完整藏文原文 · 德格版页 当前仅加载第 13 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པ་རྣམས་དང་སྡེ་དེ་ལ་ཞུགས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་འབའ་ཞིག་ལ་ཡང་འཇུག་པར་མི་བྱ་སྟེ། ལ་ལར་སོ་ཤིང་བཟའ་བར་བྱ། ལ་ལར་གདོང་བཀྲུ་བར་བྱ། ལ་ལར་ནི་རྐང་པ་བཀྲུ་བར་བྱ། དགེ་སློང་དེ་དག་གིས་དེ་བཞིན་དུ་ལས་བྱས་
D7a.013.0135b01.01ནས་འབྲས་བུ་རྒྱལ་ཏེ་སྨིན་པར་གྱུར་པ་དང་། ཇི་ཙམ་ན་དགེ་སློང་དག་ཅིག་གློ་བུར་དུ་འོངས་པ་དང་། དེ་དག་གིས་འབྲས་བུ་རྒྱལ་ཞིང་སྨིན་པ་དེ་དག་མཐོང་ནས། དེ་དག་གིས་ཚེ་དང་ལྡན་པའི་རྣམས་བདག་ཅག་ཀྱང་ཨ་མྲ་སྨིན་པའི་འབྲས་བུ་བཟའ་བར་བགྱི་ན་ཁོ་བོ་ཅག་ཀྱང་
D7a.013.0135b02.01དབང་ངམ་ཞེས་སྨྲས་པ་དང་། དགེ་སློང་རྣམས་ཀྱིས་འདི་དག་ནི་བདག་ཅག་གིས་སྔར་བགོས་ན་བཟར་ག་ལ་ཡོད་ཅེས་སྨྲས་པ་དང་། དེ་དག་འཕྱ་བར་གྱུར་ནས། དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་
D7a.013.0135b03.01སྩལ་པ། གློ་བུར་དུ་འོངས་པ་རྣམས་ལ་ཡང་བྱིན་ཅིག །དགེ་སློང་རྣམས་ཀྱིས་བགོས་པའི་ལྷག་མ་ལ་བྱིན་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་རྣམ་པ་འདི་བཞི་ནི་མི་བགོ་སྟེ། བཞི་གང་ཞེ་ན། འདི་ལྟ་སྟེ། ཕྱོགས་བཞིའི་དགེ་འདུན་ཐམས་
D7a.013.0135b04.01ཅད་དབང་བ་དང་། མཆོད་རྟེན་ཐམས་ཅད་དབང་བ་དང་། ནད་པ་ཐམས་ཅད་ཀྱི་རུང་བ་དང་། རིན་ཐང་ནར་མར་བཟའ་བ་ཐམས་ཅད་དོ། །དེ་བས་ན་དགེ་སློང་རྣམས་ཀྱིས་རྩ་བས་འཚོ་བ་རྙེད་དམ། འབྲས་བུའམ། མེ་ཏོག་ལ་སོགས་པ་གང་ཟག་རྣམས་ཀྱིས་ཡོངས་སུ་སྤྱོད་
D7a.013.0135b05.01པ་བཞིན་དུ་ཡོངས་སུ་སྤྱོད་ཅིག །དེ་དག་མངོན་སུམ་དུ་དབང་བ་ཡིན་པས་ན་ཞལ་ཏ་བྱོས་ལ་མེ་ཏོག་དང་འབྲས་བུ་རྣམས་ནི་དགེ་འདུན་ལ་བྲིམས་ཤིག །བཅོམ་ལྡན་འདས་ཀྱིས་མངོན་སུམ་དུ་དབང་བ་ཡིན་པས་སོ་སོར་ཞལ་ཏ་བྱོས་ལ་མེ་ཏོག་དང་འབྲས་བུ་རྣམས་དགེ་འདུན་ལ་བྲིམས་
D7a.013.0135b06.01ཤིག་ཅེས་གསུངས་པ་དང་། དགེ་སློང་རྣམས་ཀྱིས་དེ་དག་ཞལ་ཏ་བྱས་པས་མེ་ཏོག་དང་འབྲས་བུ་སྨིན་པ་དང་། དེ་དག་ཡལ་བར་བོར་ནས་མེ་ཏོག་དང་འབྲས་བུ་རྣམས་རྐུན་པོ་རྣམས་ཀྱིས་ཁྱེར་བ་དང་། བཅོམ་ལྡན་འདས་ཀྱིས་སྲུང་མ་ཞོག་ཤིག་ཅེས་གསུངས་ནས། དགེ་
D7a.013.0135b07.01