完整藏文原文 · 德格版页 当前仅加载第 13 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ། དགེ་སློང་དག་རིགས་གང་ན་ཕ་མ་ལ་ཡང་དག་པར་མགུ་བར་བྱེད། ཡང་དག་པར་མཆོད་པར་བྱེད། ཡང་དག་པར་བདེ་བར་སྐྱོང་བར་བྱེད་པའི་རིགས་དེ་ནི་ཚངས་པ་དང་བཅས་པའོ། །དེ་ཅིའི་ཕྱིར་ཞེ་ན། རིགས་ཀྱི་བུ་ཕ་མ་ལ་ཆོས་
D7a.013.0104a01.01བཞིན་བྱེད། ཚུལ་བཞིན་བྱེད་པ་ནི་ཚངས་པ་ཞེས་བྱའོ། །དགེ་སློང་དག་རིགས་གང་ན་ཕ་མ་ལ་ཡང་དག་པར་མགུ་བར་བྱེད། ཡང་དག་པར་མཆོད་པར་བྱེད། ཡང་དག་པར་བདེ་བར་བསྙེན་བཀུར་བྱེད་པ་དེ་ནི་སློབ་དཔོན་དང་བཅས་པའོ། །དེ་ཅིའི་ཕྱིར་
D7a.013.0104a02.01ཞེ་ན། རིགས་ཀྱི་བུས་ཕ་མ་ལ་ཆོས་བཞིན་བྱས་ན་སློབ་དཔོན་ལྟ་བུར་འགྱུར་རོ། །དགེ་སློང་དག་རིགས་གང་ན་ཕ་མ་ལ་ཡང་དག་པར་མགུ་བར་བྱེད། ཡང་དག་པར་མཆོད་པར་བྱེད། ཡང་དག་པར་བདེ་བར་བསྙེན་བཀུར་བྱེད་པའི་རིགས་དེ་ནི་སྦྱིན་པར་རིགས་
D7a.013.0104a03.01པར་བྱའོ། །དེ་ཅིའི་ཕྱིར་ཞེ་ན། རིགས་ཀྱི་བུས་ཕ་མ་ལ་ཆོས་བཞིན་དུ་བྱས་ན་སྦྱིན་པར་རིགས་པའོ། །དགེ་སློང་དག་རིགས་གང་ན་ཕ་མ་ལ་ཡང་དག་པར་མགུ་བར་བྱེད། ཡང་དག་པར་མཆོད་པར་བྱེད། ཡང་དག་པར་བདེ་བར་བསྙེན་བཀུར་བྱེད་ན་རིགས་
D7a.013.0104a04.01དེ་ནི་མ་དང་བཅས་པའོ། །དེ་ཅིའི་ཕྱིར་ཞེ་ན། རིགས་ཀྱི་བུས་ཕ་མ་ལ་ཆོས་བཞིན་དུ་བྱས་ན་མེ་ལྟ་བུའོ། །དགེ་སློང་དག་རིགས་གང་ན་ཕ་མ་ལ་ཡང་དག་པར་མགུ་བར་བྱེད། ཡང་དག་པར་མཆོད་པར་བྱེད། ཡང་དག་པར་བདེ་བར་བསྙེན་བཀུར་བྱེད་ན་
D7a.013.0104a05.01རིགས་དེ་ནི་ལྷ་དང་བཅས་པའོ། །དེ་ཅིའི་ཕྱིར་ཞེ་ན། རིགས་ཀྱི་བུས་ཕ་མ་ལ་ཆོས་བཞིན་དུ་བྱས་ན་ལྷ་ལྟ་བུར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བདེ་བར་གཤེགས་པས་དེ་སྐད་གསུངས་ནས་སྟོན་པས་ཡང་གསུངས་པ། ཕ་དང་མ་
D7a.013.0104a06.01གཉིས་ཚངས་པ་སྟེ། །སློབ་དཔོན་ལྷ་ཡང་དེ་བཞིན་ནོ། །ཇི་ལྟར་མེ་ཡི་ལྷ་བྲན་བཞིན། །བུ་ཡི་སྦྱིན་པའི་གནས་ཡིན་ནོ། །དེ་བས་དེ་གཉིས་ཕྱག་བྱ་ཞིང་། །ཕྱི་བར་བྱ་ཞིང་བཀྲུ་བ་དང་། །རྐང་པ་གཉིས་ཀྱང་བཀྲུ་བར་བྱ། །དེ་བཞིན་མཁས་པས་བསྙེན་བཀུར་བྱ། །ཡང་ན་
D7a.013.0104a07.01