完整藏文原文 · 德格版页 当前仅加载第 13 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
དང་བཞིའི་ལས་ཀྱིས་བསྐྱོ་བ་མེད་ཅིང་གཞག་པ་མེད་པར་བྱ་སྟེ། འདི་ངོ་བོ་ཉིད་ཚོལ་བའི་ཕྱིར་ཆད་པས་གཅད་པ་ཞེས་བྱའོ། །ཉེས་པ་གང་ཞེ་ན། ཉེས་པ་སྡེ་ལྔ་པོ་ནི་ཉེས་པའི་ཕུང་པོ་ཞེས་བྱ་སྟེ། ཕས་ཕམ་པ་དང་། དགེ་འདུན་གྱི་ལྷག་མ་དང་། ལྟུང་བ་དང་།
D7a.013.0243a01.01སོ་སོར་འཆགས་པ་དང་། ཉེས་བྱས་ཏེ། གང་དེ་རྣམས་ལ་སྤྱོད་ཅིང་བྱས་པས་བསྐྱོ་བར་མི་བྱེད་པ་དེ་ནི་ཉེས་པ་ཞེས་བྱའོ། །ཉེས་པ་མེད་པ་གང་ཞེ་ན། ཉེས་པའི་རིགས་ལྔ་པོ་དེ་དག་ཉེས་པ་མེད་པས་ན་ཉེས་པ་མེད་པའི་ཕུང་པོ་ཞེས་བྱ་སྟེ། ཕས་ཕམ་པ་དང་། དགེ་འདུན་གྱི་ལྷག་
D7a.013.0243a02.01མ་དང་། ལྟུང་བ་དང་། སོ་སོར་གནས་པ་དང་། ཉེས་བྱས་དག་ལས་ཀྱང་ལས་མི་བྱེད་དེ། མ་སྤྱད་ཅིང་མ་བྱས་པས་བསྒོ་བ་འདི་ནི་ཉེས་པ་མེད་པ་ཞེས་བྱའོ། །ཉེས་པ་ལྕི་བ་གང་ཞེ་ན། གང་དབྱུང་དུ་མེད་པའོ། །ཉེས་པ་ཡང་བ་གང་ཞེ་ན། གང་དབྱུང་དུ་ཡོད་པའོ། །ལྷག་
D7a.013.0243a03.01མར་བཅས་པའི་ཉེས་པ་གང་ཞེ་ན། ཉེས་པའི་རིགས་འོག་མ་རྣམས་ཏེ། དགེ་འདུན་གྱི་ལྷག་མ་དང་། ལྟུང་བ་དང་སོ་སོར་འཆགས་པ་དང་། ཉེས་བྱས་སོ། །ལྷག་མ་མེད་པའི་ཉེས་པ་གང་ཞེ་ན། ཉེས་པའི་རིས་དང་པོ་ལྟུང་བ་བཞི་པོའོ། །ཉེས་པ་སྦོམ་པོའི་ཉེས་པ་གང་ཞེ་ན། ཕས་
D7a.013.0243a04.01ཕམ་པའི་དང་། དགེ་འདུན་གྱི་ལྷག་མའི་འོ། །ཅིའི་ཕྱིར་ན་ཉེས་པ་སྦོམ་པའི་ཉེས་པ་ཞེས་བྱ་ཞེ་ན། རྣམ་པ་གཉིས་ཀྱི་ཕྱིར་ན་ཉེས་པ་སྦོམ་པོ་ཞེས་བྱ་སྟེ། ཉེས་པ་སྦོམ་པོ་བས་ན་ཉེས་པ་སྦོམ་པོ་ཞེས་བྱ་བ་དང་། རང་བཞིན་གྱིས་ཉེས་པ་སྦོམ་པོ་བས་ན་ཉེས་པ་སྦོམ་པ་སྟེ། དེ་ནི་ཉེས་པ་སྦོམ་
D7a.013.0243a05.01པོ་ཞེས་བྱའོ། །ཉེས་པ་སྦོམ་པོ་མེད་པའི་ཉེས་པ་གང་ཞེ་ན། ཉེས་པའི་རིས་ལྷག་མ་གསུམ་པོ་སྟེ། ལྟུང་བ་དང་། སླར་འཆགས་པ་དང་། ཉེས་བྱས་ཏེ། འདི་ནི་ཉེས་པ་སྦོམ་པོ་མེད་པའི་ཉེས་པ་ཞེས་བྱའོ། །ལས་དང་བཅས་པའི་ཉེས་པ་གང་ཞེ་ན། བཤགས་པར་བྱ་བ་དང་། བསྡམ་
D7a.013.0243a06.01པར་བྱའོ། །ལས་སུ་མི་བྱ་བའི་ཉེས་པ་གང་ཞེ་ན། ཉེས་པ་དང་པོ་རྣམས་སོ།། །།འདུལ་བ་གཞུང་དམ་པ། བམ་པོ་བཞི་བཅུ་རྩ་བརྒྱད་པ། ཉེས་པ་སླར་ལས་བྱ་བ་གང་ཞེ་ན། དགེ་སློང་གང་བཞི་པོའམ། ལྔ་པའི་ཆོས་ནང་དུ་དྲན་པ་ཉེ་བར་འཇོག་ཅིང་དད་པས་ཉེས་པ་ཇི་ལྟར་
D7a.013.0243a07.01