完整藏文原文 · 德格版页 当前仅加载第 13 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་འདུལ་བ་དེ་ནི་སྨྱོས་པའི་སྡོམ་པ་ཞེས་བྱའོ། །མ་སྨྱོས་པའི་སྡོམ་པ་གང་ཞེ་ན། སྨྱོས་པའི་སྡོམ་པ་དེ་དག་མ་གཏོགས་པར་དེ་ལས་གཞན་པའི་སྡོམ་པ་དེ་ནི་མ་སྨྱོས་པའི་སྡོམ་པ་ཞེས་བྱའོ། །དད་པས་བྱིན་པ་མ་རུང་བར་བྱེད་པ་གང་ཞེ་ན། ཚུལ་
D7a.013.0240a01.01ཁྲིམས་ཉམས་པ་ལ་བྱིན་ན་དད་པས་བྱིན་པ་མ་རུང་བ་ཞེས་བྱའོ། །ཡང་དག་པར་བྱིན་པ་ལ་ཞུགས་པ་ལས་ལོག་པར་ཞུགས་པ་ལ་བྱིན་ན་ཁམ་གཅིག་ཀྱང་རུང་དད་པས་བྱིན་པ་མ་རུང་བར་བྱས་པ་ཞེས་བྱ་སྟེ། དེ་ན་དད་པས་བྱིན་པ་མ་རུང་བར་བྱེད་པ་ཞེས་བྱའོ། །ལས་
D7a.013.0240a02.01རྣམས་གང་ཞེ་ན། ལས་མངོན་སུམ་དུ་མ་གྱུར་ནས་བྱ་བའི་ལས་བཅུའོ། །དེ་འདི་ལྟ་སྟེ། ལྷུང་བཟེད་ཁས་ཕུབ་པ་དང་། ལྷུང་བཟེད་བཀན་པ་དང་། བསླབ་པ་ལ་སྡོམ་པ་དང་། བསླབ་པའི་སྡོམ་པ་བཀྲོལ་བ་དང་། གཙུག་ལག་ཁང་གི་སྡོམ་པ་དང་། དགེ་ཚུལ་གྱི་
D7a.013.0240a03.01སྡོམ་པ་དང་། སྨྱོན་པའི་སྡོམ་པ་དང་། མི་སྨྲ་བའི་སྡོམ་པ་དང་། ཕྱག་མི་བྱ་བར་རིགས་པའི་སྡོམ་པ་དང་། སྤྱོད་པ་མི་གཅིག་པའི་སྡོམ་པ་སྟེ། འདི་དག་ནི་ལས་རྣམས་ཞེས་བྱའོ། །ལས་མ་ཡིན་པ་གང་ཞེ་ན། བཞི་འདུས་ཏེ་ལས་སུ་བྱ་བ་ལ་བཞི་མ་འདུས་པར་བྱེད་ན་དེ་ལས་མ་
D7a.013.0240a04.01ཡིན་ཏེ། དེ་ལྟར་ནི་མི་བྱའོ། །ཁྱིམ་པས་བཞིར་བསྐངས་ཏེ་བྱིན་ན་ལས་མ་ཡིན་ཏེ། དེ་ལྟར་ཡང་མི་བྱའོ། །དགེ་ཚུལ་ཕ་དང་། ཟ་མ་དང་། མ་ནིང་དང་། དགེ་སློང་མ་སུན་ཕྱུང་བ་དང་། ཕ་བསད་པ་དང་། མ་བསད་པ་དང་། དགྲ་བཅོམ་པ་བསད་པ་དང་།
D7a.013.0240a05.01དགེ་འདུན་ཕྱེ་བ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། མུ་སྟེགས་ཅན་དང་། མུ་སྟེགས་ཅན་དུ་སོང་བ་དང་། རྐུན་གནས་དང་། སྔར་ཉམས་པ་དང་། སྔར་འཁྲུགས་པ་དང་། རྒྱུད་གཞན་དུ་གནས་པ་དང་། མི་གནས་
D7a.013.0240a06.01པ་དང་། ཐ་དད་དུ་གནས་པ་དང་། གནས་པར་མི་བྱ་བ་དང་། བསླབ་པ་བྱིན་པ་དང་། ཆད་པ་བྱེད་པ་དང་། ཆད་པ་མ་བྱས་པ་དང་། ཡིད་མགུ་བར་མ་བྱས་པ་དང་། ཡིད་མགུ་བར་མི་བྱེད་པ་དང་། བསླབ་པ་བྱིན་པ་རྣམས་ཀྱིས་བྱེད་པ་ནི་ལས་མ་ཡིན་ཏེ།
D7a.013.0240a07.01