完整藏文原文 · 德格版页 当前仅加载第 13 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
སེན་མོའི་མཆོད་རྟེན་གྱི་ཕྱག་དར་བྱས་ཏེ་མར་མེའི་ཕྲེང་བ་དག་ཕུལ་ལོ། །ཇི་ཙམ་ན་མ་སྐྱེས་དགྲ་ཁང་སྟེང་དུ་བྱུང་སྟེ་བལྟས་པ་དང་སྣང་བ་ཆེན་པོ་བྱུང་བ་མཐོང་ནས་མ་བི་ཅི་ཞིག་ཅེས་དྲིས་པ་དང་། གཞན་ཞིག་གིས་དཔལ་གྱི་བློ་གྲོས་མས་དབུ་སྐྲ་དང་སེན་མོའི་མཆོད་རྟེན་
D7a.013.0116b01.01ལ་ཞུགས་མར་གྱི་ཕྲེང་བ་ཕུལ་ལོ་ཞེས་སྨྲས་པ་དང་། དཔལ་གྱི་བློ་གྲོས་མ་བོས་ནས་ཅིའི་ཕྱིར་རྒྱལ་པོའི་ཁྲིམས་ལས་འགལ་བར་བྱ་ཞེས་སྨྲས་པ་དང་། བཙུན་མོས་ཁོ་མོས་རྒྱལ་པོའི་ཁྲིམས་དང་འགལ་མོད་ཀྱི། འོན་ཀྱང་ཁོ་མོས་ཆོས་ཀྱི་རྒྱལ་པོ་གཟུགས་ཅན་སྙིང་པོའི་ཁྲིམས་
D7a.013.0116b02.01ལས་མ་འགལ་ལོ་ཞེས་སྨྲས་པ་དང་། དེ་ཁྲོས་ཏེ་འཁོར་ལོ་འཕངས་ནས་དེ་འཚོ་བ་དང་ཕྲལ་བ་དང་། དེ་བཅོམ་ལྡན་འདས་ལ་སེམས་མངོན་པར་དད་བཞིན་དུ་དུས་ལས་འདས་པ་དང་། སུམ་བཅུ་རྩ་གསུམ་གྱི་ལྷའི་གནས་བཟང་པོར་སྐྱེས་སོ། །དེའི་ཚེ་ན་ལྷ་རྣམས་
D7a.013.0116b03.01འདུན་སར་འདུས་སོ། །དེ་ནས་ལྷའི་བུ་མོ་དཔལ་གྱི་བློ་གྲོས་མ་དཔག་ཚད་ཁོ་ར་ཁོར་ཡུག་ཏུ་སྣང་བའི་འོད་ཀྱིས་ལུས་བསྐོར་ནས་ལྷའི་འདུན་སར་སོང་ངོ་། །དེ་ནས་བརྒྱ་བྱིན་ལྷའི་དབང་པོས་དཔག་ཚད་ཁོ་ར་ཁོར་ཡུག་ཏུ་རྒྱ་ཆེར་སྣང་བའི་འོད་མཐོང་ནས་དྲིས་པ། གསེར་
D7a.013.0116b04.01གྱིས་ལུས་ལ་སུ་ཡིས་བསྐུས། །པད་མོ་ཨུཏྤལ་བཞིན་འདྲ་བ། །དཔལ་ལྡན་མི་མཚུངས་ཅི་ལས་བྱུང་། །ཁྱོད་ལས་འདིར་ནི་འོད་བྱུང་བ། །ཅི་ཕྱིར་ཁྱོད་གདོང་པད་མོ་ཁ་འབུས་འདྲ། །ཁྱོད་ནི་གསེར་གྱི་འོད་འདྲ་བ། །ཅི་ཡི་འབྲས་བུ་ལྷ་མོ་བདག་ལ་སྨྲོས། །གང་
D7a.013.0116b05.01གི་ལས་ལ་བྱུང་བ་སྤྱོད། །ལྷ་མོས་སྨྲས་པ། འཇིག་རྟེན་གསུམ་གྱི་མགོན་པོ་ནི། །སྐྱེ་བོ་རྣམས་ཀྱི་མར་མེ་སྟེ། །སངས་རྒྱས་མཆོག་གི་མཚན་མཐོང་བས། །མུན་སེལ་དེ་ལ་མར་མེ་ཕུལ། །ཉོན་མོངས་མུན་པ་སེལ་ལ་ཕུལ། །ཟླ་བའི་འོད་ཟེར་འདྲ་བའི་འོད་
D7a.013.0116b06.01མཐོང་ནས། །ཐུབ་པ་གསལ་བའི་དངོས་པོ་སྟེ། །སྟོན་པའི་འོད་མཐུ་མཐོང་བས་ན། །གསུང་བ་མཆོག་ལ་ཕྱག་བྱས་པས། །དེ་ཡི་ལས་ཀྱིས་འདིར་སྐྱེས་ཏེ། །བདག་ལ་རབ་ཏུ་གསལ་ཞིང་མཛེས། །བདག་གདོང་བལྟ་ན་སྡུག་པ་ནི། །པད་མོ་ཟླ་བཞིན་རྣམ་
D7a.013.0116b07.01