完整藏文原文 · 德格版页 当前仅加载第 13 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག །དེ་ལྟར་མ་བྱས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ནས་མི་རིང་བ་ཞིག་ན་རི་བྲགས་ཀྱི་གྲོང་ཞིག་ཡོད་དེ། རི་བྲགས་ཀྱི་གྲོང་དེ་ན་གཙུག་ལག་ཁང་ཞིག་ཡོད་པ་དེའི་ནང་ན་རྒན་
D7a.013.0113a01.01ཞུགས་གཞན་ཞིག་གནས་ཏེ། དེ་ནས་དུས་ཕྱི་ཞིག་ན་མཆོད་རྟེན་ལ་ཕྱག་འཚལ་བའི་ཕྱིར་མཉན་དུ་ཡོད་པར་སོང་ངོ་། །དྲུག་སྡེ་རྣམས་ནི་ཆོས་ཀྱིས་ཀྱང་དྲུག་སྡེའི་ནང་ན་གཅིག་གིས་ནི་ཛེ་ཏའི་ཚལ་གྱི་སྒོ་སྲུང་བས་ན་ཚེ་དང་ལྡན་པ་ཉེ་དགའ་བོ་སྒོ་ན་འདུག་པ་དེས་མགོ་
D7a.013.0113a02.01དཀར་ལ་སྨིན་མ་རིང་བ་ཞིག་རྒྱང་རིང་པོ་ནས་འོང་བ་མཐོང་ནས་དེས་བསམས་པ། དགེ་སློང་གནས་བརྟན་གང་ཞིག་འདིར་འོང་བསུར་འགྲོའམ་སྙམ་བསམས་ཏེ། དེ་སྔར་སོང་བ་དང་། དེས་གནས་བརྟན་བདེ་བར་འོངས་སམ་ཞེས་སྨྲས་སོ། །དེས་སློབ་དཔོན་ཕྱག་
D7a.013.0113a03.01འཚལ་ལོ། །ཕྱག་འཚལ་ལོ་ཞེས་སྨྲས་པ་དང་། ཚེ་དང་ལྡན་པ་ཉེ་དགའ་བོས་བསམས་པ། རྒན་ཞུགས་འདིས་སློབ་དཔོན་ཡང་མི་ཤེས། མཁན་པོ་ཡང་མི་ཤེས་པར་རིག་ནས་དེས་རྒན་ཞུགས་ཚུར་ཤོག །གཙུག་ལག་ཁང་དུ་འདོང་ངོ་ཞེས་སྨྲས་སོ། །དེས་
D7a.013.0113a04.01གཙུག་ལག་ཁང་དུ་ཁྲིད་ནས་ངལ་བསོར་བཅུག་པ་དང་། དེ་ཅུང་ཟད་ཅིག་འདུག་ནས་སློབ་དཔོན་བདག་ནི་མཆོད་རྟེན་ལ་ཕྱག་འཚལ་དུ་མཆིའོ་ཞེས་སྨྲས་པ་དང་། ཉེ་དགའ་བོས་སྡོད་ཅིག་དང་འདུ་བའི་དུས་ལ་བབ་པ་དང་བྱའོ་ཞེས་སྨྲས་པ་དང་། དེས་སློབ་དཔོན་
D7a.013.0113a05.01བདག་གིས་ཆོས་གོས་གསུམ་ག་ཡང་ཁྱེར་ཏེ་མ་འོངས་པས་འགྲོའོ་ཞེས་སྨྲས་པ་དང་། ཉེ་དགའ་བོས་རྒན་ཞུགས་སྡོད་ཅིག་དང་། འདིར་ཆོས་གོས་གསུམ་བྱིན་གྱིས་བརླབ་པར་བྱའོ་ཞེས་སྨྲས་ནས། ཇི་ཙམ་ན་འདུས་པར་གྱུར་པ་དང་། དེས་དེ་ལ་པར་ཐང་ནི་མཐང་
D7a.013.0113a06.01གོས་སུ་བྱིན་གྱིས་བརླབས། ལ་བ་ནི་སྟོད་གཡོགས་སུ་བྱིན་གྱིས་བརླབས། བེའུ་རས་ནི་སྦྱར་མར་བྱིན་གྱིས་བརླབས་ཏེ། དེ་ནས་ལ་བ་དང་བེའུ་རས་གཉིས་ཕྲག་པ་ལ་བཞག་ནས་པར་ཐང་གིས་དཀྲིས་པའི་སྟེང་དུ་ཐེ་གུས་དཀྲིས་ཏེ་དམ་དུ་བཅིངས་ནས་དེ་ནས་འདུས་པའི་
D7a.013.0113a07.01