完整藏文原文 · 德格版页 当前仅加载第 13 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་གོས་བརྡུང་བའི་ཕྱིར་ཤིང་གི་བརྡུང་གཞི་དང་བརྡུང་ཐོ་གནང་བ་དེ་ནི་བརྡུང་ཤིང་གི་རབ་ཏུ་ལྡན་པ་ཞེས་བྱའོ། །སྐ་རགས་ཀྱི་རབ་ཏུ་ལྡན་པ་གང་ཞེ་ན། སྐ་རགས་ལ་རྣམ་པ་གསུམ་སྟེ། བཅོམ་ལྡན་འདས་ཀྱིས་དགེ་སློང་རྣམས་ལ་འདི་ལྟ་སྟེ། སྐ་རགས་ལྷས་མ་དང་རྒྱ་ཅང་དང་ལྕག་པོད་
D7a.013.0275b01.01རྣམས་གནང་སྟེ། དགེ་སློང་རྣམས་བརྒྱན་པའི་ཕྱིར་སྐ་རགས་ཁྲ་བོ་མ་འཆང་ཤིག །སྐ་རགས་མེད་པར་གྲོང་དུ་མ་འགྲོ་ཤིག །མདུད་པ་གཅིག་བོར་བ་ཡང་གྲོང་དུ་མ་འགྲོ་ཤིག །སོང་ན་ཉེས་བྱས་སུ་འགྱུར་ཏེ། དེ་ནི་སྐ་རགས་ཀྱི་རབ་ཏུ་ལྡན་པ་ཞེས་བྱའོ། །འུ་རྡོའི་རབ་ཏུ་ལྡན་པ་
D7a.013.0275b02.01གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་སྒྲས་རྐུན་པོ་རྣམས་བསྐྲད་པར་བྱ་བའི་ཕྱིར་ནི་འུ་རྡོ་གནང་སྟེ། རྣམ་གྲངས་ཀྱིས་ཀྱང་ཕོག་པར་མི་བྱ་སྟེ། དེ་ནི་འུ་རྡོའི་རབ་ཏུ་ལྡན་པ་ཞེས་བྱའོ། །གོས་དཀྲིས་ཤིང་མདུད་པ་བོར་བའི་རབ་ཏུ་ལྡན་པ་གང་ཞེ་ན། དགེ་སློང་རྣམས་
D7a.013.0275b03.01གོས་དཀྲིས་ཤིང་མདུད་པ་བོར་ཏེ་འགྲོ་བར་མ་བྱེད་ཅིག །ཁང་སྟེང་ན་ལས་བྱེད་པ་ནི་མ་གཏོགས་ཏེ་དེ་ནི་གོས་དཀྲིས་ཤིང་མདུད་པ་བོར་བའི་རབ་ཏུ་ལྡན་པ་ཞེས་བྱའོ། །སའི་རབ་ཏུ་ལྡན་པ་གང་ཞེ་ན། ས་ལ་རྣམ་པ་གཉིས་ཏེ། བཅོམ་ལྡན་འདས་ཀྱིས་དགེ་སློང་རྣམས་ལ་འཆག་པའི་ས་
D7a.013.0275b04.01དང་། ལྷ་ཁང་གི་ས་ནི་རྗེས་སུ་གནང་ངོ་། །དེ་ནི་སའི་རབ་ཏུ་ལྡན་པ་ཞེས་བྱའོ། །སྐྱེད་ཤིང་གི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ལ་དགེ་སློང་དག་གིས་རི་བྱ་རྒོད་འཕུངས་པའི་ཤུལ་དེར་ཤིང་དག་མ་མཆིས་ལ་ནམ་མཁའ་མ་བསྒྲིབས་པས་བྱ་རྒོད་འཕུངས་པའི་རི་ལ་འཛེག་ཅིང་འབབ་
D7a.013.0275b05.01པའི་ཚེ་ཚ་བས་རྨྱ་བར་གྱུར་ཏོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེར་གྲིབ་མར་འགྱུར་བའམ། མེ་ཏོག་དུ་འགྱུར་བའམ། འབྲས་བུར་འགྱུར་བ་དེ་དག་བསྐྱེད་པར་གནང་ངོ་། །དེ་དང་དེ་དག་ཏུ་སྐྱེད་ཤིང་བསྲུང་བའི་ཕྱིར་འོད་མའི་ར་བས་ཀྱང་བསྐོར་བ་དེ་ནི་སྐྱེད་ཤིང་
D7a.013.0275b06.01གི་རབ་ཏུ་ལྡན་པ་ཞེས་བྱའོ། །དངོས་པོའི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་ལྡུམ་རའི་ཕྱིར་ཞིང་རྗེས་སུ་གནང་ངོ་། །ལྡུམ་ར་ནི་བཅོམ་ལྡན་འདས་ཀྱིས་གཙུག་ལག་ཁང་གི་ཕྱིར་རྗེས་སུ་གནང་། ཞིང་གི་དངོས་པོ་དང་ལྡུམ་ར་དང་གཙུག་ལག་ཁང་བཅོམ་
D7a.013.0275b07.01