完整藏文原文 · 德格版页 当前仅加载第 13 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་ཅེས་བཀའ་སྩལ་པ་དང་། དགེ་སློང་དག་གིས་དེ་བཞིན་དུ་བྱིན་ཡང་སོས་པར་མ་གྱུར་ནས། དགེ་སློང་དག་གིས་སྨན་པ་ལ་ཞིབ་ཏུ་སྨྲས་པ་དང་། དེས་འཕགས་པ་འདེ་གུ་བྱོས་ལ་བྱིན་ཅིག་དང་སོས་པར་འགྱུར་རོ་ཞེས་སྨྲས་པ་དང་། དེ་ལྟར་
D7a.013.0110a01.01གྱུར་པ་དག་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་སྟེ་སྨན་པས་བསྒོ་ན་ཕྱེ་ལ་འདེ་གུ་བྱོས་ལ་བྱིན་ཅིག །དེ་བཞིན་དུ་ཕྱེ་ལས་ཟན་དུ་བྱས་པ་དང་། དེ་ཉིད་ཀྱང་རུང་སྟེ་ཐམས་ཅད་བྱིན་ཅིག །དེ་ལ་
D7a.013.0110a02.01ཐེ་ཚོམ་མ་བྱེད་ཅིག །གླེང་གཞི་ནི་མཉན་དུ་ཡོད་པ་ན་སྟེ། དེའི་ཚེ་མཉན་དུ་ཡོད་པ་ན་དགེ་སློང་གཞན་ཞིག་ན་བར་གྱུར་ནས། དེས་རྩ་བ་དང་། སྡོང་བུ་དང་། འདབ་མ་དང་འབྲས་བུའི་སྨན་རྣམས་ཀྱིས་གསོས་ཀྱང་སོས་པར་མ་གྱུར་ནས་ཕྱི་ཞིག་ན་སྨན་པ་གཙུག་ལག་
D7a.013.0110a03.01ཁང་དུ་འོངས་པ་དང་། དགེ་སློང་དག་གིས་དྲིས་པ། བཞིན་{བཟངས་,བཟང་}དགེ་སློང་འདི་ན་བའི་ཐབས་འདི་ལྟ་བུ་ཞིག་ན་སྨན་དཔྱད་སྟོན་ཅིག་ཅེས་སྨྲས་པ་དང་། དེས་འཕགས་པ་དག་ཕྱི་དྲོ་ཁུ་ཤ་བྱིན་ཅིག་དང་སོས་པར་འགྱུར་རོ་ཞེས་སྨྲས་པ་དང་། དེ་དག་གིས་
D7a.013.0110a04.01བཞིན་{བཟངས་,བཟང་}ཕྱི་དྲོ་ཟ་བར་བཅོམ་ལྡན་འདས་ཀྱིས་མ་གནང་ན་དེ་ལ་ཕྱི་དྲོ་ཁུ་ཤ་ཇི་ལྟར་བཟའ་ཞེས་སྨྲས་པ་དང་། དེས་འཕགས་པ་དག་ཁྱེད་ཀྱི་སྟོན་པ་ནི་ཐུགས་རྗེ་ཅན་ཡིན་གྱིས་གནང་བར་འགྱུར་རོ་ཞེས་སྨྲས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་
D7a.013.0110a05.01ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དྲེད་མོ་ཞེས་བྱ་བའི་སྲོག་ཆགས་ཞིག་ཡོད་དེ། དེས་ཤ་ཇི་ལྟར་ཟོས་པ་དེ་བཞིན་དུ་འབྱུང་གིས་དེ་ལྟ་བས་ན་རྗེས་སུ་གནང་བ་ནི་དྲེད་མོས་ཟོས་པའི་ཤ་ལས་ཁུ་ཤར་བྱོས་ཏེ་བྱིན་ཅིག །
D7a.013.0110a06.01དེ་ལ་ཐེ་ཚོམ་མ་བྱེད་ཅིག །དེ་དག་གིས་དྲེད་མོས་ཟོས་པའི་ཤ་ལས་ཁུ་ཤར་བྱས་ཏེ་བྱིན་ཡང་སོས་པར་མ་གྱུར་ནས། དགེ་སློང་དག་གིས་སྨན་པ་ལ་ཞིབ་ཏུ་སྨྲས་པ་དང་། དེས་འཕགས་པ་དག་དེ་ནི་རོ་ཡལ་ཟིན་པས་ཤ་སར་པ་ལས་བྱས་པ་བྱིན་ཅིག་དང་སོས་
D7a.013.0110a07.01