完整藏文原文 · 德格版页 当前仅加载第 13 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་མ་རྙེད་ནས་ཡང་སྨན་པའི་དྲུང་དུ་སོང་ནས་བཞིན་{བཟངས་,བཟང་}ཁྱོད་ཀྱིས་བསྒོ་ཡང་ཁོ་བོས་འབྲུ་མར་ཡང་མ་རྙེད་ན་མར་ལྟ་ག་ལ་རྙེད་གཞན་ལྟ་ཅུང་ཟད་ཅི་རུང་སྟོན་ཅིག་ཅེས་སྨྲས་པ་དང་། དེས་འཕགས་པ་འདི་ཞེས་བྱ་བའི་དགེ་སློང་ཞིག་གིས་འབྲུ་མར་སྦྱར་ན།
D7a.013.0162a01.01འདི་ཞེས་བྱ་བ་ཞིག་གིས་མར་སྦྱར་གྱིས་དེའི་གན་དུ་སོང་དང་། གལ་ཏེ་སྦྱར་བ་དེའི་ལྷག་པ་ཡོད་ཀྱང་སྲིད་དོ་ཞེས་སྨྲས་པ་དང་། དེ་དག་གི་དྲུང་དུ་སོང་ནས་བསླངས་ན། དེ་དག་གིས་ཚེ་དང་ལྡན་པ་དེ་ཞག་བདུན་ལས་འདས་ཏེ་སྦགས་པར་གྱུར་པས་མེད་དོ་ཞེས་སྨྲས་པ་དང་།
D7a.013.0162a02.01དེ་དེ་ལྟར་གྱུར་པ་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། ནད་པའི་ཐབས་རྟོགས་ལ་མར་རམ་འབྲུ་མར་གཞན་ཅི་ཡང་རུང་བཞག་པ་ཡང་བླས་བཟའ་བར་བྱ་སྟེ། དེ་ལ་ཐེ་ཚོམ་དུ་མ་
D7a.013.0162a03.01བྱེད་ཅིག །བཅོམ་ལྡན་འདས་ཀྱིས་མར་རམ་འབྲུ་མར་རམ་གཞན་ཅི་ཡང་རུང་བཞག་པ་ཡང་བླས་ཟོ་ཤིག །དེ་ལ་ཐེ་ཚོམ་དུ་མ་བྱེད་ཅིག་ཅེས་བཀའ་སྩལ་ན་བྱིན་ལེན་བྱེད་པ་མེད་དོ། །བཅོམ་ལྡན་འདས་ཀྱིས་བཀའ་སྩལ་པ། བྱིན་ལེན་བྱེད་པའི་མི་མེད་ན་བྱིན་ལེན་མ་བྱས་ཀྱང་
D7a.013.0162a04.01བླས་ཟོ་ཤིག །གང་གི་ཚེ་ན་བ་ན་གནང་བ་དེ་སོས་ནས་མ་སྤྱོད་ཅིག །སྤྱད་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ་བཙུན་པ་བཅོམ་ལྡན་འདས་ཀྱིས་མིག་སྨན་གྱི་སྣོད་
D7a.013.0162a05.01གང་ཚེ་ཆོངས་ཤིག་ཅེས་བཀའ་སྩལ་ན། ཅི་འདྲ་བ་བཅང་བར་བགྱི། ཨུ་པཱ་ལི་རིན་པོ་ཆེ་ལས་བྱས་པ་མ་གཏོགས་སོ། །ཡང་ཞུས་པ། བཙུན་པ་བཅོམ་ལྡན་འདས་ཀྱིས་ཡུལ་ཡངས་པ་ན་མི་རུང་བ་རྣམ་པ་བཅུ་སྤོང་ལ། རུང་བའི་ཁང་པ་བྱིན་གྱིས་བརླབ་པར་གྱིས་
D7a.013.0162a06.01ཤིག་ཅེས་བཀའ་སྩལ་ན། ཅི་བཙུན་པ་ཁང་པ་འོག་རུང་བར་བྱིན་གྱིས་བརླབས་ན་ཁང་པའི་སྟེང་ཡང་རུང་བར་བྱིན་གྱིས་བརླབས་པར་འགྱུར་རམ། ཨུ་པཱ་ལི་ཇི་ལྟར་སྟེང་གི་བཞིན་དུ་ངོས་ཀྱི་ཡང་བརྗོད་པར་བྱའོ། །རྐྱང་པའི་སྒོ་དང་པོའི་མདོའི་ཚིགས་སུ་བཅད་པ་དགུ་པའོ།། །།
D7a.013.0162a07.01