完整藏文原文 · 德格版页 当前仅加载第 13 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
ཡངས་པ་ཅན་ན་བཞུགས་ཏེ། དགེ་སློང་དག་ནགས་ཆེན་པོར་ཉིན་པར་སྤྱོད་དུ་དོང་ངོ་། །དེས་དེར་སྤྲེའུ་ཞིག་བསད་པ་དང་། དགེ་སློང་ཞིག་གིས་ཁྱོད་ལ་ཕས་ཕམ་པའི་ཉེས་པ་བྱུང་ངོ་། །དངོས་པོ་གང་གི་ཕྱིར། མིའི་འཚོ་བ་དང་བྲལ་བ་དང་། མི་དང་འདྲ་བ་འདི་གཉིས་ལ་བྱེ་
D7a.013.0013a01.01བྲག་ཅི་ཡོད་ཅེས་སྨྲས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ལྟུང་བར་འགྱུར་རོ། །རྐུན་པོ་བསྡིགས་པ་ཡང་རྒྱས་པར་འདུལ་བ་ལས་ཇི་ལྟར་འབྱུང་བ་བཞིན་ནོ། །མདོར་ན། མགོ་
D7a.013.0013a02.01ལྡན་སྔོན་གྱི་སྨན་པ་དང་། །འགེགས་ཏེ་ཤི་བར་གྱུར་པ་དང་། །གྲོང་ཁྱེར་ཡངས་པ་ཅན་གནས་དང་། །འགེག་ཐག་ཆད་དང་བརྒྱུགས་པའོ། །མཉན་དུ་ཡོད་པ་ན་ཁྱིམ་བདག་གཞན་ཞིག་ལས་བུ་ཁྱེའུ་ཞིག་བཙས་ཏེ་ཆེན་པོར་གྱུར་པ་དང་། མགོ་བོས་སོ་ཕག་
D7a.013.0013a03.01བསྲེགས་པ་ཚོགས་པས་དེའི་མིང་མགོ་ལྡན་དུ་བཏགས་སོ། །དེ་ཇི་ཙམ་ན་རབ་ཏུ་བྱུང་ནས་དེ་དོན་ཅིག་ལ་གྲོང་དུ་ཞུགས་པ་དང་། ཁྱིམ་བདག་གཞན་ཞིག་གི་ཆུང་མ་ཞིག་ཀྱང་ཁྱེའུ་ཞིག་ཁྲིད་དེ་རྗེས་བཞིན་དུ་འོངས་ནས་དེ་ཡང་གློ་གཡས་གཡོན་ལྟ་ཞིང་སོང་ངོ་། །དེ་ལ་ལུག་
D7a.013.0013a04.01ཐུག་ཅིག་གིས་སྙོགས་པ་དང་དགེ་སློང་དེས་ཀྱང་མགོ་བོ་བཏུད་དེ་སོང་བ་ལས་དེས་ཀྱང་བདག་ལ་བརྡུངས་པར་ཤེས་ནས་ལུག་ཐུག་དེས་དེ་ལ་བརྡུངས་པ་དང་། དགེ་སློང་དེ་ཁྱེའུའི་སྟེང་དུ་འགྱེལ་ནས་ཁྱེའུ་དུས་ལས་འདས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་
D7a.013.0013a05.01འདས་ཀྱིས་བཀའ་སྩལ་པ། ཉེས་པ་ནི་མེད་དེ། དགེ་སློང་སྤྱོད་ལམ་དེ་ལྟ་བུར་མ་འགྲོ་བར་གཉའ་ཤིང་སྲིད་དུ་ལྟོས་ཤིག །སྔོན་སྨན་པ་ལས་རབ་ཏུ་བྱུང་བ་གཞན་ཞིག་གིས་དགེ་སློང་ནད་པ་ཞིག་གི་དྲུང་དུ་འོངས་པ་དང་། དེས་དེ་ལ་གཏར་ཁ་ཐོབ་ཤིག་ཅེས་སྨྲས་ནས། དེས་
D7a.013.0013a06.01ཀྱང་དེ་ལ་གཙགས་བུ་ཅིག་བཏབ་སྟེ། གཙགས་བུ་དེ་སླར་ཕྱུང་བ་དང་། དགེ་སློང་དེ་དུས་ལས་འདས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་ནི་མེད་དེ། ཕྱིན་ཆད་དགེ་སློང་དག་མ་བསླབས་པར་སྨན་དཔྱད་མ་
D7a.013.0013a07.01