完整藏文原文 · 德格版页 当前仅加载第 13 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
བཟའ་བ་བཏུང་བ་དང་། །བགོ་བ་མལ་སྟན་དེ་བཞིན་ཏེ། །དེ་གཉིས་ཕ་དང་མ་གཉིས་ལ། །མཁས་པས་བསྙེན་བཀུར་བཅས་བྱེད་ན། །འདིར་ནི་མནར་བར་མི་འགྱུར་ཏེ། །སོང་ནས་མཐོ་རིས་དགའ་བར་འགྱུར། །གང་གི་ཚེ་བཅོམ་ལྡན་འདས་ཀྱིས་མདོ་སྡེ་གསུངས་པ་
D7a.013.0104b01.01དེའི་ཚེ་ན་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ཕ་དང་མ་དང་། བླ་མ་ལ་ནི་རིམ་གྲོ་བགྱིད་པའི་ཡོན་ཏན་བརྗོད་པ་ནི་ངོ་མཚར་ཆེའོ་ཞེས་ཞུས་པ་དང་། བཅོམ་ལྡན་འདས་ཀྱིས་
D7a.013.0104b02.01བཀའ་སྩལ་པ། དགེ་སློང་དག་འདི་ལ་ཅི་ཞིག་ངོ་མཚར་ཆེར་ཡོད། ད་ལྟར་དེ་བཞིན་གཤེགས་པ་འདོད་ཆགས་མེད། ཞེ་སྡང་མེད། གཏི་མུག་མེད། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་
D7a.013.0104b03.01བ་དང་། ཡིད་མི་དགའ་བ་དང་། འཁྲུག་པ་རྣམས་མེད་བཞིན་དུ་ཕ་མ་ལ་རིམ་གྲོ་བྱ་བའི་ཡོན་ཏན་བརྗོད་པ་པས་སྔོན་འདས་པའི་དུས་ན་ང་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་
D7a.013.0104b04.01ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་དགའ་བ་དང་། འཁྲུག་པ་རྣམས་ལས་ཡོངས་སུ་མ་གྲོལ་བ་ན་ཡང་མ་ལ་གནོད་པ་ཅུང་ཟད་ཞིག་བྱས་ནས་སྡུག་བསྔལ་ཆེན་པོ་རྗེས་སུ་མྱོང་ངོ་། །ཕན་པ་ཅུང་ཟད་ཞིག་བྱས་ནས་ཀྱང་བདེ་བ་ཆེན་པོ་རྗེས་
D7a.013.0104b05.01སུ་མྱོང་བར་གྱུར་ཏེ། དེ་དག་ལེགས་པར་ཤིན་ཏུ་ཡིད་ལ་བྱོས་ཤིག་དང་བཤད་པར་བྱའོ། །སྔོན་བྱུང་བ་ནི་དགེ་སློང་དག་སྔོན་འདས་པའི་དུས་ན་གྲོང་ཁྱེར་བཱ་རཱ་ཎ་སཱི་ན་དེད་དཔོན་མཛའ་བོ་ཞེས་བྱ་བ་ཕྱུག་ཅིང་ནོར་མང་ལ་ལོངས་སྤྱོད་ཆེ་བ། གནས་རྒྱ་ཆེ་ཞིང་ཡངས་པ་ཞིག་སྟེ།
D7a.013.0104b06.01ངལ་བསོ་པོའི་ནོར་དང་འདྲ་བ། ངལ་བསོ་པོའི་ནོར་ལ་འགྲན་པ་ཞིག་ཡོད་དེ། དེས་རིགས་མཉམ་པའི་ཆུང་མ་ཞིག་བླངས་ནས། དེ་དེ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་དོ། །དེ་ལ་རྩེ་དགའ་ཡོངས་སུ་སྤྱད་པ་ལས་བུ་ཕོ་རྣམས་བྱུང་ཡང་ཤི་ནས་དེ་བུ་མེད་དེ་བུ་
D7a.013.0104b07.01