完整藏文原文 · 德格版页 当前仅加载第 13 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་མ་རུང་བར་བྱེད་པ་དང་། ཕྱོགས་འཛིན་པ་ལ་བརྟེན་པ་དང་། ཉེས་པ་མི་ཤེས་ཉེས་པ་མེད་པ་མི་ཤེས་པ་སྟེ། ཨུ་པཱ་ལི་ཆོས་རྣམ་པ་འདི་ལྔ་དང་ལྡན་ན་ལན་གློན་པའི་དགེ་སློང་གི་ཚིག་གཟུང་བར་མི་བྱའོ། །ཨུ་པཱ་ལི་ཆོས་རྣམ་པ་འདི་ལྔ་དང་ལྡན་ན་ལན་གློན་
D7a.013.0062b01.01པའི་དགེ་སློང་གི་ཚིག་གཟུང་བར་བྱ་སྟེ། ལྔ་གང་ཞེ་ན། རྒོལ་བའི་དགེ་སློང་གིས་དྲིས་པ་བཞིན་དུ་ལན་འདེབས་པ་དང་། དྲིས་པའི་དོན་གཞན་དང་གཞན་དུ་མི་སྨྲ་བ་དང་ཕྱི་རོལ་གྱི་གཏམ་གཞན་མི་སྨྲ་བ་དང་། བྱང་བའི་དགེ་སློང་ལ་མ་རུང་བར་མི་བྱེད་པ་དང་། ཕྱོགས་
D7a.013.0062b02.01འཛིན་པ་ལ་མི་བརྟེན་པ་དང་། ཉེས་པ་ཤེས་ཉེས་པ་མེད་པ་ཤེས་པ་སྟེ། ཨུ་པཱ་ལི་ཆོས་རྣམ་པ་འདི་ལྔ་དང་ལྡན་ན་དགེ་སློང་ལན་གློན་པའི་ཚིག་གཟུང་བར་བྱའོ། །ཨུ་པཱ་ལི་དེ་ལ་རྒོལ་བ་དང་ལན་གློན་པའི་དགེ་སློང་དག་རྩོད་པ་ཞི་བར་འདོད་པས་ཆོས་བཅུ་དྲུག་དང་
D7a.013.0062b03.01ལྡན་པའི་གཟུ་བོ་འདུལ་བ་འཛིན་པ་ཚོལ་ཅིག །བཅུ་དྲུག་གང་ཞེ་ན། ཚུལ་ཁྲིམས་དང་ལྡན་པ་དང་། ཐོག་མར་བསྙེན་པར་རྫོགས་པ་དང་། ངོ་ཚ་ཅན་དང་། འགྱོད་པ་ཅན་དང་། སྡོམ་པ་ཅན་དང་། སློབ་པ་འདོད་པ་དང་། མང་དུ་ཐོས་པ་དང་། ཐོས་པ་འཛིན་
D7a.013.0062b04.01པ་དང་། ཐོས་པ་བསགས་པ་དང་། འདུལ་བ་དང་། ལྷག་པའི་འདུལ་བ་ངེས་པར་ཤེས་པ་དང་། མདོ་སྡེ་དང་། ལུང་ཁ་ཏོན་དུ་ལོབས་པ་དང་། དེ་ལས་ཡང་དེའི་འོག་ཏུ་ཡང་བརྟག་པར་བྱ་སྟེ། ཅི་ཚེ་དང་ལྡན་པ་འདི་ལ་གཟུ་བོའི་དངོས་པོ་ཡོད་དམ། ཅི་
D7a.013.0062b05.01ཚེ་དང་ལྡན་པ་འདིས་སྔ་ནས་མ་འདྲེས་པའམ། ཅི་ཚེ་དང་ལྡན་པ་འདི་རྩོད་པ་སྔར་བྱུང་བ་ལ་མཁས་པའམ། ཅི་ཚེ་དང་ལྡན་པ་འདི་ལྷུང་བཟེད་ཀྱི་ཕྱིར་མ་ཡིན་ནམ། ཆོས་གོས་ཀྱི་ཕྱིར་མ་ཡིན་ནམ། ཟང་ཟིང་ཅུང་ཟད་ཙམ་གྱི་ཕྱིར་མ་ཡིན་ནམ། འདོད་པའི་ཕྱིར་
D7a.013.0062b06.01འགྲོ་བ་མ་ཡིན་ནམ། ཞེ་སྡང་དང་། གཏི་མུག་དང་། འཇིགས་པས་འགྲོ་བ་མ་ཡིན་ནམ། ཅི་ཚེ་དང་ལྡན་པ་འདི་འདོད་ཆགས་ཀྱིས་གཟིར་བ་མ་ཡིན་ནམ། ཞེ་སྡང་གིས་གཟིར་བ་མ་ཡིན་ནམ། གཏི་མུག་གིས་གཟིར་བ་མ་ཡིན་ནམ། རྒྱལ་བའི་གསུང་
D7a.013.0062b07.01