完整藏文原文 · 德格版页 当前仅加载第 13 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
བགྱི། ཨུ་པཱ་ལི་དེ་ནི་མི་སྤྱོད་པ་ནི་སྤྱོད་དགེ་སློང་གི་བསླབ་པ་ལ་མི་སློབ་པའོ། །ཨུ་པཱ་ལི་དེ་ཙམ་གྱིས་ན་ཚུལ་བཞིན་ལ་མི་གནས་པར་གྱུར་པ་ཞེས་བྱའོ། །བཙུན་པ་ཇི་ཙམ་གྱིས་ན་བསླབ་པ་སྩལ་བར་གྱུར་པ་ཞེས་བགྱི། ཨུ་པཱ་ལི་དེ་ནི་དགེ་སློང་ལ་དགེ་འདུན་གྱིས་གསོལ་བ་
D7a.013.0181b01.01དང་བཞིའི་ལས་ཀྱིས་ནམ་འཚོའི་བར་དུ་བསླབ་པ་བྱིན་པར་གྱུར་པ་སྟེ། ཨུ་པཱ་ལི་དེ་ལྟ་བུ་ནི་བསླབ་པ་བྱིན་པར་གྱུར་པའོ། །ཡང་གསོལ་པ། བཙུན་པ་ཇི་ཙམ་གྱིས་ན་གང་ཟག་གིས་སླར་བཟློག་པ་ལ་བརྩན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཨུ་པཱ་ལི་རྣམ་པ་གསུམ་
D7a.013.0181b02.01སྟེ། ཚུལ་བཞིན་ལ་གནས་པ་དང་། ཚིག་བརྟན་པ་དང་། སྤྱོད་ལམ་ལས་མ་གལ་བའོ། །རྐྱང་པའི་སྒོ་གསུམ་པའི་མདོའི་ཚིགས་སུ་བཅད་པ་གཉིས་པའོ།། །།མདོར་ན། གང་གི་ཕྱིར་ནི་བྱ་བ་དང་། །གང་ཟག་ཀྱང་ནི་བཅུ་གཉིས་ནི། །བསྙེན་པར་རྫོགས་པར་བྱེད་པ་དང་། །
D7a.013.0181b03.01ཁྱིམ་པ་ཡིན་པར་ཁས་བླངས་པའོ། །སངས་རྒྱས་བཅོམ་ལྡན་འདས་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བཅོམ་ལྡན་འདས་ཀྱིས་གང་ལ་ལས་བྱ་བ་དེའི་སླར་བཟློག་
D7a.013.0181b04.01པ་མི་བརྩན་ནོ་ཞེས་བཀའ་སྩལ་ན། བཙུན་པ་གང་ཟག་བཅུ་གཉིས་སོ་སོར་བསྒོ་བའི་ཚེ་དེ་དག་འདི་སྐད་དུ་མཆི་སྟེ། ཚེ་དང་ལྡན་པ་དག་ངེད་ཅག་ལ་ནི་མ་སྒོ་ཤིག་ཅེས་མཆི་ན་ཅི་དེ་དག་གིས་སླར་བཟློག་པ་ཡང་མི་བརྩན་ནམ། ཨུ་པཱ་ལི་བརྩན་ནོ། །དེའི་ཆད་པའི་ལས་ལ་ངས་དགོངས་ཏེ་
D7a.013.0181b05.01གསུངས་སོ། །བཙུན་པ་བསྙེན་པར་རྫོགས་པར་བགྱིད་པ་ཁྱིམ་པ་ལགས་པར་ཁས་བླངས་ན་བསྙེན་པར་རྫོགས་པ་ཞེས་བགྱིའམ་བསྙེན་པར་མ་རྫོགས་པ་ཞེས་བགྱི། ཨུ་པཱ་ལི་བསྙེན་པར་རྫོགས་པར་ཟིན་ཀྱང་ཁྱིམ་པ་ཡིན་པར་ཁས་བླངས་ན། དེ་ཡང་བསྙེན་པར་མ་རྫོགས་
D7a.013.0181b06.01པ་ཞེས་བྱ་ན་བསྙེན་པར་རྫོགས་པར་བྱེད་པའི་ཚེ་ལྟ་སྨོས་ཀྱང་ཅི་དགོས། རྐྱང་པའི་སྒོ་གསུམ་པའི་མདོའི་ཚིགས་སུ་བཅད་པ་གསུམ་པའོ།། །།མདོར་ན། ཚིལ་བུ་དག་ནི་མི་རུང་བ། །ལྔ་པོ་གང་གིས་རྐང་མི་བསྐུ། །དབང་ཕྱུག་བསྒྲག་པར་བྱ་བ་དང་། །ཞིང་གི་དངོས་པོ་དགེ་
D7a.013.0181b07.01