完整藏文原文 · 德格版页 当前仅加载第 13 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་མིང་འདི་ཞེས་བགྱི་བ་ཡང་གསོ་སྦྱིན་གྱི་ཕྱིར་ཡོངས་སུ་དག་པ་དབུལ་གྱིས། གང་གི་ཕྱིར་ཚེ་དང་ལྡན་པས་དད་པ་འབུལ་བའི་ཚེ་ལོང་ལ་ཡོངས་སུ་དག་པར་བརྗོད་ཅིག་བརྗོད་པས་ན་གོ་བར་འགྱུར་རོ་ཞེས་དེ་ལྟར་ལན་གཉིས་ལན་གསུམ་དུ་སྨྲོས་ཤིག །དེས་ཀྱང་རིགས་སོ་ཞེས་སྨྲོས་
D7a.013.0261b01.01ཤིག །གཉིས་པས་ནི་ལེགས་སོ་ཞེས་བྱའོ། །དེ་སྟེ་དེ་ལྟར་དབུལ་ནུས་ན་ནི་ལེགས། མི་ནུས་ན་འདུག་སྟེ་དབུལ་བར་བྱའོ། །འདུག་སྟེའང་མི་ནུས་ན་ཉལ་ཏེ་དབུལ་བར་བྱའོ། །ཉལ་ཏེའང་མི་ནུས་ན་ཆུང་ངུ་ན་འདི་སྐད་ཡོངས་སུ་དག་པ་སྦྱིན་ནོ་ཞེས་སྨྲས་ན་ཡོངས་སུ་དག་པ་
D7a.013.0261b02.01ཕུལ་བ་ཞེས་བྱའོ། །བདག་གིས་ཡོངས་སུ་དག་པ་རྗོད་ཅིག་ཅེས་ཟེར་ན་ཡང་ཡོངས་སུ་དག་པ་ཕུལ་བ་ཞེས་བྱའོ། །ཚིག་གིས་མི་ནུས་ཏེ་ལུས་ཀྱི་དམིགས་པས་ཕུལ་ན་ཡང་ཡོངས་སུ་དག་པ་དབུལ་བ་ཞེས་བྱའོ། །ལུས་ཀྱིས་མི་ནུས་ཏེ་ཚིག་གིས་བརྡ་བྱས་ན་ཡོངས་སུ་
D7a.013.0261b03.01དག་པ་ཕུལ་བ་ཞེས་བྱའོ། །ལུས་དང་ངག་གཉི་གས་བརྡ་བྱས་ན་ཡང་ཡོངས་སུ་དག་པ་ཕུལ་བ་ཞེས་བྱའོ། །ལུས་དང་ངག་གིས་བརྡ་བྱེད་མི་ནུས་ན་དགེ་འདུན་ཐམས་ཅད་དེར་དེང་ཤིག །ཡང་ན་དགེ་སློང་དེ་ཚུར་ཁུག་ཤིག །དགེ་འདུན་ཐམས་ཅད་ཀྱང་དེར་མ་དོང་ལ་དགེ་སློང་
D7a.013.0261b04.01ཡང་དེར་མ་བཀུག་ན་ལས་མ་འདུས་པར་བྱས་པ་སྟེ། དགེ་འདུན་རྣམས་ཀྱང་འདས་པ་དང་བཅས་པར་འགྱུར་རོ། །ཡོངས་སུ་དག་པ་ལེན་པའི་དགེ་སློང་གིས་ཡོངས་སུ་དག་པ་བླངས་པ་ལས་དེ་ཉིད་དུ་དུས་འདས་ཏེ་ཤི་ན་ཡོངས་སུ་དག་པ་མ་ཕུལ་བ་ཞེས་བྱ་སྟེ། གཞན་ལ་ཡོངས་སུ་
D7a.013.0261b05.01དག་པ་དབུལ་བར་བྱའོ། །ཁྱིམ་པ་ཡིན་པར་བདག་ཉིད་ཀྱིས་ཁས་བླངས་ནའང་ཡོངས་སུ་དག་པ་མ་ཕུལ་བ་ཞེས་བྱ་སྟེ། གཞན་ལ་ཡོངས་སུ་དག་པ་དབུལ་བར་བྱའོ། །དགེ་ཚུལ་ཕའམ། མ་ནིང་ངམ། དགེ་སློང་མ་སུན་ཕྱུང་བ་ཞེས་བྱ་བ་ནས། འགྲོ་བ་གཞན་དུ་གནས་
D7a.013.0261b06.01པའི་བར་སྔ་མ་བཞིན་ཏེ། བདག་ཉིད་ཀྱིས་ཁས་བླངས་ན་ཡང་ཡོངས་སུ་དག་པ་མ་ཕུལ་བ་ཞེས་བྱ་སྟེ། ཡོངས་སུ་དག་པ་གཞན་ལས་དབུལ་བར་བྱའོ། །དེ་སྟེ་མ་ནིང་ཡིན་པར་བདག་ཉིད་ཀྱིས་ཁས་བླངས་ན་ཡང་ཡོངས་སུ་དག་པ་མ་ཕུལ་བ་ཞེས་བྱའོ། །དགེ་འདུན་ཕྱེ་བའམ།
D7a.013.0261b07.01