཅི་འདོད་པ་བླངས་ནས་གོས་ཟུང་མང་པོ་གོས་ཟུང་བརྒྱ་སྟོང་མང་པོ་རྣམས་བསོགས་པ་དང་། དེས་འདི་སྙམ་དུ་གོས་མང་ཞིག་ཚོགས་ཀྱིས་ད་ནི་བདག་
D7a.013.0089a02.01གིས་སངས་རྒྱས་ལ་སོགས་པ་དགེ་སློང་གི་དགེ་འདུན་དག་བཤོས་གསོལ་ལ་སངས་རྒྱས་ལ་སོགས་པ་དགེ་སློང་གི་དགེ་འདུན་རྒན་རིམས་སུ་ཡོན་དབུལ་ལོ་སྙམ་བསམས་ནས། དེས་ཛེ་ཏའི་ཚལ་གོས་སྣ་ཚོགས་ཀྱིས་བརྒྱན་ཏེ་གོས་ཀྱི་ཕྲེང་བས་སྟེང་ཀུན་ཏུ་སྦྱངས་ནས་
D7a.013.0089a03.01སྲུང་མ་ཡང་བཞག་སྟེ། མཛའ་བོ་དང་གཉེན་དང་ཕུ་ནུ་དག་ཀྱང་མགྲོན་དུ་བོས་སོ། །དེ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་སྦྱར་ནས་བཅོམ་ལྡན་འདས་དང་དགེ་སློང་གི་དགེ་འདུན་དུ་བཅས་ཏེ། ཛེ་ཏའི་ཚལ་དུ་བཤོས་ལ་སྤྱན་དྲངས་སོ། །དེ་ནང་པར་
D7a.013.0089a04.01སྔར་ལངས་ཏེ་གདན་བཏིང་ནས་བུམ་པ་ཆུས་བཀང་སྟེ་བཞག་ནས། བཅོམ་ལྡན་འདས་དང་ཉན་ཐོས་ཀྱི་དགེ་འདུན་དུ་བཅས་ཏེ་བཤོས་གསོལ་ནས། བཅོམ་ལྡན་འདས་ལ་བཙུན་པ་འཇིག་རྟེན་ན་ཡོན་གནས་སུ་མཆིས་ཞེས་ཞུས་པ་དང་། ཁྱིམ་བདག་གཉིས་ཏེ་སློབ་པ་དང་
D7a.013.0089a05.01མི་སློབ་པའོ། །དེ་ལ་ཡང་ཁྱིམ་བདག་སློབ་པ་ལ་རྣམ་པ་{བཅྭ་,བཅོ་}བརྒྱད་ཡོད་དོ། །མི་སློབ་པ་ལ་རྣམ་པ་དགུའོ། །སློབ་པ་རྣམ་པ་{བཅྭ་,བཅོ་}བརྒྱད་པོ་གང་ཞེ་ན། རྒྱུན་དུ་འཇུག་པའི་འབྲས་བུ་མངོན་དུ་བྱ་བའི་ཕྱིར་ཞུགས་པ་དང་། རྒྱུན་དུ་ཞུགས་པ་དང་། ལན་གཅིག་ཕྱིར་
D7a.013.0089a06.01འོང་བའི་འབྲས་བུ་མངོན་དུ་བྱ་བའི་ཕྱིར་ཞུགས་པ་དང་། ལན་གཅིག་ཕྱིར་འོང་བ་དང་། ཕྱིར་མི་འོང་བའི་འབྲས་བུ་མངོན་དུ་བྱ་བའི་ཕྱིར་ཞུགས་པ་དང་། ཕྱིར་མི་འོང་བ་དང་། དགྲ་བཅོམ་པའི་འབྲས་བུ་མངོན་དུ་བྱ་བའི་ཕྱིར་ཞུགས་པ་དང་། དད་པས་རྗེས་སུ་འབྲང་བ་དང་།
D7a.013.0089a07.01