完整藏文原文 · 德格版页 当前仅加载第 13 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་བདག་མེ་སྐྱེས་ཀྱི་ཁྱིམ་དུ་ཕྱིན་པ་དང་། ཁྱིམ་བདག་མེ་སྐྱེས་ཀྱི་སྒོའི་ཐེམ་པ་ལ་རྐང་པ་བཞག་སྟེ་རྟ་གད་དུ་བགད་པ་དང་། དེའི་ནང་ནས་གཅེར་བུ་པ་གཅིག་ཅིག་གིས་རྐང་པ་ལ་བཏུད་དེ་བཅོམ་ལྡན་འདས་སྐྱེས་བུ་དམ་པ་ཁྱོད་ལྟ་བུ་རྒྱུ་མེད་རྐྱེན་མེད་པར་འཛུམ་པ་མི་མཛད་དོ་ཞེས་དྲིས་
D7a.013.0169b01.01པ་དང་། ཀྱེ་ཆུ་བོ་དྲེགས་བྲལ་གྱི་འགྲམ་ན་སྤྲེའུ་ཕོ་ཞིག་གིས་སྤྲེའུ་མོ་ཞིག་མཐོང་ནས་དེ་ལ་སེམས་རབ་ཏུ་ཆགས་ཏེ་སྤྲེའུ་མོ་དེ་ལ་རྒལ་ལོ་སྙམ་ནས་བརྒྱུགས་པ་དང་གྲེད་དེ་ཤིང་གི་རྩེ་མོ་ནས་རྡེག་འཆོས་ནས་དུས་འདས་སོ། །དེའི་ཚེ་ང་འདི་སྙམ་དུ་སེམས་ཏེ། སེམས་ཅན་འདི་ནི་འདོད་
D7a.013.0169b02.01པའི་རྒྱུས་སྡུག་བསྔལ་བ་ཆེར་གྱུར་ཏོ་སྙམ་མོ། །དེ་སྐད་དུ་ཁ་ནས་བྱུང་མ་ཐག་ཏུ་ཁྱིམ་བདག་མེ་སྐྱེས་ཀྱིས་ཐོས་ནས་དེས་བསམས་པ། བུ་ཟན་མོའི་བུ་གང་པོ་ནི་ཁབ་འཚོང་བ་སླར་ཁབ་རྡུང་བའི་ཁྱིམ་དུ་ཁབ་འཚོང་བར་སེམས་པ་བཞིན་ཏེ། ཇི་ནས་འདི་ལ་ཀྱལ་ཀ་ཞིག་བྱའོ་སྙམ་ནས་
D7a.013.0169b03.01དེ་དག་དབྱུག་གུ་ཅན་མང་པོ་ཐམས་ཅད་བདེ་བར་འདུག་པ་དང་། ཁྱིམ་བདག་དེས་གཙང་ཞིང་བསོད་པའི་བཅའ་བ་དང་བཟའ་བས་ཕོར་པ་བཀང་ནས་སྟེང་དུ་ཚོད་མ་བླུགས་ཏེ་བྱིན་ནོ། །གང་པོ་གཅིག་པོ་ལ་ནི་ཕོར་པའི་ཞབས་སུ་ཚོད་མ་བླུགས་ནས་སྟེང་དུ་འབྲས་ཆན་གྱིས་གཡོགས་ཏེ་བྱིན་
D7a.013.0169b04.01ནོ། །གཅེར་བུ་པ་ཕལ་དག་ཟ་ཞིང་འདུག་པ་དང་གང་པོས་བསམས་པ། གོར་མ་ཆག་པར་དེས་ནི་ང་ལ་སྟོན་པར་དམིགས་ཏེ། དེས་ཚོད་མ་ཞིམ་པོ་དང་ཁ་ཟས་བཟང་པོ་སྦྱིན་པར་བསམས་སོ་སྙམ་ནས་ཇི་ཙམ་ཚོད་མ་བྲིམས་ཟིན་པ་དང་། དེས་བསམས་པ། དེ་ནི་བྲེལ་བས་
D7a.013.0169b05.01བརྗེད་ཀྱིས་བདག་གིས་བསྐུལ་ལོ་སྙམ་ནས་དེས་བོས་ནས་ཁྱིམ་བདག་ང་ལ་ནི་འབྲས་ཆན་འབའ་ཞིག་འོངས་ཀྱིས་ཚོད་མ་ནི་མེད་དོ་ཞེས་སྨྲས་པ་དང་། དེས་སླར་ཚིགས་སུ་བཅད་དེ་སྨྲས་པ། མི་མཐོང་བ་ནི་མཐོང་བར་བྱེད། །མཐོང་བར་བྱ་བ་མི་མཐོང་སྟེ། །དྲེགས་བྲལ་འགྲམ་
D7a.013.0169b06.01གྱི་སྤྲེའུ་མཐོང་ལ། །ཕོར་བུའི་ནང་གི་ཚོད་མ་མིན། །གང་པོ་ཡང་དེའི་གདོང་བལྟས་པ་དང་། དེས་ཕོར་བུའི་ཞབས་ན་ཚོད་མ་འདུག་པ་བསྟན་ཏེ། གང་པོ་ཁྱོད་ཀྱིས་ཆུ་བོ་དྲེགས་བྲལ་གྱི་འགྲམ་ན་སྤྲེའུ་འདུག་པ་ནི་མཐོང་། ཕོར་བུའི་ནང་ན་ཚོད་མ་འདུག་པ་ནི་མ་མཐོང་ངོ་ཞེས་སྨྲས་
D7a.013.0169b07.01