完整藏文原文 · 德格版页 当前仅加载第 13 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་བྱང་ཆུབ་སེམས་དཔའི་གཟུགས་ཤིང་རྟ་ལས་བཀུར་བར་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གནང་གིས་དེ་བཞིན་དུ་བྱོས་ཤིག །ཤིང་རྟ་ཡང་བ་དན་དང་གདུགས་མེད་པས་མི་མཛེས་པར་གྱུར་ནས། ཁྱིམ་
D7a.013.0138b01.01བདག་མགོན་མེད་ཟས་སྦྱིན་གྱིས་དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་ཤིང་རྟའི་སྟེང་དུ་བ་དན་དང་གདུགས་དང་རྒྱལ་མཚན་ལ་སོགས་པས་བརྒྱན་པར་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གནང་གིས་བརྒྱན་པར་བྱོས་ཤིག །
D7a.013.0138b02.01བྱང་ཆུབ་སེམས་དཔའི་གཟུགས་ལ་མེ་ཏོག་གིས་སྙན་གྱི་གོང་མ་བརྒྱན་ན་མི་མཛེས་པར་གྱུར་ནས། ཁྱིམ་བདག་མགོན་མེད་ཟས་སྦྱིན་གྱིས་དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་བྱང་ཆུབ་སེམས་དཔའི་གཟུགས་ཀྱི་དབུའི་སྙན་གྱི་གོང་དུ་མེ་ཏོག་གི་རྒྱན་དབུལ་ལོ་ཞེས་གསོལ་
D7a.013.0138b03.01པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གནང་གིས་ཕུལ་ཅིག །གླེང་གཞིའི་སྒོ་ལྔ་པའི་མདོའི་ཚིགས་སུ་བཅད་པ་གཉིས་པའོ།། །།མདོར་ན། ཡོན་ཕུལ་བ་དང་ཡོན་དབུལ་བ། །དེ་བཞིན་ཕྲེང་བའི་སྣོད་རྣམས་དང་། །རོལ་མོ་རྣམས་ཀྱང་མི་
D7a.013.0138b04.01དགག་ཅིང་། །རྒྱན་ཚོགས་རྣམས་ཀྱང་མི་གཞིག་གོ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་གྱིས་དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་བྱང་ཆུབ་
D7a.013.0138b05.01སེམས་དཔའི་གཟུགས་ཀྱི་ཞབས་ལ་ཡོན་དབུལ་ལོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གནང་གིས་ཕུལ་ཅིག །དེའི་མཆོད་སྟོན་གྱི་ཚེ་ཡུལ་སྣ་ཚོགས་ན་གནས་པའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། གཞན་
D7a.013.0138b06.01ཡང་བལྟ་བར་འདོད་པའི་ཕྱིར་ཕལ་མོ་ཆེ་ལྷགས་པ་རྣམས་ཀྱིས་དེ་ལ་ཡོན་དབུལ་བ་{མངས་,མང་}པས་རྙེད་པ་དེ་སུས་བཀུར་བ་དགེ་སློང་རྣམས་ཀྱིས་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་བཀུར་བར་བྱའོ་ཞེས་པ་དང་། དགེ་སློང་གནས་བརྟན་དག་གིས་
D7a.013.0138b07.01