完整藏文原文 · 德格版页 当前仅加载第 13 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
ན་ནི་ཁྱོད་ལ་སླར་གཞི་ནས་བསླང་སྟེ། ཆད་པ་བྱེད་དུ་གཞུག་པའི་ལས་བྱའོ། །དེ་སྟེ་སླར་གཞི་ནས་བསླང་སྟེ་ཡིད་མགུ་བ་བྱེད་དུ་གཞུག་པར་འོས་ན་ནི་ཁྱོད་སླར་གཞི་ནས་བསླང་སྟེ་ཡིད་མགུ་བར་བྱེད་དུ་གཞུག་གོ། །གླེང་བར་བྱེད་པའི་དགེ་སློང་གིས་གླེངས་པའི་དགེ་སློང་
D7a.013.0050b01.01ལ་གཞན་ཡང་གནས་ལྔར་ཡིད་བརྟན་པར་བྱ་སྟེ། དེ་སྟེ་ཚེ་དང་ལྡན་པ་ཁྱོད་མངོན་སུམ་གྱིས་འདུལ་བར་འོས་ན་ནི་ཁྱོད་ལ་མངོན་སུམ་དུ་འདུལ་བར་བྱའོ། །དེ་སྟེ་དྲན་པས་འདུལ་བར་འོས་ན་ནི་ཁྱོད་དྲན་པས་འདུལ་བར་བྱའོ། །དེ་སྟེ་མ་རྨོངས་པས་འདུལ་བར་འོས་ན་ནི་ཁྱོད་
D7a.013.0050b02.01མ་རྨོངས་པས་འདུལ་བར་བྱའོ། །དེ་སྟེ་དེའི་ངོ་བོ་ཚོལ་བས་འདུལ་བར་འོས་ན་ནི་ཁྱོད་དེའི་ངོ་བོ་ཚོལ་བས་འདུལ་བར་བྱའོ། །དེ་སྟེ་ཚུལ་ཤིང་མང་པོར་བྱ་བར་འོས་ན་ནི་ཁྱོད་ལ་ཚུལ་ཤིང་མང་པོར་བྱ་བར་སྦྱིན་ནོ། །གླེང་བར་བྱེད་པའི་དགེ་སློང་གིས་གླེངས་པའི་དགེ་སློང་ལ་
D7a.013.0050b03.01གཞན་ཡང་གནས་ལྔར་ཡིད་བརྟན་པར་བྱ་སྟེ། གླེངས་པ་ཁྱོད་ཉོན་ཅིག །ཁྱོད་ལ་གང་དྲིས་པ་དེ་ལྟ་དེ་ལྟ་བུར་ཁྱོད་ཀྱིས་སྨྲོས་ཤིག །ཇི་ལྟར་བདག་ཉིད་སུན་པར་མི་འགྱུར་བ་དང་། གཞན་ལ་གནོད་པར་མི་འགྱུར་བ་དང་། སྐྱོན་མེད་པའི་དགེ་སློང་རྣམས་ལ་གཙེ་བར་མི་
D7a.013.0050b04.01འགྱུར་བ་དང་། མངོན་སུམ་དུ་གྱུར་པའི་དགེ་སློང་རྣམས་ལ་མངོན་སུམ་དུ་མི་སྨོད་པ་དང་། གཟུ་བོའི་དགེ་སློང་རྣམས་ལ་མདོ་སྡེའི་ཚིག་དང་། མི་མཐུན་པར་མ་བྱེད་ཅིག །དེ་ལྟར་བྱས་ན་དགེ་ཞིང་ཤིན་ཏུ་དགེ་བར་འགྱུར་རོ། །མདོར་ན། ཉེས་པ་བྱས་འདོགས་དེ་
D7a.013.0050b05.01བཞིན་ཏེ། །ཁས་ལེན་ལྟ་བ་གསོ་སྦྱིན་དང་། །སློབ་དཔོན་དང་ནི་གང་སྤྱོད་དང་། །གནས་འཇིག་པ་དང་བསྐྲད་པའོ། །ཉེས་པ་བྱེད་པ་ལྔ་སྟེ། ཁྲེལ་མེད་པ་ལས་ཉེས་པ་བྱུང་བ་དང་། ཐེ་ཚོམ་ལས་བྱུང་བ་དང་། མི་ཤེས་པ་ལས་བྱུང་བ་དང་། བློ་ཞན་པ་ལས་
D7a.013.0050b06.01བྱུང་བ་དང་། དྲན་པ་ཉམས་པ་ལས་བྱུང་བའོ། །སྤང་བའི་དངོས་པོ་ལྔ་སྟེ། གསོལ་བ་དང་། འདྲི་བར་བྱེད་པ་དང་། བསྒོ་བ་དང་། ཁ་ཅིག་ལ་སྨྲ་བ་དང་། བརྗོད་པར་བྱ་བའོ། །གསོལ་བ་གང་ཞེ་ན། ཚེ་དང་ལྡན་པ་ཁྱོད་ཀྱིས་དགེ་སྦྱོང་དུ་མི་འགྱུར་བ་ཅུང་ཟད་
D7a.013.0050b07.01