完整藏文原文 · 德格版页 当前仅加载第 13 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
འབུལ་ཞིང་རྗེས་སུ་ཕན་འདོགས་པ་ལས་ཁྱིམ་བདག་དེ་དུས་ལས་འདས་ཏེ། དེ་ཡང་རྒྱས་པར་ནི་དེ་བཞིན་ནོ། །ཁྱིམ་བདག་གི་ཆུང་མ་དེས་དེ་སྟེ་ཁྱིམ་བདག་འདི་ཞེས་བགྱི་བའི་ཕྱིར་ལས་རྣམས་ལ་བཏང་ན་ནི་འདི་བཞིན་དུ་ཡང་འབུལ་བར་ནུས་སོ་ཞེས་
D7a.013.0022a01.01སྨྲས་པ་ཡང་རྒྱས་པར་ཏེ། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དོ། །དགེ་སློང་ཞིག་གྲོང་གཞན་ཞིག་གི་གྲོང་དུ་ཉེ་བར་འགྲོ་བ་ཡིན་ཏེ། དེ་གྲོང་དེར་ཕྱིན་ནས། ཁྱིམ་བདག་གིས་སྨྲས་པ། འཕགས་པ་མིང་འདི་ཞེས་བགྱི་བའི་ཆུང་མ་ལ་
D7a.013.0022a02.01ཚུར་ཤོག་ཅེས་ཕྲིན་བགྱི་བར་སྤྱོད་དམ་ནུས་སོ་ཞེས་སྨྲས་ནས་དེ་སོང་སྟེ་བསྒོ་བ་དང་། བུད་མེད་དེ་ཡང་ནད་ཀྱིས་བཏབ། ཁྱིམ་བདག་དེ་ཡང་ནད་ཀྱིས་བཏབ་པར་གྱུར་ཏེ། དེ་གཉིས་ཀ་ནད་ཀྱིས་བཏབ་ནས་དོན་དེ་མ་གྲུབ་པར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ།
D7a.013.0022a03.01ཉེས་པ་སྦོམ་པོར་འགྱུར་རོ། །དགེ་སློང་ཞིག་གྲོང་གཞན་ཞིག་གི་གྲོང་དུ་ཉེ་བར་འགྲོ་བ་ཡིན་ཏེ། དེ་གྲོང་དེར་ཕྱིན་པ་དང་། བུད་མེད་དེས་སྨྲས་པ། འཕགས་པ་ཁྱིམ་བདག་འདི་ཞེས་བྱ་བ་ལ་ཚུར་སྤྱོན་ཞེས་ཕྲིན་བགྱི་བར་སྤྱོད་དམ། ནུས་སོ་ཞེས་སྨྲས་ནས་དེ་དེར་སོང་སྟེ་
D7a.013.0022a04.01དེ་ལ་བསྒོ་བ་དང་། ཁྱིམ་བདག་དེ་ཡང་ནད་ཀྱིས་བཏབ་པར་གྱུར། བུད་མེད་དེ་ཡང་ནད་ཀྱིས་བཏབ་པར་གྱུར་ཏེ། གཉིས་ཀ་ནད་ཀྱིས་བཏབ་པས་དོན་དེ་མ་གྲུབ་བོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་སྦོམ་པོར་འགྱུར་རོ། །
D7a.013.0022a05.01དགེ་སློང་ཞིག་གྲོང་གཞན་ཞིག་གི་གྲོང་དུ་ཉེ་བར་འགྲོ་བ་ཡིན་ཏེ། དེ་སྔ་དྲོ་ཆོས་གོས་དང་ཤམ་ཐབས་བགོས་ལྷུང་བཟེད་ཁྱེར་ཏེ་གྲོང་དེར་ཕྱིན་པ་དང་། ཁྱིམ་བདག་དེས་སྨྲས་པ། ཁྱིམ་བདག་འདི་ཞེས་བགྱི་བ་ལ་ཁྱོད་ཀྱི་བུ་མོའམ་སྲིང་མོ་ཅིག་བདག་གི་བུ་ལ་སྩོལ་ཅིག་ཅེས་ཕྲིན་
D7a.013.0022a06.01བགྱི་བར་སྤྱོད་དམ། ནུས་སོ་ཞེས་སྨྲས་ནས། དེ་སོང་སྟེ་བསྒོ་བ་དང་། ཁྱེའུ་དེ་ནི་དུས་ལས་འདས་བུ་མོ་དེ་སྒུར་མོར་རམ། སྨྱོན་མར་གྱུར་ཏམ། གཞན་ལ་བྱིན་པར་གྱུར་ནས། དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་སྦོམ་པོར་
D7a.013.0022a07.01