完整藏文原文 · 德格版页 当前仅加载第 13 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
ནང་དུ་བཏང་བ་དང་། དགེ་སློང་དག་གིས་མཐོང་ནས། དགེ་སློང་ཀུན་ཏུ་བཅིངས་པ་ཁ་ཅིག་ནི་ཉེས་པ་ངོར་བརྗོད་དོ། །ཁ་ཅིག་གིས་ནི་རྒན་ཞུགས་ཕ་བི་ཅིའི་ཕྱིར་སྨྱོན་ཐབས་བྱེད་ཅེས་སྨྲས་པ་དང་། དེས་ཚེ་དང་ལྡན་པ་དག་འདི་ནི་ཁོ་བོའི་ཆོས་གོས་གསུམ་ཡིན་
D7a.013.0113b01.01ཏེ། ཁོ་བོ་ནི་གློ་བུར་དུ་འོངས་ན་གང་དུ་གཞག་ཅེས་སྨྲས་པ་དང་། དེ་དག་གིས་ཆོས་གོས་གསུམ་དེ་འདྲ་བ་ཡིན་ནམ་ཞེས་སྨྲས་པ་དང་། དེས་གང་ལ་མེད་པ་དེ་ཅི་འདྲ་བར་འགྱུར་ཞེས་སྨྲས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་
D7a.013.0113b02.01དང་། བཅོམ་ལྡན་འདས་ཀྱིས་བཀའ་སྩལ་པ། གང་ཉེས་པའི་དམིགས་སུ་གྱུར་པ་དེ་ནི་དགེ་སློང་དག་གིས་སྤུ་རིང་པོ་ལས་ཆོས་གོས་གསུམ་དུ་བྱིན་གྱིས་བརླབས་པ་སྟེ། དེ་ལྟ་བས་ན་དགེ་སློང་དག་གིས་སྤུ་རིང་པོ་ལས་ཆོས་གོས་གསུམ་དུ་བྱིན་གྱིས་བརླབ་པར་མི་
D7a.013.0113b03.01གནང་བར་དགོངས་ནས་བཀའ་སྩལ་པ། དགེ་སློང་དག་དགེ་སློང་རྣམས་ཉེས་པ་ངོར་བརྗོད་པ་ནི་ཡུས་ཏེ། ཉེས་པའི་དམིགས་སུ་གྱུར་པ་དེ་ནི་སྤུ་རིང་པོ་ལས་ཆོས་གོས་གསུམ་དུ་བྱིན་གྱིས་བརླབས་པ་སྟེ། དེ་ལྟ་བས་ན་དགེ་སློང་དག་སྤུ་རིང་པོ་ལས་ཆོས་གོས་གསུམ་
D7a.013.0113b04.01བྱིན་གྱིས་མ་བརླབ་ཤིག །དེ་སྟེ་བྱིན་གྱིས་བརླབས་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་དགེ་སློང་དག་སྤུ་རིང་པོ་ལས་ཆོས་གོས་གསུམ་དུ་བྱིན་གྱིས་མ་བརླབ་ཤིག་ཅེས་གསུངས་པ་དང་། དད་པའི་བྲམ་ཟེ་དང་ཁྱིམ་བདག་གིས་ལ་བ་དང་ཕྲུག་
D7a.013.0113b05.01སྟན་དང་བེའུ་རས་དག་ཕུལ་བ་དང་། དགེ་སློང་དག་ཐེ་ཚོམ་སྐྱེས་ནས་མ་བླངས་པ་དང་། དེས་འཕགས་པ་དག་ནམ་སངས་རྒྱས་བཅོམ་ལྡན་འདས་འཇིག་རྟེན་དུ་མི་འབྱུང་བའི་ཚེ་ན་ནི་མུ་སྟེགས་ཅན་དག་ཡོན་གནས་ལགས་ན། ད་ནི་སངས་རྒྱས་བཅོམ་ལྡན་འདས་འཇིག་
D7a.013.0113b06.01རྟེན་དུ་བྱུང་བས་ཁྱེད་ཅག་ཡོན་གནས་ཡིན་ཏེ། ད་ཁྱེད་ཀྱིས་མ་བླངས་ན་བདག་ཅག་གི་དགེ་བའི་ཟོང་མེད་བཞིན་དུ་འཇིག་རྟེན་ཕ་རོལ་དུ་ཇི་ལྟར་འགྲོ་ཞེས་སྨྲས་པ་དང་། དེ་དག་ཅང་མི་ཟེར་བར་གྱུར་ཏོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་
D7a.013.0113b07.01