完整藏文原文 · 德格版页 当前仅加载第 13 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་ལྗོངས་རྒྱུ་བ་སྤྱོད་པ་ན་རི་བྲགས་ཀྱི་གྲོང་དེར་ཕྱིན་ནས་དེ་དག་ཀྱང་དེར་ཟན་ཟོས་པ་དང་། བཅོམ་ལྡན་འདས་འཁོར་བརྒྱ་ཕྲག་ཕྱེད་དང་བཅུ་གསུམ་དང་ལྷན་ཅིག་ཏུ་བཤོས་གསོལ་ནས། ཁྱིམ་བདག་དེས་རས་ཡུག་བརྒྱ་ཕྲག་ཕྱེད་དང་བཅུ་གསུམ་ཞིག་རྒན་
D7a.013.0167a01.01རིམས་ཀྱི་མདུན་དུ་བཞག་གོ། །དགེ་སློང་དག་གིས་ཇི་ལྟར་བགོ་བ་མི་ཤེས་ནས་དགེ་སློང་མ་དག་གིས་དེ་ལ་གཞན་བྱར་ཅི་ཡོད། སྔོན་ཡང་དགེ་འདུན་སྡེ་གཉིས་བཤོས་གསོལ་བ་ལས་བདག་ཅག་གིས་རྙེད་པའི་ཕྱེད་ཐོབ་ན་ད་ཡང་བདག་ཅག་ལ་རྙེད་པའི་ཕྱེད་བྱིན་ཅིག་ཅེས་སྨྲས་
D7a.013.0167a02.01སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་དུ་དགེ་སློང་མ་མང་ལ་དགེ་སློང་ཕ་ཉུང་ན་དེར་རྙེད་པ་དགེ་འདུན་གཉི་གར་བགོས་ཤིག །གང་ན་དགེ་སློང་ཕ་མང་ལ་དགེ་སློང་མ་ཉུང་ན་དེར་མགོ་གྲངས་
D7a.013.0167a03.01བཞིན་དུ་བགོས་ཤིག །གླེང་གཞི་ནི་མཉན་དུ་ཡོད་པ་ན་སྟེ། ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་དག་བཤོས་ལ་སྤྱན་དྲངས་སོ། །དགེ་སློང་གི་དགེ་འདུན་དག་ནི་དོང་། བཅོམ་ལྡན་འདས་ནི་གཙུག་ལག་ཁང་ན་བཞུགས་ཏེ་བཤོས་ཚུར་
D7a.013.0167a04.01མནོས་སོ། །རྣམ་པ་ལྔའི་ཕྱིར་སངས་རྒྱས་བཅོམ་ལྡན་འདས་གཙུག་ལག་ཁང་ན་བཞུགས་ཤིང་བཤོས་མནོས་ཏེ་གསོལ་ལོ། །ལྔ་གང་ཞེ་ན། ལྷ་རྣམས་ལ་ཆོས་འཆད་པར་བཞེད་པ་ཡིན། ནད་པ་དག་གཟིགས་པར་བཞེད་པ་ཡིན། མལ་སྟན་དག་གཟིགས་པར་
D7a.013.0167a05.01བཞེད་པ་ཡིན། ནང་དུ་ཡང་དག་འཇོག་ལ་འཇུག་པར་བཞེད་པ་ཡིན། ཉན་ཐོས་རྣམས་ཀྱི་འདུལ་བ་ལ་བསླབ་པའི་གནས་འཆའ་བར་བཞེད་པ་ཡིན་ནོ། །དོན་འདི་ནི་བཅོམ་ལྡན་འདས་ཀྱིས་ཉན་ཐོས་རྣམས་ཀྱི་འདུལ་བ་ལ་བསླབ་པའི་གནས་བཅའ་བར་བཞེད་པའི་ཕྱིར་གཙུག་
D7a.013.0167a06.01ལག་ཁང་ན་བཞུགས་ཤིང་བཤོས་མནོས་ཏེ་གསོལ་ལོ། །ཁྱིམ་བདག་དེ་རྒན་པ་དག་ལ་མངོན་པར་དད་ནས་དེར་རྒན་རིམས་སུ་མར་དང་། མར་ལས་བཙོས་པའི་བཅའ་བ་རྣམས་བྲིམས། བར་མ་དག་ལ་ནི་འབྲུ་མར་དང་འབྲུ་མར་ལས་བཙོས་པའི་བཅའ་བ་དག་བྲིམས།
D7a.013.0167a07.01