完整藏文原文 · 德格版页 当前仅加载第 13 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དེ་དག་གི་རྨི་ལམ་དུ་ངེད་ཀྱི་ཉེས་པ་ཅི་བྱས་ན་ངེད་ལ་གནོད་པར་བྱེད་ཅེས་སྟོན་ཏོ། །བྲམ་ཟེ་དང་ཁྱིམ་བདག་མ་དད་པ་དག་ཀྱང་འཕགས་པ་རྣམས་འདི་དག་གིས་ཁྱེད་ཅག་ལ་གནོད་པ་ཅི་ཞིག་བྱས་ན་འདི་དག་མ་རུང་བར་བྱེད་ཅེས་འཕྱའོ། །དེ་ལྟར་གྱུར་པ་དགེ་སློང་
D7a.013.0098b01.01དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དེ་ལ་མཆོད་པར་ཡང་མ་བྱེད་ཅིག །གནོད་པར་ཡང་མ་བྱེད་ཅིག་ཅེས་བཀའ་སྩལ་པ་དང་། དྲུག་སྡེ་དག་ལམ་དུ་ཞུགས་ཏེ། འདོང་བའི་ཚེ་ལྷ་དག་གི་རྟེན་མཐོང་བ་དང་བྱོལ་ཏེ་ལམ་
D7a.013.0098b02.01མཐོན་དམན་དང་ཚེར་མ་ཅན་དུ་དོང་བ་དང་། དེ་ན་དགེ་སློང་ཁ་ཅིག་ནི་འཇག་མས་ནོན། ཁ་ཅིག་ནི་ཚེར་མས་ཟུག །ཁ་ཅིག་ནི་དྲེད་ནས་ལྷུང་ངོ་། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་
D7a.013.0098b03.01སྩལ་པ། ལམ་འབྱོལ་ཏེ་མ་འདོང་བར་ལམ་དྲང་པོར་དེང་ལ། ལྷ་དག་གི་རྟེན་ལ་སེ་གོལ་གྱི་སྒྲ་ཕྱུང་ལ་ཞལ་ནས་གསུངས་པའི་ཚིགས་སུ་བཅད་པ་བཀླག་པར་བྱ་སྟེ། དེ་ལ་ཐེ་ཚོམ་མ་བྱེད་ཅིག །གླེང་གཞི་ནི་མཉན་དུ་ཡོད་པ་ན་སྟེ། སངས་རྒྱས་
D7a.013.0098b04.01བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་ལྷན་ཅིག་སྤྱོད་པ་དང་། ཉེ་གནས་ཀྱི་དགེ་སློང་གིས་མཁན་པོ་དང་། སློབ་དཔོན་ལ་དུས་གསུམ་དུ་ལྟར་སོང་ཤིག་ཅེས་གསུངས་ལ། མཚམས་ཆེན་པོ་དཔག་ཚད་ཕྱེད་
D7a.013.0098b05.01དང་གསུམ་དུ་ཆོད་ཅིག་ཅེས་ཀྱང་གསུངས་ན། བཙུན་པ་དེ་ལྟ་ན་སློབ་དཔོན་དང་མཁན་པོ་དཔག་ཚད་ཕྱེད་དང་གསུམ་ན་མཆིས་ན་དེ་དག་གིས་ཇི་ཙམ་ན་བལྟ་བར་བགྱི། ཨུ་པཱ་ལི་དེ་དག་གིས་ཟླ་བ་ཕྱེད་ཕྱེད་ཅིང་ལྟར་སོང་ཤིག །དེ་སྟེ་དེ་དག་རྒྱང་གྲགས་ལྡན་གནས་
D7a.013.0098b06.01ན་དེ་དག་གིས་ཞག་བདུན་ནམ་བརྒྱད་ན་ལྟར་སོང་ཤིག །དེ་ཚུན་ཆད་ནི་ཇི་ལྟར་དུས་སུ་ལྟར་སོང་ཤིག །འདོམ་ལྔ་བརྒྱ་ན་གནས་ན་ནི་དེ་དག་གིས་དུས་གསུམ་དུ་ལྟར་སོང་ཤིག །དེ་ལྟར་མ་སོང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་
D7a.013.0098b07.01