完整藏文原文 · 德格版页 当前仅加载第 13 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་ནས་རྒྱལ་པོ་གཟུགས་ཅན་སྙིང་པོས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །འཕགས་པ་ཀུན་དགའ་བོ་སེང་གེའི་གདན་བཤམས་པ་འདི་ཅི་ཞིག་བགྱི་ཅི་དེང་ཆོས་བསྒྲགས་སམ། དེའི་ཚེ་གསོ་སྦྱིན་གྱི་དུས་ལ་བབ་སྟེ། དེ་རྒྱལ་པོ་ཆེན་པོ་དགེ་སློང་གིས་
D7a.013.0182b01.01མཚུངས་པར་བཟུང་བ་ལགས་ཀྱི་ཁྱིམ་པས་མཚུངས་པར་བཟུང་བ་མ་ལགས་སོ། །ཞེས་སྨྲས་པ་དང་། རྒྱལ་པོས་རྐང་པ་ལ་ཕྱག་འཚལ་ཏེ་སོང་ངོ་། །མཁྱེན་བཞིན་དུ་འདྲི་བ་ནི་སངས་རྒྱས་བཅོམ་ལྡན་འདས་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་
D7a.013.0182b02.01དགའ་བོ་ལ་ཅིའི་ཕྱིར་རྒྱལ་པོ་ཆོས་མ་མཉན་པར་སོང་ཞེས་སྨྲས་པ་དང་། དེ་ལྟར་གྱུར་པ་བཅོམ་ལྡན་འདས་ལ་ཞིབ་མོར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་ཀྱིས་ཉེས་སོ། །དེ་སྟེ་རྒྱལ་པོ་གཟུགས་ཅན་སྙིང་པོ་སོ་སོར་ཐར་པ་ཐོས་པར་
D7a.013.0182b03.01གྱུར་ན་ངེས་པར་དེ་སྡོན་པས་ཀྱང་མངོན་དུ་དགའ་བར་འགྱུར་ཏེ། དགའ་ནས་དགའ་བའི་དབང་གིས་བྱ་བ་བྱེད་དུ་གདོན་མི་ཟའོ། །དེ་བས་ན་ངས་གནང་གིས་འདི་འདྲ་བའི་སྐྱེས་བུ་དམ་པ་དད་པ་དེ་དག་ལ་ནི་ཐོས་པར་གྱིས་ཤིག །གཞན་ཡང་རབ་ཏུ་ཕྱུག་ལ་མ་དད། དབུལ་ལ་རབ་
D7a.013.0182b04.01ཏུ་དད་དེ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བུ་དག་ལའང་ཐོས་པར་གྱིས་ཤིག །གང་གི་ཚེ་ཚེ་དང་ལྡན་པ་གྲོ་ཞིན་བྱེ་བ་ཉི་ཤུ་པ་ཞེས་བྱ་བ་སྐྱ་བོ་བསེང་བསེང་པོ་སྐེམ་ཞིང་རིད་ལ་རྨྱ་ཞིང་ལུས་ཉམ་ཆུང་བར་གྱུར་པ་དང་། བཅོམ་ལྡན་འདས་ཀྱིས་གཟིགས་ཏེ། ཚེ་དང་
D7a.013.0182b05.01ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཅིའི་ཕྱིར་ན་གྲོ་ཞིན་བྱེ་བ་ཉི་ཤུ་པ་ཞེས་བྱ་བ་སྐྱ་བོ་བསེང་བསེང་པོ་སྐེམ་ཞིང་རིད་ལ་རྨྱ་ཞིང་ཉམ་ཆུང་བར་གྱུར། དེས་བཅོམ་ལྡན་འདས་དེ་དང་པོ་བཙས་ནས་ཐུག་པ་འབའ་ཞིག་གིས་ལུས་བསྐྱེད་པ་ལགས་སོ་ཞེས་གསོལ་
D7a.013.0182b06.01པ་དང་། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་ལྟ་བས་ན་ངས་གནང་གིས་གྲོ་ཞིན་བྱེ་བ་ཉི་ཤུ་པ་ལ་ཐུག་པ་ལུད་ཅིག །དེ་ནས་ཚེ་དང་ལྡན་པ་ཀུན་དགའ་བོས་གྲོ་ཞིན་བྱེ་བ་ཉི་ཤུ་པ་ལ་ཚེ་དང་ལྡན་པ་གྲོ་ཞིན་བཅོམ་ལྡན་འདས་ཀྱིས་ཁྱོད་ནི་ཐུག་པ་འཐུང་
D7a.013.0182b07.01