完整藏文原文 · 德格版页 当前仅加载第 13 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དགེ་འདུན་གྱི་གཏན་པ་ཤིན་ཏུ་མ་མྱོང་བཞིན་དུ་གཏན་པ་བཏིང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། དགེ་སློང་ཞིག་གིས་དགེ་འདུན་གྱི་གཏན་པ་བཏིང་བའི་ཚེ་དད་པ་བྱིན་ལ་ཉལ་ལ་དགེ་འདུན་གྱིས་གཏན་པ་ཡང་བཏིང་བར་འགྱུར་ཏེ།
D7a.013.0092a01.01དེ་ལྟར་ན་དགེ་འདུན་གྱི་གཏན་པ་བཏིང་བ་ཤིན་ཏུ་མ་མྱོང་བ་ཡང་གཏན་པ་བཏིང་བར་འགྱུར་རོ། །ཨུ་པཱ་ལི་དེ་བཞིན་དུ་དགེ་སློང་གིས་དགེ་འདུན་གྱི་གཏན་པ་འདིང་བའི་ཚེ་དད་པ་བྱིན་པ་ལ་གཉིད་ཀྱིས་ལོག་གམ་སྙོམས་པར་ཞུགས་པ་སྟེ། ཤིན་ཏུ་མ་མྱོང་ཡང་གཏན་
D7a.013.0092a02.01པ་བཏིང་བར་འགྱུར་རོ། །བཙུན་པ་དགེ་སློང་གི་དགེ་འདུན་གྱི་གཏན་པ་འབྱིན་པའི་ཚེ་མྱོང་བར་གྱུར་ཀྱང་གཏན་པ་མ་ཕྱུང་བར་འགྱུར་བ་མཆིས་སམ། ཨུ་པཱ་ལི་ཡོད་དེ། འདི་ལྟ་སྟེ། དགེ་སློང་གིས་དགེ་འདུན་གྱི་གཏན་པ་འདིང་བའི་ཚེ་དད་པ་མ་བྱིན་ལ་གཉིད་
D7a.013.0092a03.01ཀྱིས་ལོག་གམ་སྙོམས་པར་ཞུགས་པ་སྟེ། ཨུ་པཱ་ལི་དེ་ལྟར་ན་དགེ་སློང་གི་དགེ་འདུན་གྱི་གཏན་པ་འབྱིན་པའི་ཚེ་མྱོང་བར་གྱུར་ཀྱང་གཏན་པ་མ་ཕྱུང་བར་འགྱུར་རོ། །བཙུན་པ་དགེ་སློང་ཞིག་གིས་དགེ་འདུན་གྱི་གཏན་པ་འབྱིན་པའི་ཚེ་མྱོང་བར་མ་གྱུར་ཀྱང་གཏན་པ་ཕྱུང་བར་འགྱུར་
D7a.013.0092a04.01བ་མཆིས་སམ། ཨུ་པཱ་ལི་ཡོད་དེ། འདི་ལྟར་དགེ་སློང་གི་དགེ་འདུན་གྱིས་གཏན་པ་འབྱིན་པའི་ཚེ་དད་པ་བྱིན་ལ་གཉིད་ཀྱིས་ལོག་གམ་སྙོམས་པར་ཞུགས་སམ། མཚམས་ཀྱི་ཕྱི་རོལ་ཏུ་སོང་ཡང་རུང་སྟེ། དགེ་འདུན་གྱིས་གཏན་པ་ཕྱུང་ངོ་ཞེས་ཐོས་ཏེ། ཐོས་ནས་
D7a.013.0092a05.01ཀྱང་ལེགས་པར་ཕྱུང་ངོ་། །ཤིན་ཏུ་བྱུང་བའོ་ཞེས་རྗེས་སུ་ཡི་རང་བའོ། །གླེང་གཞིའི་སྒོ་གཉིས་པའི་མདོའི་ཚིགས་སུ་བཅད་པ་གསུམ་པའོ།། །།མདོར་ན། བསླབ་པ་བྱིན་དང་ཚུལ་ཤིང་དང་། །གང་ལ་ལས་རྣམས་བྱ་བ་དང་། །བཅུ་གཉིས་རྣམས་ལ་
D7a.013.0092a06.01སླར་འཁྱལ་དང་། །མི་གཙང་བ་དང་མི་བརྩན་པ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་
D7a.013.0092a07.01