完整藏文原文 · 德格版页 当前仅加载第 13 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོད་པ་དེ་ཀུན་ཤེས་པར་བྱ་བ་ནས་སྔ་མ་བཞིན་ཏེ། གྲོང་འདབ་ཀྱི་དགེ་སློང་གནས་བརྟན་གྱིས་ཐམས་ཅད་དུ་ཡང་ཐོག་མར་འཇུག་པར་བྱ། རྒྱུད་མི་གཏང་བར་བྱ་བའི་བར་དུ་སྟེ། གྲོང་འདབ་ཀྱི་བྱ་བ་རྣམས་ལ་དེ་དག་གཟུད་པར་བྱ། གྲོང་འདབ་པའི་བྱ་བ་རྣམས་ལ་འཛིན་པ་
D7a.013.0289b01.01གཞུག་པར་བྱ། བྱ་བ་བཟང་པོ་ལ་གཟུད་པར་བྱ། འདི་སྐད་ཅེས་བསྒོ་བར་བྱ་སྟེ། ཚེ་དང་ལྡན་པ་རྣམས་དྲན་པ་ཉེ་བར་ཞོག་ལ་གྲོང་འདབ་དུ་གནས་པར་བྱ་སྟེ། ཀུན་དགའ་ར་བ་ཕ་དང་། དགེ་ཚུལ་ཕ་དང་། བུད་མེད་རྣམས་ལ་རྒྱུན་དུ་ལྟ་བ་སྤང་བར་བྱས་ལ་ལྟ་ན་ཡང་
D7a.013.0289b02.01དྲན་པ་ཉེ་བར་བཞག་ལ་བལྟ་ཞིང་སྨྲ་བར་གྱིས་ཤིག །དྲེགས་པར་མ་བྱེད་ཅིག །དུས་དུས་སུ་ཆོས་ཀྱི་གཏམ་བྱ་བར་བྱ། སྤྱོད་ཡུལ་མ་ཡིན་པ་རྣམས་ལས་ནི་བཟློག་པར་བྱ། སྤྱོད་ཡུལ་རྣམས་ལ་ནི་གཟུད་པར་བྱ། དེ་དག་གིས་ཀྱང་དེས་བསྒོ་བ་དང་། བསྟན་
D7a.013.0289b03.01པའི་ཚིག་རྣམས་མཉན་ཅིང་འཇུག་པར་བྱ་སྟེ། འདི་ནི་གྲོང་འདབ་ཀྱི་དགེ་སློང་གནས་བརྟན་གྱི་བྱ་བ་ཞེས་བྱའོ། །གློ་བུར་དུ་འོངས་པའི་བྱ་བ་གང་ཞེ་ན། གློ་བུར་དུ་འོངས་པའི་དགེ་སློང་གིས་བབ་བབ་ཏུ་ཀུན་དགའ་ར་བའི་ནང་དུ་འཇུག་པར་མི་བྱ། ཀུན་དགའ་ར་བའི་སྒོ་
D7a.013.0289b04.01ཀར་ལྷུང་བཟེད་དང་ཆོས་གོས་ཞོག་ལ་དེ་སྟེ་ཆུ་ཡོད་ན་ནི་རྐང་པ་ཁྲུས་ཤིག །ཆུ་མེད་ན་ནི་རྡུལ་ཕྱི་བའི་ར་དའམ། ལོ་མ་དང་། ལོ་མ་རྙིས་པས་རྡུལ་ཕྱིས་ཤིག །བཤང་བ་བྲོའམ་གཅི་བ་བྲོ་ན་ཡང་གཤོང་ཤིག །གཅིས་ཤིག །དེ་ནས་ཆོས་གོས་གྱོན་ལ་ཕྲག་པ་གཡོན་
D7a.013.0289b05.01པས་ཆོས་གོས་ཀྱི་ཚང་ཐུར་དང་། ལྷུང་བཟེད་ཀྱི་སྣོད་རྣམས་ཐོགས་ཤིག །ལག་པ་གཡས་པས་ནི་ཁར་གསིལ་ཐོགས་ཤིག །ལག་པ་གཡོན་པས་ནི་ལྷམ་ཁྱེར་ཅིག །དེ་སྟེ་ཀུན་དགའ་ར་བ་རྩིག་པས་བསྐོར་ཏམ། ཤིང་ཐགས་ཀྱིས་བསྐོར་ཏམ། འོབས་ཀྱིས་བསྐོར་
D7a.013.0289b06.01བར་གྱུར་ན་ཤེས་བཞིན་དུ་སྒོ་ལ་མི་འདྲུད་བཞིན་དུ་ནང་དུ་ཞུགས་ཤིག །མཆོད་རྟེན་རྣམས་ལ་བསྐོར་བར་བྱ། ཤེས་བཞིན་དུ་དྲན་པ་ཉེ་བར་བཞག་ལ་སེམས་མི་གཡེང་། སྤྱོད་ལམ་མཛེས་པས་སྦྱར་ཞིང་། རབ་ཏུ་བཀབ་ནས་སྒྲ་བསྐྱུངས་ལ་མིག་མི་གཡེང་ཞིང་གཉའ་ཤིང་གང་ཙམ་
D7a.013.0289b07.01