完整藏文原文 · 德格版页 当前仅加载第 13 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱོས་ཤིག །དེ་བཞིན་དུ་དགེ་སློང་ཁྱེད་ཅག་གིས་རྩོད་པའི་རྩ་བ་ནང་ངམ་ཕྱི་རོལ་ན་ཡོད་པ་མ་སྤངས་པ་མཐོང་ན། དེར་ཁྱེད་དང་ལྷན་ཅིག་ཏུ་མཐུན་ཞིང་དགའ་བར་བྱོས་ལ་སེམས་ཀྱིས་ཤིན་ཏུ་བསྲུང་བའི་དྲན་པས་རྩོད་པའི་རྩ་བ་དེའི་ཉེས་པ་ཟད་པར་མ་གྱུར་གྱི་བར་དུ་
D7a.013.0034b01.01བརྩོན་པར་བྱོས་ཤིག་དང་། ཁྱེད་ཀྱི་རྩོད་པའི་རྩ་བ་དེ་ཡང་དག་པར་བཅོམ་ནས་ཕྱིས་ཀྱང་མི་འབྱུང་བར་འགྱུར་རོ། །ཁོན་དུ་འཛིན་པ་ཇི་ལྟ་བ་དེ་བཞིན་དུ་འཆབ་པ་དང་། འཚིག་པ་དང་། ཕྲག་དོག་དང་། འཇུངས་པ་དང་། གཡོ་དང་། སྒྱུ་དང་། ངོ་ཚ་མེད་པ་དང་། མི་
D7a.013.0034b02.01འཛེམ་པ་དང་། རང་གི་ལྟ་བ་སྙེམས་པར་གྱུར་པ་རྣམས་ཡིན་ཏེ། བབ་བབ་ཏུ་འཛིན་པ་སྤང་དཀའ་བའི་ཚིག་རྣམས་རྒྱས་པར་བརྗོད་པར་བྱའོ། །བསྒོ་བ་རྣམ་པ་དྲུག་སྟེ། སངས་རྒྱས་ཀྱིས་བསྒོ་བ་དང་། དགེ་འདུན་གྱིས་བསྒོ་བ་དང་། སློབ་དཔོན་གྱིས་བསྒོ་བ་དང་།
D7a.013.0034b03.01མཁན་པོས་བསྒོ་བ་དང་། རྒྱལ་པོས་བསྒོ་བ་དང་། རྐུན་པོས་བསྒོ་བའོ། །དགེ་བསྙེན་ཕས་བྱར་མི་རུང་བའི་ལས་དྲུག་སྟེ། སེམས་ཅན་འཚོང་བ་དང་། མཚོན་ཆ་འཚོང་བ་དང་། ཆང་འཚོང་བ་དང་། དུག་འཚོང་བ་དང་། རྒྱ་སྐྱེགས་ཀྱི་ལས་དང་། འབྲུ་མར་བྱེད་པའི་
D7a.013.0034b04.01ལས་སོ། །ནག་པོར་བསྟན་པ་དྲུག་སྟེ། འདི་ལྟར་དགེ་སློང་དག་ལ་དགེ་སློང་ཞིག་འདི་སྐད་དུ་ཚེ་དང་ལྡན་པ་ཁོ་བོས་ནི་བཅོམ་ལྡན་འདས་ལས་མངོན་སུམ་དུ་ཐོས། མངོན་སུམ་དུ་བླངས་ཏེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་ཟེར་ན། དགེ་
D7a.013.0034b05.01སློང་དེས་སྨྲས་པ་དེ་ལ་སྤྲོ་བར་ཡང་མི་བྱ། སྨད་པར་ཡང་མི་བྱ་སྟེ། སྤྲོ་བར་ཡང་མི་བྱ། སྨད་པར་ཡང་མི་བྱ་བར་ཚིག་དང་དོན་དང་འབྲུ་རྣམས་ཟུང་ལ་མདོ་སྡེ་དང་གཏུགས་ཤིང་འདུལ་བ་ལ་ལྟོས་ཤིག །དེ་སྟེ་མདོ་སྡེ་དང་གཏུགས། འདུལ་བ་ལ་བལྟས་ཀྱང་མདོ་སྡེ་དང་ཡང་མི་
D7a.013.0034b06.01མཐུན། འདུལ་བ་ལས་ཀྱང་མི་འབྱུང་ཆོས་ཉིད་དང་ཡང་འགལ་ན་དགེ་སློང་དེ་ལ་འདི་སྐད་དུ་ཇི་ལྟར་ཚེ་དང་ལྡན་པ་ཁྱོད་ཀྱི་ཆོས་འདི་ནི་བཅོམ་ལྡན་འདས་ཀྱིས་མ་གསུངས་སོ། །ཡང་ན་ཚེ་དང་ལྡན་པས་ཆོས་འདི་ལོག་པར་བཟུང་ངོ་། །དེ་ལྟ་བས་ན་ཁོ་བོས་ཆོས་འདི་མདོ་སྡེ་དང་ཡང་
D7a.013.0034b07.01