完整藏文原文 · 德格版页 当前仅加载第 13 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
གཏུགས། འདུལ་བ་ལ་ཡང་བལྟས་ན། མདོ་སྡེ་དང་ཡང་མི་མཐུན། འདུལ་བ་ལས་ཀྱང་མི་འབྱུང་། ཆོས་ཉིད་དང་ཡང་འགལ་བས་འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་པས་བསྟན་པ་མ་ཡིན་པར་ཤེས་པར་བྱོས་ལ་བོར་ཅིག་ཅེས་སྒོ་
D7a.013.0035a01.01ཤིག །གཞན་ཡང་དགེ་སློང་དག་ལ་དགེ་སློང་ཞིག་འདི་སྐད་དུ་ཚེ་དང་ལྡན་པ་དག་གནས་འདི་ཞེས་བྱ་བ་ན་གནས་བརྟན་དུ་བཅས་སོ་སོར་ཐར་པ་བཅས་པའི་དགེ་སློང་གི་དགེ་འདུན་ཆེན་པོ་དག་གནས་ཏེ། ཚེ་དང་ལྡན་པ་ཁོ་བོས་ནི་དགེ་སློང་གི་དགེ་འདུན་དེ་དག་ལས་མངོན་སུམ་དུ་
D7a.013.0035a02.01ཐོས། མངོན་སུམ་དུ་བླངས་པས་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་ཟེར་ན། དགེ་སློང་དེས་དེ་ལ་སྤྲོ་བ་དང་། སྨད་པར་མི་བྱ་བར་ཚིག་དང་དོན་དང་འབྲུ་རྣམས་ཟུང་ལ་མདོ་སྡེ་དང་གཏུགས་ཤིང་། འདུལ་བ་ལ་ལྟོས་ཤིག །དེ་སྟེ་
D7a.013.0035a03.01མདོ་སྡེ་དང་གཏུགས། འདུལ་བ་ལ་བལྟས་ཀྱང་། མདོ་སྡེ་དང་ཡང་མི་མཐུན། འདུལ་བ་ལས་ཀྱང་མི་འབྱུང་ལ། ཆོས་ཉིད་དང་འགལ་ན། དགེ་སློང་དེ་ལ་འདི་སྐད་དུ་ཚེ་དང་ལྡན་པ་ཁྱོད་ཀྱིས་གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་སློང་གི་
D7a.013.0035a04.01དགེ་འདུན་གྱི་ཆོས་སུ་འདུ་ཤེས། འདུལ་བར་འདུ་ཤེས་ཏེ་ཆོས་མ་ཡིན་འདུལ་བ་མ་ཡིན་པ་སྨྲས་སོ། །ཡང་ན་ཚེ་དང་ལྡན་པ་ཉིད་ཀྱིས་ཆོས་འདི་ལ་ལོག་པར་བཟུང་ངོ་། །དེ་ལྟ་བས་ན་ཆོས་འདི་དག་ནི་མདོ་སྡེ་དང་ཡང་གཏུགས། འདུལ་བ་ལ་ཡང་བལྟས་ན་མདོ་སྡེ་དང་ཡང་
D7a.013.0035a05.01མི་མཐུན། འདུལ་བ་ལས་ཀྱང་མི་འབྱུང་ལ་ཆོས་ཉིད་དང་ཡང་འགལ་བས་ན་འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་པས་བསྟན་པ་མ་ཡིན་པར་ཤེས་པར་བྱོས་ལ་བོར་ཅིག་ཅེས་སྒོ་ཤིག །གཞན་ཡང་དགེ་སློང་ཞིག་འདི་སྐད་དུ་དགེ་སློང་དག་གནས་
D7a.013.0035a06.01འདི་ཞེས་བྱ་བ་ན་དགེ་སློང་མདོ་སྡེ་འཛིན་པ། འདུལ་བ་འཛིན་པ། མ་ལྟ་བུ་འཛིན་པ་མང་ཞིག་གནས་ཏེ། ཚེ་དང་ལྡན་པ་དགེ་སློང་དེ་དག་ལ་བདག་གིས་མངོན་སུམ་དུ་ཐོས། མངོན་སུམ་དུ་བླངས་ཏེ། འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་
D7a.013.0035a07.01